________________
सुत्तागमे
[ पण्णवणासुतं
मया, तओ विउव्वणया, तओ पच्छा परियारणया ? हंता गोयमा ! असुरकुमारा अणंतराहारा, तओ निव्वत्तणया जाव तओ पच्छा परियारणया, एवं जाव थणियकुमारा । पुढविकाइयाणं भंते! अणंतराहारा, तओ निव्वत्तणया, तओ परियाइणया, तओ परिणामया, तओ परियारणया, तओ विउव्वणया ? हंता गोयमा ! तं चेव जाव परियारणया, नो चेव णं विउव्वणया । एवं जाव चउरिंदिया, नवरं वाउक्काइया पंचिंदियतिरिक्खजोणिया मणूसा य जहा नेरइया, वाणमंतरजोइसियवेमाणिया जहा असुरकुमारा ॥ ६७४ ॥ नेरइयाणं भंते! आहारे किं आभोगनिव्वत्तिए, अणाभोगनिव्वत्तिए ? गोयमा ! आभोगनिव्वत्तिए वि अणाभोगनिव्वत्तिए वि । एवं असुरकुमाराणं जाव वैमाणियाणं, णवरं एगिंदियाणं नो आभोगनिव्वत्तिए, अणाभोगनिव्वत्तिए । नेरइया णं भंते ! जे पोग्गले आहारत्ताए गिव्हंति ते किं जाणंति पासंति आहारेंति, उदाहु न जाणंति न पासंति आहारेंति ? गोयमा ! न जाणंति न पासंति आहारेंति, एवं जाव तेइंदिया । चउरिंदियाणं पुच्छा । गोयमा ! अत्थे - इया न जाणंति पासंति आहारेंति, अत्थेगइया न जाणंति न पासंति आहारेंति । पंचिंदियतिरिक्खजोणियाणं पुच्छा । गोयमा ! अत्थेगइया जाणंति पासंति आहारेंति १, अत्थेगइया जाणंति न पासंति आहारेंति २, अत्थेगइया न जाणंति पासंति आहारेंति ३, अत्थेगइया न जाणंति न पासंति आहारेंति ४, एवं जाव मणुस्साण वि । वाणमंतरजोइसिया जहा नेरइया । वेमाणियाणं पुच्छा । गोयमा ! अत्थेगइया जाणंति पासंति आहारेन्ति, अत्थेगइया न जाणंति न पासंति आहारेन्ति । से
णणं भंते ! एवं चर - 'वेमाणिया अत्थेगइया जाणंति पासंति आहारेन्ति, अत्थेगइया न जाणंति न पासंति आहारेन्ति' ? गोयमा ! वेमाणिया दुविहा पन्नत्ता | तंजहा-माइमिच्छद्दिट्ठिउववन्नगा य अमाइसम्म द्दिविवन्नगा य, एवं जहा इंदियउद्देसए पढमे भणियं तहा भाणियव्वं जाव से एएणद्वेणं गोयमा ! एवं बुच्चइ० ॥ ६७५॥ नेरइयाणं भंते! केवइया अज्झवसाणा पन्नत्ता ? गोयमा ! असंखेज्जा अज्झवसाणा पन्नत्ता । ते णं भंते! किं पसत्था अपसत्था ? गोयमा ! पसत्था वि अपसत्था वि, एवं जाव वैमाणियाणं । नेरइया णं भंते! किं सम्मत्ताभिगमी, मिच्छत्ताभिगमी, सम्मामिच्छत्ताभिगमी ? गोयमा ! सम्मत्ताभिगमी वि मिच्छत्ताभिगमी व सम्मामिच्छत्ताभिगमी वि, एवं जाव वैमाणियाण वि । नवरं एगिंदियविगलिंदिया णो सम्मत्ताभिगमी, मिच्छत्ताभिगमी, नो सम्मामिच्छत्ताभिगमी ॥ ६७६ ॥ देवा णं भंते ! सदेवीया सपरियारा, सदेवीया अपरियारा, अदेवीया सपरियारा, अदेवीया अपरियारा ? गोयमा ! अत्थेगइया देवा सदेवीया सपरियारा, अत्थेगइया देवा
५१८
