________________
प० २३ उ० २ उ० म० ]
सुत्तागमे
गरोवमको डाकोडीओ, उक्कोसेणं जा जस्स ओहिया ठिई भणिया तं बंधति, णवरं इमं णाणत्तं - अबाहा अबाहूणिया ण वुच्चइ ।' आणुपुव्वीए सव्वेसिं जाव अंतराइयस्स ताव भाणियव्वं ॥ ६३१ ॥ णाणावरणिजस्स णं भंते! कम्मस्स जहण्ण ठिईबंधए के ? गोयमा ! अण्णयरे सुहुमसंपराए उवसामए वा खवगए वा, एस णं गोयमा ! णाणावरणिज्जस्स कम्मस्स जहण्णठिईबंधए, तव्वइरित्ते अजहण्णे, एवं एएणं अभिलावेणं मोहाउयवज्जाणं सेसकम्माणं भाणियव्वं । मोहणिज्जस्स णं भंते! कम्मस्स जहण्णठिईबंधए के ? गोयमा ! अन्नयरे बायरसंपराए उवसामए वा खवए वा, एस णं गोयमा ! मोहणिज्जस्स कम्मस्स जहण्णठिईबंधए, तव्वइरित्ते अजहण्णे । आउयस्स णं भंते! कम्मस्स जहण्णठिईबंधए के ? गोयमा ! जे णं जीवे असंखेप्पद्धापविट्ठे, सव्वनिरुद्धे से आउए, सेसे सव्वमहंतीए आउयबंधद्धाए, तीसे णं आउयबंधद्धाए चरिमकालसमयंसि सव्वजहण्णियं ठिइं पजत्तापज्जत्तियं निव्वत्तेइ, एस णं गोयमा ! आउयकम्मस्स जहण्णठिईबंधए, तव्वइरित्ते अजहणे ॥ ६३२ ॥ उक्कोसका लट्ठियं णं भंते ! णाणावरणिजं ० किं नेरइओ बंधइ, तिरिक्खजोणिओ बंधइ, तिरिक्खजो - णि बंध, मणुस्सो बंधइ, मणुस्सिणी बंधइ, देवो बंधइ, देवी बंधइ ? गोयमा ! नेरइओ वि बंधइ जाव देवी वि बंधइ | केरिसए णं भंते ! नेरइए उक्कोसका लट्ठिइयं णाणावर णिज्जं कम्मं बंधइ ? गोयमा ! सण्णी पंचिदिए सव्वाहिं पजत्तीहिं पज्जत्ते सागारे जागरे सुत्तो (ओ) वउत्ते मिच्छा दिट्ठी कण्हलेसे य उक्कोससंकिलिट्ठपरिणामे ईसिमज्झिमपरिणामे वा, एरिसए णं गोयमा ! नेरइए उक्कोसकालट्ठिइयं णाणावरणिज्जं कम्मं बंधइ | केरिसए णं भंते ! ति रिक्खजोणिए उक्कोसकालट्ठिइयं गाणावरणिज्जं कम्मं बंधइ ? गोयमा ! कम्मभूमए वा कम्मभूमगपलिभागी वा सण्णी पंचिंदिए सव्वाहिं पज्जत्तीहिं पजत्तए सेसं तं चेव जहा नेरइयस्स । एवं तिरिक्खजोगिणी वि मणूसेवि मणूसी वि, देवदेवी जहा नेरइए, एवं आउयवजाणं सत्त कम्माणं । उक्कोसकालट्ठिइयं णं भंते ! आउयं कम्मं किं नेरइओ बंधइ जाव देवी बंधइ ? गोयमा ! नो नेरइओ बंधइ, तिरिक्खजोणिओ बंधइ, नो तिरिक्खजोणिणी बंधइ, मणुस्से वि बंधइ, मणुस्सी वि बंधइ, नो देवो बंधइ, नो देवी बंधइ | केरिसए णं भंते! तिरिक्खजोणिए उक्कोसकालट्ठिइयं आउयं कम्मं बंधइ ? गोयमा ! कम्मभूमए वा कम्मभूमगपलिभागी वा सण्णी पंचिदिए सव्वाहिं पज्जत्तीहिं पजत्तए सागारे जागरे सुत्तोवउत्ते मिच्छद्दिट्ठी परमकण्हलेसे उक्कोससं किलिट्ठपरिणामे, एरिसए गोयमा ! तिरिक्खजोणिए उक्कोसकालट्ठिइयं आउयं कम्मं बंधइ | केरिसए णं भंते ! मणूसे उक्कोसकालट्ठियं आउयं कम्मं बंधइ ? गोयमा ! कम्मभूमए वा कम्मभूमग
४९९
