________________
४९०
सुत्तागमे
[ पण्णवणासुतं पन्नत्ते ? गोयमा ! तिविहे पन्नत्ते । तंजहा-सम्मत्तवेयणिज्जे, मिच्छत्तवेयणिजे. सम्मामिच्छत्तवेयणिज्जे । चरित्तमोहणिजे णं भंते ! कम्मे कइविहे पन्नत्ते ? गोयमा ! दुविहे पन्नत्ते । तंजहा-कसायवेयणिजे, नोकसायवेयणिज्जे । कसायवेयणिज्जे णं भंते ! कम्मे कइविहे पन्नत्ते ? गोयमा ! सोलसविहे पन्नत्ते। तंजहा-अणंताणुबंधी कोहे, अणंताणुबंधी माणे, अणन्ताणुबंधी माया, अणन्ताणुबंधी लोमे, अपच्चक्खाणे कोहे, एवं माणे, माया, लोभे, पञ्चक्खाणावरणे कोहे, एवं माणे, माया, लोमे, संजलणकोहे, एवं माणे, माया, लोभे । नोकसायवेयणिजे णं भंते ! कम्मे कइविहे पन्नत्ते ? गोयमा ! णवविहे पन्नत्ते । तंजहा-इत्थीवेयवेयणिज्जे, पुरिसवेयवेयणिजे, नपुंसगवेयवेयणिजे, हासे, रई, अरई, भए, सोगे, दुगुंछा ॥ ६१३ ॥ आउए णं भंते ! कम्मे कइविहे पन्नत्ते ? गोयमा ! चउविहे पन्नत्ते । तंजहानेरइयाउए जाव देवाउए ॥ ६१४ ॥ णामे णं भंते ! कम्मे कइविहे पन्नत्ते ? गोयमा ! बायालीसइविहे पन्नत्ते । तंजहा-गइणामे १, जाइणामे २, सरीरणामे ३, सरीरोवंगणामे ४, सरीरबंधणणामे ५, सरीरसंघयणणामे ६, संघायणणामे ७, संठाणणामे ८, वण्णणामे ९, गंधणामे १०, रसणामे ११, फासणामे १२, अगुरुलधुणामे १३, उवघायणामे १४, पराघायणामे १५, आणुपुविणामे १६, उस्सासणामे १७, आयवणामे १८, उज्जोयणामे १९, विहायगइणामे २०, तसणामे २१, थावरणामे २२, सुहुमणामे २३, बायरणामे २४, पजत्तणामे २५, अपजत्तणामे २६, साहारणसरीरणामे २७, पत्तेयसरीरणामे २८, थिरणामे २९, अथिरणामे ३०, सुभणामे ३१, असुभणामे ३२, सुभगणामे ३३, दुभगणामे ३४, सूसरणामे ३५, दूसरणामे ३६, आदेजणामे ३७, अणादेजणामे ३८, जसोकित्तिणामे ३९, अजसोकित्तिणामे ४०, णिम्माणणामे ४१, तित्थगरणामे ४२ । गइनामे णं भंते ! कम्मे कइविहे पन्नत्ते ? गोयमा ! चउविहे पन्नत्ते । तंजहा-निरयगइनामे, तिरियगइनामे, मणुयगइनामे, देवगइनामे । जाइणामे णं भंते ! कम्मे पुच्छा । गोयमा ! पंचविहे पन्नत्ते । तंजहा-एगिंदियजाइणामे जाव पंचिंदियजाइणामे । सरीरनामे णं भंते ! कम्मे कइविहे पन्नत्ते ? गोयमा ! पंचविहे पन्नत्ते। तंजहा-ओरालियसरीरनामे जाव कम्मगसरीरनामे। सरीरोवंगनामे णं भंते !० कइविहे पन्नत्ते ? गोयमा ! तिविहे पन्नत्ते । तंजहा-ओरालियसरीरोवंगनामे, वेउव्वियसरीरोवंगनामे, आहारगसरीरोवंगनामे । सरीरबंधणनामे णं भंते !० कइविहे पन्नत्ते ? गोयमा ! पंचविहे पन्नत्ते । तंजहा-ओरालियसरीरबंधणनामे जाव कम्मगसरीरबंधणनामे । सरीरसंघायनामे णं भंते !० कइविहे पन्नत्ते ? गोयमा ! पंचविहे
