________________
५१३
२०३० सागारपस्सी० जीवा] सुत्तागमे गोयमा ! जाव जेणं बेइंदिया आभिणिबोहियणाणसुयणाणमइअण्णाणसुयणाणोवउत्ता तेणं बेइंदिया सागारोवउत्ता, जेणं बेइंदिया अचक्खुदंसणोवउत्ता तेणं अणागारोवउत्ता, से तेणटेणं गोयमा ! एवं बुच्चइ०, एवं जाव चउरिंदिया, णवरं चक्खुदसणं अब्भहियं चउरिंदियाणं ति । पंचिंदियतिरिक्खजोणिया जहा नेरइया, मणूसा जहा जीवा, वाणमंतरजोइसियवेमाणिया जहा नेरइया ॥ ६६० ॥ पन्नवणाए भगवईए एगूणतीसइमं उबओगपयं समत्तं ॥ ___ कइविहा णं भंते ! पासणया पन्नत्ता ? गोयमा ! दुविहा पासणया पन्नत्ता । तंजहा-सागारपासणया, अणागारपासणया। साग्शरपासणया णं भंते ! कइविहा पन्नत्ता ? गोयमा ! छव्विहा पन्नत्ता। तंजहा-सुयणाण० पासणया, ओहिणाण०पासणया, मणपज्जवणाण०पासणया, केवलणाण०पासणया, सुयअण्णाणसागारपासणया, विभंगणाणसागारपासणया । अणागारपासणया णं भंते ! कइविहा पन्नत्ता ? गोयमा ! तिविहा पन्नत्ता । तंजहा-चक्खुदंसणअणागारपासणया, ओहिदंसणअणागारपासणया, केवलदसणअणागारपासणया, एवं जीवाणं पि । नेरइयाणं भंते ! कइविहा पासणया पन्नत्ता ? गोयमा ! दुविहा पन्नत्ता। तंजहा-सागारपासणया, अणागारपासणया । नेरइयाणं भंते ! सागारपासणया कइविहा पन्नत्ता ? गोयमा ! चउन्विहा पन्नत्ता। तंजहा-सुयणाणपासणया, ओहिणाण०पासणया, सुयअण्णाण० पासणया, विभंगणाण पासणया। नेरइयाणं भंते ! अणागारपासणया कइविहा पन्नत्ता ? गोयमा ! दुविहा पन्नत्ता। तंजहा-चक्खुदंसण० ओहिदंसण०, एवं जाव थणियकुमारा। पुढविकाइयाणं भंते ! कइविहा पासणया पन्नत्ता ? गोयमा ! एगा सागारपासणया प० । पुडविकाइयाणं भंते ! सागारपासणया कइविहा पन्नत्ता ? गोयमा! एगा सुयअन्नाणसागारपासणया पन्नत्ता, एवं जाव वणस्सइकाइयाणं । बेइंदियाणं भंते ! कइविहा पासणया पन्नत्ता ? गोयमा ! एगा सागारपासणया पन्नत्ता। बेइंदियाणं भंते ! सागारपासणया कइविहा ‘पन्नत्ता ? गोयमा ! दुविहा पन्नत्ता। तंजहा-सुयणाणसागारपासणया, सुयअण्णाणसागारपासणया, एवं तेइंदियाण वि। चउरिंदियाणं पुच्छा। गोयमा ! दुविहा पन्नत्ता । तंजहा-सागारपासणया य अणागारपासणया य। सागारपासणया जहा बेइंदियाणं । चउरिंदियाणं भंते ! अणागारपासणया कइविहा पन्नत्ता ? गोयमा ! एगा चक्खुदंसणअणागारपासणया पन्नत्ता । मणूसाणं जहा जीवाणं, सेसा जहा नेरइया जाव वेमाणियाणं ॥ ६६१ ॥ जीवा णं भंते ! किं सागारपस्सी, अणागारपस्सी ? गोयमा ! जीवा सागारपस्सी वि अणागारपस्सी वि । से केणटेणं भंते ! एवं वुच्चइ-'जीवा सागारपस्सी वि अणागारपस्सी वि' ? गोयमा ! जेणं जीवा
३३ सुत्ता.
