________________
५०६
सुत्तागमे
[पण्णवणासुतं पंचदिसिं, नवरं ओसन्नकारणं न भण्णइ । वण्णओ कालनीललोहियहालिहसुक्किलाई गंधओ सुब्भिगंधदुब्भिगंधाइं, रसओ तित्तरसकडुयरसकसायरसअंबिलमहराई. फासओ कक्खडफासमउयगुरुयलहुयसीयउण्हणिद्धलुक्खाइं, तेसिं पोराणे वण्णगुणे सेसं जहा नेरइयाणं जाव आहच्च नीससंति । पुढविकाइया णं भंते ! जे पोग्गले आहारत्ताए गिण्हति तेसिं भंते ! पोग्गलाणं सेयालंसि कइभागं आहारेन्ति, कइभागं आसाएंति ? गोयमा ! असंखेजइभागं आहारेन्ति, अणंतभागं आसाएंति । पुढविकाइया णं भंते ! जे पोग्गले आहारत्ताए गिण्हति ते किं सव्वे आहारेन्ति, नो सव्वे आहारेन्ति ? जहेव नेरइया तहेव । पुढविकाइया णं भंते ! जे पोग्गले आहारत्ताए गिण्हंति ते णं पुग्गला तेसिं कीसत्ताए भुजो भुज्जो परिणमंति ? गोयमा ! फासिंदियवेमायत्ताए तेसिं भुजो भुज्जो परिणमंति, एवं जाव वणस्सइकाइया ॥ ६४५ ॥ बेइंदिया णं भंते ! आहारट्ठी ? हन्ता ! आहारट्ठी । बेइंदिया णं भंते ! केवइकालस्स आहारटे समुप्पजइ ? जहा नेरइयाणं, नवरं तत्थ णं जे से आभोगनिव्वत्तिए से णं असंखिज्जसमइए अंतोमुहुत्तिए वेमायाए आहारटे समुप्पज्जइ, सेसं जहा पुढविकाइयाणं जाव आहच्च नीससंति, नवरं नियमा छद्दिसिं । बेइंदियाणं भंते ! जे पोग्गले आहारत्ताए गिण्हंति ते णं तेसिं पुग्गलाणं सेयालंसि कइभागं आहारेन्ति कइभागं आसाएंति ? एवं जहा नेरइयाणं । बेइंदिया णं भंते ! जे पोग्गला आहारत्ताए गिण्हंति ते किं सव्वे आहारेन्ति, णो सव्वे आहारेन्ति ? गोयमा ! बेइंदियाणं दुविहे आहारे पन्नत्ते । तंजहा–लोमाहारे य पक्खेवाहारे य, जे पोग्गले लोमाहारत्ताए गिण्हन्ति ते सव्वे अपरिसेसे आहारेन्ति, जे पोग्गले पक्खेवाहारत्ताए गेहंति तेसिमसंखेजइभागमाहारेन्ति, अणेगाइं च णं भागसहस्साई अफासाइजमाणाई अणासाइजमाणाइं विद्धंसमागच्छंति । एएसि णं भंते ! पोग्गलाणं अणासाइजमाणाणं अफासाइजमाणाण य कयरे कयरेहितो अप्पा वा ४ ? गोयमा ! सव्वत्थोवा पोग्गला अणासाइजमाणा, अफासाइजमाणा अणंतगुणा । बेइंदिया णं भंते ! जे पोग्गला आहारत्ताए-पुच्छा । गोयमा ! जिभिदियफासिंदियवेमायत्ताए तेसिं भुजो भुजो परिणमंति । एवं जाव चउरिंदिया, णवरं णेगाइं च णं भागसहस्साइं अणाघाइज्जमाणाई अणासाइजमाणाइं अफासाइजमाणाई विद्धंसमागच्छंति । एएसि णं भंते ! पोग्गलाणं अणाघाइजमाणाणं अणासाइजमाणाणं अफासाइजमाणाण य कयरे कयरेहितो अप्पा वा ४१ गोयमा ! सव्वत्थोवा पोग्गला अणाघाइज्जमाणा, अणासाइजमाणा अणंतगुणा, अफासाइजमाणा अणंतगुणा ॥ ६४६ ॥ तेइंदिया णं भंते ! जे पोग्गला-पुच्छा । गोयमा ! ते णं पोग्गला घाणिंदियजिभि
