________________
व० २ दास० पुच्छा ]
सुत्तागमे
मिउमद्दवसंपन्ना अल्लीणा भद्दगा विणीया अप्पिच्छा असण्णिहिसंचया विडिमंतरपरिवसणा जहिच्छियकामका मिणो ॥ २१ ॥ तेसि णं भंते! मणुयाणं केवइकालस्स आहारट्ठे समुपज्जइ ? गोयमा ! अट्ठमभत्तस्स आहारट्ठे समुप्पज्जइ, पुढवीपुप्फफलाहाराणं ते मणुया पण्णत्ता समणाउसो !, तीसे णं भंते !० पुढवीए केरिसए आसाए पण्णत्ते ? गो० ! से जहाणामए - गुलेइ वा खंडेड् वा सक्कराइ वा मच्छंडियाई वा पप्पडमोयएइ वा भिसेइ वा पुप्फुत्तराइ वा परमुत्तराइ वा विजयाइ वा महाविजयाइ वा आगासियाइ वा आदंसियाइ वा आगासफालिओवमाइ वा उग्गाइ वा अणो
माइ वा इमेए अज्झोववणाए, भवे एयारूवे ?, णो इणट्ठे समट्ठे, सा णं पुढवी इत्तो इट्ठतरिया चेव जाव मणामतरिया चेव आसाएणं पण्णत्ता । तेसि णं भंते ! पुप्फफलाणं केरिसए आसाए पण्णत्ते ? गोयमा ! से जहाणामए- रण्णो चाउरंतचक्कवट्टिस्स कल्लाणे भोयणजाए सयसहस्सनिप्फन्ने वण्णेणुववेए जाव फासेणं उववेए आसायणिज्जे विस्सायणिज्जे दिप्पणिज्जे दप्पणिजे मयणिजे [ विग्घणिजे ] बिंहणिजे सव्विंदियगायपल्हायणिज्जे, भवे एयारूवे ?, णो इणट्ठे समट्ठे, तेसि णं पुप्फफलाणं एत्तो इतराए चेव जाव आसाए पण्णत्ते ॥ २२ ॥ ते णं भंते ! मणुया तमाहारमाहारेत्ता कहिं वसि उवेंति ? गोयमा ! स्क्खगेहालया णं ते मणुया पण्णत्ता समणाउसो !, तेसि णं भंते! रुक्खाणं केरिसए आयारभाव पडोयारे पण्णत्ते ? गोयमा ! कूडागारसंठिया पेच्छाछत्तज्झयतोरणगोयरवेश्याचोप्फालगअट्टालगपासायहम्मियगवक्खवालग्गपोइयावलभीघरसंठिया अत्थण्णे इत्थ बहवे वरभवणविसिट्ठसंठाणसंठिया दुमगणा सुहसीयलच्छाया पण्णत्ता समणाउसो ! ॥ २३ ॥ अत्थि णं भंते ! तीसे समाए भरहे वासे गेहाइ वा गेहावणाइ वा ? गोयमा ! णो इणट्ठे समट्ठे, स्क्खगेहालया णं ते मणुया पण्णत्ता समणाउसो !, अत्थि णं भंते ! तीसे समाए भरहे वासे गामाइ वा जाव संणिवेसाइ वा ? गोयमा ! णो इणट्ठे समट्ठे, जहिच्छियकामगामिणो णं ते मणुया पण्णत्ता०, अत्थि णं भंते !• असीइ वा मसीइ वा किसीइ वा वणिएत्ति वा पणिएत्ति वा वाणिज्जेइ वा ? गो० ! णो इणट्ठे समट्ठे, ववगयअसिमसिकिसिवणियपणियवाणिज्जा णं ते मणुया पण्णत्ता समणाउसो !, अत्थि णं भंते ! ० हिरण्णेइ वा सुवण्णेइ वा कंसेइ वा दूसेइ वा मणिमोत्तियसंखसिलप्पवालरत्तरयणसावइजेइ वा ? हंता ! अत्थि, णो चेवणं तेसिं मणुयाणं परिभोगत्ताए हव्वमागच्छइ । अत्थि णं भंते ! - भरहे ० रायाइ वा जुवरायाइ वा ईसरतलवरमाडंबियकोडुंबियइब्भसेट्ठिसेणावइसत्थवाहाइ वा ? गोयमा ! णो इणट्ठे समट्ठे, ववगयइढिसकारा णं ते मणुया०, अस्थि णं भंते !० भरहे वासे दासेइ वा पेसेइ वा सिस्सेइ वा भयगेइ वा भाइलाइ वा
५४७
