________________
सुत्तागमे
[ पण्णवणासुतं सुयणाणी ओहिणाणी मणपजवणाणी केवलणाणी सुयअण्णाणी विभंगणाणी तेणे जीवा सागारपस्सी, जेणं जीवा चक्खुदंसणी ओहिदसणी केवलदसणी तेणं जीवा अणागारपस्सी, से एएणतुणं गोयमा ! एवं वुच्चइ-'जीवा सागारपस्सी वि अणागारपस्सी वि' । नेरइया णं भंते ! किं सागारपस्सी, अणागारपस्सी ? गोयमा ! एवं चेव, नवरं सागारपासणयाए मणपजवनाणी केवलनाणी न वुच्चइ, अणागारपासणयाए केवलदसणं नत्थि, एवं जाव थणियकुमारा । पुढविकाइयाणं पुच्छा । गोयमा ! पुढविकाइया सागारपस्सी, णो अणागारपस्सी । से केणटेणं भंते ! एवं वुच्चइ.? गोयमा ! पुढविकाइयाणं एगा सुयअण्णाणसागारपासणया पन्नत्ता, से तेणटेणं गोयमा ! एवं वुच्चइ, एवं जाव वणस्सइकाइयाणं । बेइंदियाणं पुच्छा । गोयमा ! सागारपस्सी, णो अणागारपस्सी । से केणटेणं भंते ! एवं बुच्चइ० ? गोयमा ! बेइंदियाणं दुविहा सागारपासणया पनत्ता । तंजहा-सुयणाणसागारपासणया, सुयअण्णाणसागारपासणया, से एएणढेणं गोयमा ! एवं वुच्चइ० । एवं तेइंदियाण वि। चउरिंदियाणं पुच्छा। गोयमा ! चउरिंदिया सागारपस्सी वि अणागारपस्सी वि। से केणटेणं० ? गोयमा ! जेणं चउरिंदिया सुयणाणी सुयअण्णाणी तेणं चउरिंदिया सागारपस्सी, जेणं चउरिंदिया चक्खुदंसणी तेणं चउरिंदिया अणागारपस्सी, से एएणतुणं गोयमा ! एवं बुच्चइ० । मणूसा जहा जीवा, अवसेसा जहा नेरइया जाव वेमाणिया ॥ ६६२ ॥ केवली णं भंते! इमं रयणप्पभं पुढवि आगारोहिं हेऊहिं उवमाहिं दिटुंतेहिं वण्णेहिं संठाणेहिं पमाणेहिं पडोयारेहिं जं समयं जाणइ तं समयं पासइ, जं समयं पासइ तं समयं जाणइ ? गोयमा! नो इणढे समढे। से केणढणं भंते! एवं वुच्चइ- केवली णं इमं रयणप्पभं पुढविं आगारेहिं० जं समयं जाणइ नो तं समयं पासइ, जं समयं पासइ नो तं समयं जाणइ ? गोयमा ! सागारे से णाणे भवइ, अणागारे से दंसणे भवइ, से तेणटेणं जाव नो तं समयं जाणइ, एवं जाव अहेसत्तमं । एवं सोहम्मकप्पं जाव अच्चुयं, गेविजगविमाणा अणुत्तरविमाणा, ईसिप्पन्भारं पुढविं, परमाणुपोग्गलं दुपएसियं खंधं जाव अणंतपएसियं खंधं । केवली णं भंते ! इमं रयणप्पभं पुढविं अणागारेहिं अहेऊहिं अणुवमाहिं अदिढतेहिं अवण्णेहिं असंठाणेहिं अपमाणेहिं अपडोयारेहिं पासइ न जाणइ ? हंता गोयमा ! केवली णं इमं रयणप्पभं पुढविं अणागारेहिं जाव पासइ न जाणइ । से केणटेणं भंते ! एवं वुच्चइ-केवली णं इमं रयणप्पभं पुढविं अणागारेहिं जाव पासइ न जाणई' ? गोयमा ! अणागारे से दंसणे भवइ, सागारे से नाणे भवइ, से तेणटेणं गोयमा ! एवं वुच्चइ-केवली णं इमं रयणप्पभं पुढविं अणागारेहिं जाव पासइ न जाणइ', एवं जाव ईसिप्पन्भारं
