________________
सुत्तागमे
[ जंबुद्दीवपण्णत्ती
बहुसमरमणिज्जस्स भूमिभागस्स बहुमज्झ देसभाए एत्थ णं महं एगं सीहासणं विउव्वंति, तस्स सीहासणस्स अयमेयारूवे वण्णावासे पण्णत्ते जाव दामवण्णगं समत्तंति।तए णं ते देवा अभिसेयमंडवं विउव्वंति २ त्ता जेणेव भरहे राया जाव पश्चप्पिणंति, तए णं से भरहे राया आभिओगाणं देवाणं अंतिए एयमहं सोच्चा णिसम्म हट्ठतु जाव पोसहसालाओ पडिणिक्खमइ २ त्ता कोडुंबियपुरिसे सहावेइ २ ता एवं वयासी - खिप्पामेव भो देवाणुप्पिया ! आभिसेक्कं हत्थिरयणं पडिकप्पेह २ ता हयगय जाव सण्णाहेत्ता एयमाणत्तियं पञ्चप्पिणह जाव पञ्चप्पिणंति, तए णं से भरहे राया मज्जणघरं अणुपविसइ जाव अंजणगिरिकूडसण्णिभं गयवईं णरवई दुरूढे, तए णं तस्स भरहस्स रण्णो आभिसेकं हत्थिरयणं दुरूढस्स समाणस्स इमे अटुटुमंगलगा जो चेव गमो विणीयं पविसमाणस्स सो चेव णिक्खममाणस्व जाव पडिबुज्झमाणे २ विणीयं रायहाणिं मज्झमज्झेणं णिग्गच्छइ २ त्ता जेणेव विणीयाए रायहाणीए उत्तरपुरत्थि मे दिसीभाए अभिसेयमंडवे तेणेव उवागच्छइ २ त्ता अभिसेयमंडवदुवारे आभिसेक्कं हत्थिरयणं ठावेइ २ त्ता आभिसेक्काओ हत्थिरयणाओ पचरुइ २ त्ता इत्थीरयणेणं बत्तीसाए उडुकल्लाणियासहस्सेहिं बत्तीसाए जणवयकक्लाणियासहस्सेहिं बत्तीसाए बत्तीसइबद्धेहिं णाडगसहस्सेहिं सद्धिं संपरिवुडे अभिसेयमंडवं अणुपविसइ २ त्ता जेणेव अभिसेयपेढे तेणेव उवागच्छइ २ त्ता अभिसेयपेढें अप्पयाहिणीकरेमाणे २ पुरथिमिल्लेणं तिसोवाणपडिरूवएणं दुरूहइ २ त्ता जेणेव सीहासणे तेणेव उवागच्छइ २ त्ता पुरत्थाभिमुहे सण्णसण्णे । तए णं तस्स भरहस्स रण्णो बत्तीसं रायसहस्सा जेणेव अभिसेयमण्डवे तेणेव उवागच्छंत २ ता अभिसेयमंडवं अणुपविसंति २ त्ता अभिसेयपेढं अणुप्पयाहिणीकरेमाणा २ उत्तरिलेणं तिसोवाणपडिरूवएणं जेणेव भरहे राया तेणेव उवागच्छति २ त्ता करयल जाव अंजलिं कट्टु भरहं रायाणं जएणं विजएणं वद्धावेंति २ ता भरहस्स रण्णो णच्चासणे णाइदूरे सुस्सूसमाणा जाव पज्जुवासंति, तए णं तस्स भरहस्स रण्णो सेणावरयणे जाव सत्थवाहप्पभिइओ तेऽवि तह चेव णवरं दाहिणिल्लेणं तिसोवाणपडिरूवएणं जाव पज्जुवासंति, तए णं से भरहे राया आभिओगे देवे सद्दावेइ २ त्ता एवं वयासीखिप्पामेव भो देवाणुप्पिया ! ममं महत्थं महग्घं महरिहं महारायाभिसेयं उवटूवेह, तणं ते आभिओइया देवा भरहेणं रण्णा एवं वुत्ता समाणा हट्ठचित्त जाव उत्तरपुरत्थिमं दिसीभागं अवक्कमंति अवक्कमित्ता वेउव्वियसमुग्धाएणं समोहपंति, एवं जहा विजयस्स तहा इत्थंपि जाव पंडगवणे एगओ मिलायंति एगओ मिलाइत्ता जेणेव दाहिणड्डूभर हे वासे जेणेव विणीया रायहाणी तेणेव उवागच्छंत २ ता
५८८
