________________
सुत्तागमे
[पण्णवणासुतं पलिभागी वा जाव सुत्तो(तो)वउत्ते सम्मदिट्ठी वा मिच्छद्दिट्ठी वा कण्हलेसे वा सुक्कलेसे वा णाणी वा अण्णाणी वा उक्कोससंकिलिट्ठपरिणामे वा असंकिलिट्ठपरिणामे वा तप्पाउग्गविसुज्झमाणपरिणामे वा, एरिसए णं गोयमा ! मणूसे उक्कोसकालढिइयं आउयं कम्मं बन्धइ । केरिसिया णं भंते ! मणुस्सी उक्कोसकालट्ठिइयं आउयं कम्मं बन्धइ ? गोयमा ! कम्मभूमिया वा कम्मभूमगपलिभागी वा जाव सुत्तोवउत्ता सम्मादिट्ठी सुक्कलेसा तप्पाउग्गविसुज्झमाणपरिणामा, एरिसिया णं गोयमा ! मणूसी उक्कोसकालट्ठिइयं आउयं कम्म बन्धइ, अंतराइयं जहा णाणावरणिज्जं ॥ ६३३ ॥ बीओ उद्देसो समत्तो ॥ पन्नवणाए भगवईए तेवीसइमं कम्मपगडीपयं समत्तं ॥
कइ णं भंते ! कम्मपगडीओ पण्णत्ताओ ? गोयमा ! अट्ठ कम्मपगडीओ पण्णत्ताओ । तंजहा-णाणावरणिज जाव अंतराइयं । एवं नेरइयाणं जाव वेमाणियाणं । जीवे णं भंते! णाणावरणिजं कम्मं बन्धमाणे कइ कम्मपगडीओ बन्धइ ? गोयमा ! सत्तविहबन्धए वा अट्ठविहबन्धए वा छव्विहबन्धए वा । नेरइए णं भंते ! णाणावरणिजं कम्मं बन्धमाणे कइ कम्मपगडीओ बन्धइ ? गोयमा! सत्तविहबन्धए वा अट्ठविहबन्धए वा, एवं जाव वेमाणिए, णवरं मणुस्से जहा जीवे । जीवा णं भंते ! गाणावरणिजं कम्मं बन्धमाणा कइ कम्मपगडीओ बन्धन्ति ? गोयमा ! सव्वे वि ताव होज सत्तविहबन्धगा य अट्ठविहबन्धगा य, अहवा सत्तविहबन्धगा य अट्ठविहबन्धगा य छव्विहबन्धगे य, अहवा सत्तविहबन्धगा य अट्ठविहबन्धगा य छविहबन्धगा य । णेरइया णं भंते ! णाणावरणिजं कम्मं बन्धमाणा कइ कम्मपगडीओ बन्धन्ति ? गोयमा ! सव्वे वि ताव होजा सत्तविहबन्धगा, अहवा सत्तविहबन्धगा य अट्ठविहबन्धगे य, अहवा सत्तविहबन्धगा य अट्ठविहबन्धगा य तिण्णि भंगा, एवं जाव थणियकुमारा । पुढविकाइया णं पुच्छा । गोयमा ! सत्तविहबन्धगा वि अट्ठविहबन्धगा वि, एवं जाव वणस्सइकाइया। विगलाणं पंचिंदियतिरिक्खजोणियाणं तियभंगो-सव्वे वि ताव होजा सत्तविहबन्धगा, अहवा सत्तविहबन्धगा य अट्ठविहबन्धगे य, अहवा सत्तविहबन्धगा य अट्ठविहबन्धगा य । मणूसा णं भंते ! णाणावरणिजस्स पुच्छा । गोयमा! सव्वे वि ताव होज्जा सत्तविहबन्धगा १, अहवा सत्तविहबन्धगा य अट्ठविहबन्धगे य २, अहह्वा सत्तविहबन्धगा य अट्ठविहबन्धगा य ३, अहवा सत्तविहबन्धगा य छव्विहबन्धए य ४, अहवा सत्तविहबन्धगा य छव्विहबन्धगा य ५, अहवा सत्तविहबन्धगा य अट्ठविहबन्धगे य छव्विहबन्धगे य ६, अहवा सत्तविहबन्धगा य अट्ठविहबन्धगे य छव्विहबन्धगा य ७, अहवा सत्तविहबन्धगा य अट्ठविहबन्धगा य छविहबन्धगे य ८, अहवा सत्तविहबन्धगा य
