________________
५० २८ उ० १ हि० उ०]
सुत्तागमे
दियफासिंदियवेमायत्ताए तेसिं भुजो भुजो परिणमंति । चउरिंदियाणं चक्खिदियघाणिं दियजिभिदियफासिंदियवेमायत्ताए तेसिं भुजो भुजो परिणमंति, सेसं जहा तेइंदियाणं । पंचिंदियतिरिक्खजोणियाणं जहा तेइंदियाणं, णवरं तत्थ णं जे से आभोगनिव्वत्तिए से जहण्णेणं अंतोमुहुत्तस्स, उक्कोसेणं छट्ठभत्तस्स आहारट्टे समुप्पजइ। पंचिंदियतिरिक्खजोणिया णं भंते ! जे पोग्गला आहारत्ताए-पुच्छा । गोयमा ! सोइंदियचक्खिदियघाणिंदियजिभिदियफासिंदियवेमायत्ताए तेसिं भुजो भुजो परिणमंति । मणूसा एवं चेव, नवरं आभोगनिव्वत्तिए जहन्नेणं अंतोमुहुत्तस्स, उक्कोसेणं अट्ठमभत्तस्स आहारट्टे समुप्पज्जइ । वाणमंतरा जहा नागकुमारा, एवं जोइसिया वि, नवरं आभोगनिव्वत्तिए जहन्नेणं दिवसपुहुत्तस्स, उक्कोसेणं दिवसपुहुत्तस्स आहारट्टे समुप्पजइ, एवं वेमाणिया वि, नवरं आभोगनिव्वत्तिए जहन्नेणं दिवसपुहुत्तस्स, उकोसेणं तेत्तीसाए वाससहस्साणं आहारटे समुप्पज्जइ, सेसं जहा असुरकुमाराणं जाव तेसिं भुजो भुजो परिणमंति। सोहम्मे आभोगनिव्वत्तिए जहन्नेणं दिवसपुत्तस्स, उक्कोसेणं दोण्हं वाससहस्साणं आहारट्टे समुप्पज्जइ। ईसाणे पुच्छा । गोयमा ! जहन्नेणं दिवसपुहुत्तस्स साइरेगस्स, उक्कोसेणं साइरेग दोण्हं वाससहस्साणं । सणकुमाराणं पुच्छा। गोयमा ! जहन्नेणं दोण्हं वाससहस्साणं, उक्कोसेणं सत्तण्हं वाससहस्साणं । माहिंदे पुच्छा । गोयमा ! जहन्नेणं दोण्हं वाससहस्साणं साइरेगाणं, उक्कोसेणं सत्तण्हं वाससहस्साणं साइरेगाणं । बंभलोए पुच्छा । गोयमा ! जहन्नेणं सत्तण्हं वाससहस्साणं, उक्कोसेणं दसण्हं वाससहस्साणं । लंतए णं पुच्छा । गोयमा ! जहन्नेणं दसण्हं वाससहस्साणं, उक्कोसेणं चउदसण्हं वाससहस्साणं । महासुक्के णं पुच्छा । गोयमा ! जहन्नेणं चउदसण्हं वाससहस्साणं, उक्कोसेणं सत्तरसहं वाससहस्साणं । सहस्सारे पुच्छा । गोयमा ! जहन्नेणं सत्तरसण्हं वाससहस्साणं, उक्कोसेणं अट्ठारसण्डं वाससहस्साणं । आणए णं पुच्छा । गोयमा ! जहन्नेणं अट्ठारसण्हं वाससहस्साणं, उक्कोसेणं एगूणवीसाए वाससहस्साणं । पाणए णं पुच्छा । गोयमा ! जहन्नेणं एगूणवीसाए वाससहस्साणं, उक्कोसेणं वीसाए वाससहस्साणं । आरणे णं पुच्छा । गोयमा ! जहनेणं वीसाए वाससहस्साणं, उक्कोसेणं एकवीसाए वाससहस्साणं । अच्चुए णं पुच्छा । गोयमा ! जहन्नेणं एक्कवीसाए वाससहस्साणं, उक्कोसेणं बावीसाए वाससहस्साणं । हिडिमहिट्ठिमगेविजगाणं पुच्छा । गोयमा ! जहन्नेणं बावीसाए वाससहस्साणं, उक्कोसेणं तेवीसाए वाससहस्साणं, एवं सव्वत्थ सहस्साणि भाणियव्याणि जाव सव्वटुं । हिटिममज्झिमगाणं पुच्छा । गोयमा ! जहन्नेणं तेवीसाए, उक्कोसेणं चउवीसाए। हिहिमउवरिमाणं पुच्छा । गोयमा ! जहन्नेणं चउवीसाए, उक्कोसेणं पणवीसाए ।
