________________
सुत्तागमे
[ जंबुद्दीवपण्णत्ती
कम्मरएइ वा ? ० णो इणट्ठे समट्ठे, ववगयआभिओगा णं ते मणुया पण्णत्ता समणाउसो !, अत्थि णं भंते! तीसे समाए भरहे वासे मायाइ वा पियाइ वा भाया ० भगिणी० भज्जा ० पुत्त० धूया० सुण्हाइ वा ? हंता ! अत्थि, णो चेव णं तिव्वे पेम्म - बंधणे समुप्पज्जइ, अत्थि णं भंते ! • भरहे वासे अरीइ वा वेरिएइ वा घायएइ वा वहएइ वा पडिणीयएइ वा पच्चामित्तेइ वा ? गो० ! णो इणट्ठे समट्ठे, ववगयवेराणुसया णं ते मया पण्णत्ता समणाउसो !, अत्थि णं भंते !• भरहे वासे मित्ताइ वा वयंसाह वा णाय वा संघाडिएर वा सहाइ वा सुहीइ वा संगइएइ वा ? हंता ! अत्थि, णो चेव णं तेसिं मणुयाणं तिव्वे रागबंधणे समुप्पज्जइ, अत्थि णं भंते !० भरहे वासे आवाहाइ वा वीवाहाइ वा जण्णाइ वा सद्धाइ वा थालीपागाइ वा मियपिंडनिवेयणाइ वा ? गो इणट्ठे समट्ठे, वयगयआवाहवीवाहजण्णसद्धथालीपागमियपिंड निवेयणा णं ते मणुया पण्णत्ता समणाउसो !, अत्थि णं भंते !• भरहे वासे इंदमहाइ वा खंद० णाग० जक्ख • भूय० अगड• तडाग ० दह० णइ० रुक्ख • पव्वयमहाइ वा ? गो० ! णो इणट्टे समट्ठे, ववगयमहिमा णं ते मणुया प० स०, अत्थि णं भंते ! • भरहे वासे गडपेच्छाइ वा णट्ट० जल्ल० मल्ल० मुट्ठिय० वेलंबग० कहग० पवग० लासगपेच्छाइ वा ? गो० ! णो इणट्ठे समट्ठे, ववगयको हल्ला णं ते मणुया पण्णत्ता समणाउसो !, अत्थि णं भंते ! • भरहे वासे सगडाइ वा रहाइ वा जाणाइ वा जुग्गा० गिल्ली ० थिल्ली० सीया० संदमाणियाइ वा १० णो इणट्ठे समट्ठे, पायचारविहारा णं ते मणुया प० समणाउसो !, अत्थि णं भंते !• भरहे वासे गावीइ वा महिसीइ वा अयाइ वा एलगाइ वा ? हंता ! अत्थि, णो चेव णं तेसिं मणुयाणं परिभोगत्ताए हव्वमागच्छंति, अत्थि णं भंते ! • भरहे वासे आसाइ वा हत्थी ० उद्या० गोणा० गवया० अया० एलगा ० पसया • मिया ० वराहा० रुरु० सरभा० चमरा० कुरंगगोकण्णमाइया ? हंता ! अत्थि, णो चेव णं तेसिं परिभोगत्ताए हव्वमागच्छंति, अत्थि णं भंते ! - भर वासे सीहाइ वा वग्धाइ वा विगदीविगअच्छत रच्छसियालबिडालसुणगकोकंतियकोलसुणगाइ वा ? हंता ! अत्थि, णो चेव णं तेर्सि मणुयाणं आबाहं वा वाबाह वा छविच्छेयं वा उप्पा एंति, पगइभद्दया णं ते सावयगणा प० समणाउसो !, अस्थि णं भंते !• भरहे वासे सालीइ वा वीहिगोहूमजवजवजवाइ वा कलममसूरमुग्गमासतिलकुलत्थणिप्फावआलिसंदगअयसिकुसुंभकोद्दवकंगुवरगरालगसणसरिसवमूलगबीयाइ वा ? हंता ! अत्थि, णो चेव णं तेसिं मणुयाणं परिभोगत्ताए हव्वमागच्छंति, अत्थि णं भंते ! • भरहे वासे गड्ढाइ वा दरीओवायपवायविसमविज्जलाइ वा १० णो इणट्ठे समट्ठे, भरहे वासे बहुसमरमणिजे भूमिभागे पण्णत्ते से जहाणामए-आलिंग
५४८
