________________
६४०
सुत्तागमे
[ जंबुद्दीवपण्णत्ती
याहिं सव्वतुवरेहिं जाव सव्वोसहि सिद्धत्थ एहिं सव्विदीए जाव रवेणं महया २ तित्थ - यराभिसेएणं अभिसिंचाइ, तए णं सामिस्स महया २ अभिसेयंसि माणंस इंदाइया देवा छत्तचामरकलसहत्थगया हट्ठट्ठ जाव वज्जसूलपाणी पुरओ चिति पंजलिउड इति, एवं विजयाणुसारेण जाव अप्पेगड्या देवा आसियसंमज्जिओवलित्तसित्तसुइसम्मट्ठरत्थंतरावणवीहियं करेन्ति जाव गन्धवट्टिभूयंति अप्पेग ० हिरण्णवासं वासिंति एवं सुवण्णरयणवइरआभरणपत्तपुप्फफलबीय मलगन्धवण्ण जाव चुण्णवासं वासंति, अप्पेगइया हिरण्णविहिं भाइंति एवं जाव चुण्णविहिं भाइंति, अप्पेगइया चउन्विहं वजं वाएन्ति, तंजहा-ततं १ विततं २ घणं ३ झुसिरं ४, अप्पेइया चउव्विहं गेयं गायन्ति, तंजहा - उक्खित्तं १ पायत्तं २ मन्दाइयं ३ रोइयावसाणं ४, अप्पेगइया चउव्विहं ण णच्चन्ति तं० - अंचियं १ दुयं २ आरभडं ३ भसोलं ४, अप्पेगइया चउव्विहं अभिणयं अभिणएंति, तं०-दिद्वंतियं पाडिस्सुइयं सामण्णोवणिवाइयं लोगमज्झावसाणियं, अप्पेगइया बत्तीसइविहं दिव्वं
विहिं उवदंसेन्ति, अप्पेगइया उप्पयनिवयं निवयउप्पयं संकुचियपसारियं जाव भन्तसंभन्तणामं दिव्वं णट्टविहिं उवदंसन्तीति, अप्पेगइया तंडवेंति अप्पेगइया ·लासेन्ति, अप्पेगइया पीणेन्ति, एवं बुक्कारेन्ति अप्फोडेन्ति वग्गन्ति सीहणायं णदन्ति अप्पे० सव्वाईं करेन्ति, अप्पे० हयहेसियं एवं हत्थिगुलुगुलाइयं रहघणघणायं अप्पे० तिणिवि, अप्पे० उच्छोलन्ति अप्पे ० पच्छोलन्ति अप्पे ० तिवई छिंदन्ति पायदद्दरयं करेन्ति भूमिचवेडे दलयन्ति अप्पे • महया २ सद्देणं रावेंति एवं संजोगा विभासियव्वा, अप्पे० हक्कारेन्ति, एवं पुक्कारेन्ति थक्कारेन्ति ओवयंति उप्पयंति परिवयंति जलन्ति तवंति पतवंति गज्जंति विजुयायंति वासिंति ... अप्पेगइया देवकलियं करेंति एवं देवकहकहगं करेंति अप्पे ० दुहुदुहुगं करेंति अप्पे० विकियभूयाई रुवाईं विउव्वित्ता पणचंति एवमाइ विभासेज्जा जहा विजयस्स जाव सव्वओ समन्ता आधावेंति परिवावेंतित्ति ॥ १२१ ॥ तए
से अच्चुइंदे सपरिवारे सामिं तेणं महया महया अभिसेएणं अभिसिंचइ २ ता करयल परिग्गहियं जाव मत्थए अंजलिं कट्टु जएणं विजएणं वद्धावेइ २ ता ताहिं इट्ठाहिं जाव जयजयसद्दं परंजइ परंजित्ता जाव पम्हलसुकुमालाए सुरभीए गन्धकासाईए गायाई लहेइ २ त्ता एवं जाव कप्परुक्खगंपिव अलंकियविभूसियं करेइ २ ता जाव णट्टविहिं उवदंसेइ २ त्ता दसंगुलियं अंजलिं करिय मत्थयमि 'पयओ अट्ठसयविसुद्धगन्थजुत्तेहिं महावित्तहिं अपुणरुत्तेहिं अत्थजुत्तेहिं संथुणइ २ ता
जणुं अंचे २ ता जाव करयलपरिग्गहियं • मत्थए अंजलिं कड्ड एवं वयासी
