________________
प०३४ स्वपरि०]
सुत्तागमे अदेवीया सपरियारा, अत्थेगइया देवा अदेवीया अपरियारा, नो चेव णं देवा सदेवीया अपरियारा । से केणटेणं भंते ! एवं वुच्चइ-'अत्थेगइया देवा सदेवीया सपरियारा, तं चेव जाव नो चेव णं देवा सदेवीया अपरियारा ? गोयमा ! भवणवइवाणमंतरजोइससोहम्मीसाणेसु कप्पेसु देवा सदेवीया सपरियारा, सर्णकुमारमाहिंदबंभलोगलंतगमहासुक्कसहस्सारआणयपाणयआरणच्चुएसु कप्पेसु देवा अदेवीया सपरियारा, गेवेजअणुत्तरोववाइया देवा अदेवीया अपरियारा, नो चेव णं देवा सदेवीया अपरियारा, से तेणटेणं गोयमा ! एवं वुच्चइ-'अत्थेगइया देवा सदेवीया सपरियारा, तं चेब, नो चेव णं देवा सदेवीया अपरियारा' ॥ ६७७ ॥ कइविहा णं भंते ! परियारणा पन्नत्ता ? गोयमा ! पंचविहा परियारणा पन्नत्ता । तंजहा-कायपरियारणा, फासपरियारणा, रूवपरियारणा, सद्दपरियारणा, मणपरियारणा । से केणटेणं भंते ! एवं वुच्चइ-पंचविहा परियारणा पन्नत्ता। तंजहाकायपरियारणा जाव मणपरियारणा ? गोयमा ! भवणवइवाणमंतरजोइससोहम्मीसाणेसु कप्पेसु देवा कायपरियारगा, सणंकुमारमाहिदेसु कप्पेसु देवा फासपरियारगा, बंभलोयलंतगेसु देवा स्वपरियारगा, महासुक्कसहस्सारेसु देवा सद्दपरियारगा, आणयपाणयआरणञ्चुएसु कप्पेसु देवा मणपरियारगा, गेवेजअणुत्तरोववाइया देवा अपरियारगा, से तेणटेणं गोयमा ! तं चेव जाव मणपरियारगा । तत्थ णं जे ते कायपरियारगा देवा तेसि णं इच्छामणे समुप्पजइ-'इच्छामो णं अच्छराहिं सद्धिं कायपरियारं करेत्तए', तए णं तेहिं देवेहिं एवं मणसीकए समाणे खिप्पामेव ताओ अच्छराओ ओरालाई सिंगाराइं मणुण्णाइं मणोहराई मणोरमाइं उत्तरवेउव्वियख्वाइं विउव्वंति विउव्वित्ता तेसिं देवाणं अंतियं पाउब्भवंति, तए णं ते देवा ताहिं अच्छराहिं सद्धिं कायपरियारणं करेंति । से जहाणामए सीया पोग्गला सीयं पप्प सीयं
चेव अइवइत्ताणं चिट्ठति, उसिणा वा पोग्गला उसिणं पप्प उसिणं चेव अइवइत्ताणं चिट्ठति, एवमेव तेहिं देवेहिं ताहिं अच्छराहिं सद्धिं कायपरियारणे कए समाणे से इच्छामणे खिप्पामेव अवेइ ॥ ६७८ ॥ अत्थि णं भंते ! तेसिं देवाणं सुक्कपोग्गला ? हंता ! अस्थि । ते णं भंते ! तासिं अच्छराणं कीसत्ताए भुजो भुजो परिणमंति ? गोयमा! सोइंदियत्ताए चक्खुइंदियत्ताए घाणिं दियत्ताए रसिंदियत्ताए फासिंदियत्ताए इट्टत्ताए कंतत्ताए मणुन्नत्ताए मणामत्ताए सुभगत्ताए सोहग्गरूवजोव्वणगुणलावन्नत्ताए ते तासिं भुजो भुजो परिणमंति ॥ ६७९ ॥ तत्थ णं जे ते फासपरियारगा देवा तेसि णं इच्छामणे समुप्पजइ, एवं जहेव कायपरियारगा तहेव निरवसेसं भाणिन्यव् । तत्थ णं जे ते रूवपरियारगा देवा तेसि णं इच्छामणे समुप्पज्जइ
