________________
प० ३३ णे० ओहि० ]
सुता
पुढविं परमाणुपोग्गलं अनंतपएसियं खंधं पासइ, न जाणइ ॥ ६६३ ॥ पन्नवणाए भगवईए तीसइमं पासणयापयं समत्तं ॥
जीवाणं भंते! किं सण्णी, असण्णी, नोसण्णीनोअसण्णी ? गोयमा ! जीवा सण्णी वि असण्णी वि नोसण्णीनोअसण्णी वि । नेरइयाणं पुच्छा । गोयमा ! नेरया सण्णी वि असण्णी वि नो नोसण्णीनोअसण्णी । एवं असुरकुमारा जाव थणियकुमारा । पुढविकाइयाणं पुच्छा । गोयमा ! नो सण्णी, असण्णी, नो नोसण्णीनोअसण्णी । एवं बेइंदियतेइं दियचउरिंदिया वि, मणूसा जहा जीवा, पंचिंदियतिरिक्खजोणिया वाणमंतरा य जहा नेरइया, जोइसियवेमाणिया सण्णी, नो असण्णी, नो नोसण्णीनोअसण्णी | सिद्धाणं पुच्छा । गोयमा ! नो सण्णी, नो असण्णी, नोसण्णीनोअसण्णी । नेरइयतिरियमणुया य वणयरगसुराइ सणसणी य। विगलिंदिया असण्णी जोइसवेमाणिया सण्णी ॥ ६६४ ॥ पन्नवणाए भगवईए इगतीसइमं सण्णीयं समत्तं ॥
जीवा णं भंते! किं संजया, असंजया, संजयासंजया, नोसंजयनोअसंजयनोसंजया संजया ? गोयमा ! जीवा संजया वि १, असंजया वि २, संजया संजया वि ३, नोसंजयनोअसंजयनोसंजया संजया वि ४ । नेरइया णं भंते ! पुच्छा । गोयमा ! नेरइया नो संजया, असंजया, नो संजयासंजया, नो नोसंजयनोअसंजयनोसंजय संजया । एवं जाव चउरिंदिया । पंचिंदियतिरिक्खजोणियाणं पुच्छा । गोयमा ! पंचिंदियतिरिक्खजोणिया नो संजया, असंजया वि, संजयासंजया वि, नो नोसंजयनोअसंजयनोसंजयासंजया वि । मणुस्साणं पुच्छा । गोयमा ! मणूसा संजया वि असंजया वि संजया संजया वि, नो नोसंजयनोअसंजयनोसंजया संजया । वाणमंतरजोइसियवेमाणिया जहा नेरइया । सिद्धाणं पुच्छा । गोयमा ! सिद्धा नो संजया १, नो असंजया २, नो संजयासंजया ३, नोसंजय नोअसंजयनोसंजया संजया ४। गाहा-“संजयअसंजयमीसगा य जीवा तहेव मणुया य । संजयरहिया तिरिया सेसा अस्संजया होंति” ॥ ६६५ || पन्नवणाए भगवईए बत्तीसइमं संजयपर्यं समत्तं ॥
५१५
भेयविसयसंठाणे अब्भितरबाहिरे य देसोही । ओहिस्स य खयवुड्ढी पडिवाई चेव अपडिवाई ॥ कइविहा णं भंते ! ओही पन्नत्ता ? गोयमा ! दुविहा ओही पन्नत्ता । तंजहाभवपच्चइया य खओवसमिया य, दोन्हं भवपञ्चइया, तंजहा- देवाण य नेरइयाण य, दोहं खओवसमिया, तंजहा - मणूसाणं पंचिंदियतिरिक्खजोणियाण य ॥ ६६६ ॥ नेरइया णं भंते ! केवइयं खेत्तं ओहिणा जाणंति पासंति ? गोयमा ! जहन्नेणं अद्ध
