________________
प० २५ जीव.]
सुत्तागमे
अट्टविहवंधगा य छव्विहबन्धगा य ९, एवं एए नव भंगा। सेसा वाणमंतराइया जाव वेमाणिया जहा नेरइया सत्तविहाइबन्धगा भणिया तहा भाणियव्वा । एवं जहा णाणावरणं बन्धमाणा जहिं भणिया सणावरणं पि बन्धमाणा तहिं जीवाइया एगत्तपोहत्तएहिं भाणियव्वा ॥ ६३४ ॥ वेयणिजं० बंधमाणे जीवे कइ कम्मपगडीओ बन्धइ ? गोयमा ! सत्तविहबन्धए वा अट्ठविहबन्धए वा छव्विहबन्धए वा एगविहबन्धए वा, एवं मणूसे वि । सेसा नारगाइया सत्तविहबन्धगा वा अट्ठविहबन्धगा वा जाव वेमाणिए । जीवा णं भंते ! वेयणिज कम्मं पुच्छा । गोयमा ! सव्वे वि ताव होज्जा सत्तविहबन्धगा य अट्ठविहबन्धगा य एगविहबन्धगा य छव्विहबन्धए य, अहवा सत्तविहबन्धगा य अट्ठविहबन्धगा य एगविहबन्धगा य छव्विहबन्धगा य, अवसेसा नारगाइया जाव वेमाणिया जाओ णाणावरणं बंधमाणा बंधन्ति ताहिं भाणियव्वा । नवरं मणूसा णं भंते ! वेयणिज कम्मं बन्धमाणा कइ कम्मपगडीओ बंधंति ? गोयमा ! सव्वे वि ताव होजा सत्तविहबन्धगा य एगविहबन्धगा य १, अहवा सत्तविहबन्धगा य एगविहबन्धगा य अट्ठविहबन्धगे य २, अहवा सत्तविहबन्धगा य एगविहबन्धगा य अट्ठविहबन्धगा य ३, अहवा सत्तविहबन्धगा य एगविहबन्धगा य छव्विहबन्धगे य ४, अहवा सत्तविहबन्धगा य एगविहबन्धगा य छव्विहबन्धगा य ५, अहवा सत्तविहबन्धगा य एगविहबन्धगा य अट्ठविहबन्धए य छव्विहबन्धए य ६, अहवा सत्तविहबन्धगा य एगविहबन्धगा य अट्ठविहबन्धए य छव्विहबन्धगा य ७, अहवा सत्तविहबन्धगा य एगविहबन्धगा य अट्ठविहबन्धगा य छव्विहबन्धगे य ८, अहवा सत्तविहबन्धगा य एगविहबन्धगा य अट्ठविहबन्धगा य छव्विबन्धगा य ९, एवं एए नव भंगा भाणियव्वा ॥ ६३५ ॥ मोहणिजं० बन्धमाणे जीवे कइ कम्मपगडीओ बन्धइ ? गोयमा ! जीवेगिंदियवज्जो तियभंगो। जीवेगिंदिया सत्तविहबन्धगा वि अट्ठविहबन्धगा वि । जीवे णं भंते ! आउयं कम्म बन्धमाणे कइ कम्मपगडीओ बन्धइ गोयमा ! नियमा अट्ट, एवं नेरइए जाव वेमाणिए, एवं पुहुत्तेण वि । णामगोयंतराइयं० बन्धमाणे जीवे कइ कम्मपगडीओ बन्धइ ? गोयमा ! जाओ णाणावरणिजं कम्मं बन्धमाणे बन्धइ ताहि भाणियव्वो, एवं नेरइए वि जाव वेमाणिए, एवं पुहुत्तेण वि भाणियव्वं ॥ ६३६ ॥ पन्नवणाए भगवईए चउवीसइमं कम्मबन्धपयं समत्तं ॥ ___ कइ णं भंते ! कम्मपगडीओ पन्नत्ताओ? गोयमा ! अट्ठ कम्मपगडीओ पन्नत्ताओ। तंजहा–णाणावरणिज जाव अंतराइयं, एवं नेरइयाणं जाव वेमाणियाणं । जीवे णं भंते ! णाणावरणिजं कम्मं बन्धमाणे कइ कम्मपगडीओ वेएइ ? गोयमा ! नियमा
