________________
व० २ सुसमावण्णणं]
सुत्तागमे
५४९
पुक्खरेइ वा०, अत्थि णं भंते !० भरहे वासे खाणूइ वा कंटगतणक्यवराइ वा पत्तकयवराइ वा ?. णो इणढे समढे, ववगयखाणुकंटगतणकयवरपत्तकयवरा णं सा समा पण्णत्ता०, अत्थि णं भंते !० भरहे वासे डंसाइ वा मसगाइ वा जूयाइ वा लिक्खाइ वा ढिंकुणाइ वा पिसुयाइ वा १० णो इणढे समठे, ववगयडंसमसगजूयलिक्खढिंकुणपिसुया उवद्दवविरहिया णं सा समा पण्णत्ता०, अत्थि णं भंते !० भरहे. अहीइ वा अयगराइ वा ? हंता ! अत्थि, णो चेव णं तेसिं मणुयाणं आबाहं वा जाव पगइभद्दया णं ते वालगगणा पण्णत्ता०, अत्थि णं भंते !० भरहे. डिंबाइ वा डमराइ वा कलहबोलखारवइरमहाजुद्धाइ वा महासंगामाइ वा महासत्थपडणाइ वा महापुरिसपडणाइ वा ? गोयमा ! णो इणढे समढे, ववगयवेराणुबंधा णं ते मणुया पण्णत्ता स० !, अत्थि णं भंते !० भरहे वासे दुभूयाणि वा कुलरोगाइ वा गामरोगाइ वा मंडलरोगाइ वा पोट्टवे० सीसवेयणाइ वा कण्णोठ्ठअच्छिणहदंतवेयणाइ वा कासाइ वा सासाइ वा सोसाइ वा दाहाइ वा अरिसाइ वा अजीरगाइ वा दओदराइ वा पंडुरोगाइ वा भगंदराइ वा एगाहियाइ वा बेयाहियाइ वा तेयाहियाइ वा चउत्थाहियाइ वा इंदग्गहाइ वा धणुग्गहाइ वा खंदग्गहाइ वा कुमारग्गहाइ वा जक्खग्गहाइ वा भूयग्गहाइ वा मच्छसूलाइ वा हिययसूलाइ वा पोट्ट० कुच्छि० जोणिसूलाइ वा गाममारीइ वा जाव सण्णिवेसमारीइ वा पाणिक्खया जणक्खया कुलक्खया वसणब्भूयमणारिया ? गोयमा ! णो इणढे समढे, ववगयरोगायंका णं ते मणुया पण्णत्ता समणाउसो ! ॥ २४ ॥ तीसे णं भंते ! समाए भारहे वासे मणुयाणं केवइयं कालं ठिई पण्णत्ता? गोयमा ! जहण्णेणं देसूणाई तिण्णि पलिओवमाइं उक्कोसेणं देसूणाई तिण्णि पलिओवमाई, तीसे णं भंते ! समाए भारहे वासे मणुयाणं सरीरा केवइयं उच्चत्तणं पण्णत्ता? गोयमा ! जहन्नेणं तिण्णि गाउयाई उक्कोसेणं तिण्णि गाउयाइं. ते णं भंते ! मणुया किंसंघयणी पण्णत्ता? गोयमा ! वइरोसभणारायसंघयणी पण्णत्ता, तेसि णं भंते ! मणुयाणं सरीरा किंसंठिया पण्णत्ता ? गोयमा ! समचउरंससंठाणसंठिया, तेसि णं मणुयाणं बेछप्पण्णा पिट्ठकरंडयसया पण्णत्ता समणाउसो!, ते णं भंते ! मणुया कालमासे कालं किच्चा कहिं गच्छंति कहिं उववजंति ? गो० ! छम्मासावसेसाउया जुयलगं पसवंति, एगूणपण्णं राइंदियाइं सारक्खंति संगोवेति सा० २ त्ता कासित्ता छीइत्ता जंभाइत्ता अकिट्ठा अव्वहिया अपरियाविया कालमासे कालं किच्चा देवलोएसु उववजंति, देवलोयपरिग्गहा णं ते मणुया पण्णत्ता०, तीसे णं भंते ! समाए भारहे वासे कइविहा मणुस्सा अणुसज्जित्था ? गो० ! छव्विहा प०, तं०-पम्हगंधा १ मियगंधा २ अममा ३ तेयतली ४ सहा ५ सणिचारी ६ ॥ २५ ॥ तीसे णं समाए
