________________
१०२३ उ० २ दं० मो० पु.]
सुत्तागमे
४८९
णवरं अणिट्ठा सहा जाव हीणस्सरया, दीणस्सरया, अकंतस्सरया, जं वेएइ सेसं तं चेव जाव चउद्दसविहे अणुभावे पन्नत्ते ॥ ६०७ ॥ उच्चागोयस्स णं भंते ! कम्मस्स जीवेणं पुच्छा । गोयमा ! उच्चागोयस्स णं कम्मस्स जीवेणं बद्धस्स जाव अट्ठविहे अणुभावे पन्नत्ते । तंजहा-जाइविसिट्ठया १, कुलविसिट्ठया २, बलविसिट्ठया ३, रूवविसिट्ठया ४, तवविसिठ्ठया ५, सुयविसिट्ठया ६, लाभविसिट्ठया ७, इस्सरियविसिठ्ठया ८, जं वेएइ पोग्गलं वा पोग्गले वा पोग्गलपरिणामं वा वीससा वा पोग्गलाणं परिणाम तेसिं वा उदएणं जाव अट्ठविहे अणुभावे पन्नत्ते । णीयागोयस्स गं भंते ! पुच्छा । गोयमा ! एवं चेव, णवरं जाइविहीणया जाव इस्सरियविहीणया, जं वेएइ पुग्गलं वा पोग्गले वा पोग्गलपरिणामं वा वीससा वा पोग्गलाणं परिणाम तेसिं वा उदएणं जाव अट्ठविहे अणुभावे पन्नत्ते ॥ ६०८ ॥ अंतराइयस्स णं भंते ! कम्मस्स जीवेणं पुच्छा । गोयमा ! अंतराइयस्स णं कम्मस्स जीवेणं बद्धस्स जाव पंचविहे अणुभावे पन्नत्ते । तंजहा-दाणंतराए लाभंतराए भोगतराए उवभोगंतराए वीरियंतराए, जं वेएइ पोग्गलं वा जाव वीससा वा पोग्गलाणं परिणामं तेसिं वा उदएणं अंतराइयं कम्मं वेएइ, एस णं गोयमा ! अंतराइए कम्मे, एस णं गोयमा ! जाव पंचविहे अणुभावे पन्नत्ते ॥ ६०९ ॥ पन्नवणाए भगवईए तेवीसइमस्स पयस्स पढमो उद्देसो समत्तो॥ ___ कइ णं भंते ! कम्मपगडीओ पन्नत्ताओ? गोयमा ! अट्ठ कम्मपगडीओ पन्नत्ताओ । तंजहा–णाणावरणिजं जाव अंतराइयं । णाणावरणिज्जे णं भंते ! कम्मे कइविहे पन्नत्ते ? गोयमा ! पंचविहे पन्नत्ते । तंजहा—आभिणिबोहियनाणावरणिज्जे जाव केवलनाणावरणिजे ॥६१० ॥ सणावरणिज्जे णं भंते ! कम्मे कइविहे पन्नत्ते ? गोयमा ! दुविहे पन्नत्ते । तंजहा—निद्दापंचए य सणचउक्कए य । निद्दापंचए णं भंते ! कइविहे पन्नत्ते ? गोयमा ! पंचविहे पन्नत्ते । तंजहा—निद्दा जाव थीणद्धी । दसणचउक्कए णं पुच्छा । गोयमा ! चउबिहे पन्नत्ते। तंजहा–चक्खुदंसणावरणिज्जे जाव केवलदसणावरणिजे ॥ ६११ ॥ वेयणिजे णं भंते ! कम्मे कइविहे पन्नत्ते ? गोयमा ! दुविहे पन्नत्ते । तंजहा—सायावेयणिज्जे य असायावेयाणिज्जे य । सायावेयणिजे णं भंते ! कम्मे पुच्छा । गोयमा ! अट्ठविहे पन्नत्ते । तंजहा—मणुण्णा सद्दा जाव कायसुहया । असायावेयणिज्जे णं भंते ! कम्मे कइविहे पन्नत्ते ? गोयमा! अट्ठविहे पन्नत्ते । तंजहा-अमणुण्णा सद्दा जाव कायदुहया ॥ ६१२ ॥ मोहणिजे णं भंते ! कम्मे कइविहे पन्नत्ते ? गोयमा ! दुविहे पन्नत्ते । तंजहादंसणमोहणिजे य चरित्तमोहणिजे य । दसणमोहणिज्जे णं भंते ! कम्मे कइविहे
