________________
४८०
सुत्तागमे
[पण्णवणासुत्तं आउतेउवाउवणप्फइकाइया य एए सव्वे वि जहा ओहिया जीवा, अवसेसा जहा नेरइया । एवं ते जीवेगिदियवज्जा तिण्णि तिण्णि भंगा सव्वत्थ भाणियव्वत्ति जाव मिच्छादंसणसल्ले, एवं एगत्तपोहत्तिया छत्तीसं दंडगा होंति ॥ ५८५ ॥ जीवे णं भंते ! णाणावरणिज कम्मं बंधमाणे कइकिरिए ? गोयमा ! सिय तिकिरिए, सिय चउकिरिए, सिय पंचकिरिए, एवं नेरइए जाव वेमाणिए । जीवा णं भंते ! णाणावरणिज कम्मं बंधमाणा कइकिरिया ? गोयमा ! सिय तिकिरिया, सिय चउकिरिया, सिय पंचकिरिया वि, एवं नेरइया निरंतरं जाव वेमाणिया । एवं दरिसणावरणिजं वेयणिजं मोहणिजं आउयं नाम गोत्तं अंतराइयं च अट्ठविहकम्मपगडीओ भाणियवाओ, एगत्तपोहत्तिया सोलस दंडगा भवन्ति ॥ ५८६ ॥ जीवे णं भंते ! जीवाओ कइकिरिए ?.गोयमा ! सिय तिकिरिए, सिय चउकिरिए, सिय पंचकिरिए, सिय अकिरिए । जीवे णं भंते ! नेरइयाओ कइकिरिए ? गोयमा ! सिय तिकिरिए, सिय चउकिरिए, सिय अकिरिए, एवं जाव थणियकुमाराओ । पुढविकाइयाओ आउकाइयाओ तेउक्काइयाओ वाउक्काइयवणप्फइकाइयबेइंदियतेइंदियचउरिंदियपंचिंदियतिरिक्खजोणियमणुस्साओ जहा जीवाओ, वाणमंतरजोइसियवेमाणियाओ जहा नेरइयाओ । जीवे णं भंते ! जीवेहिंतो कइकिरिए ? गोयमा ! सिय तिकिरिए, सिय चउकिरिए, सिय पंचकिरिए, सिय अकिरिए । जीवे णं भंते ! नेरइएहिंतो कइकिरिए ? गोयमा ! सिय तिकिरिए, सिय चउकिरिए, सिए अकिरिए, एवं जहेव पढमो दंडओ तहा एसो बिइओ भाणियव्वो । जीवा णं भंते ! जीवाओ कइकिरिया ? गोयमा ! सिय तिकिरिया वि, सिय चउकिरिया वि, सिय पंचकिरिया वि, सिय अकिरिया वि । जीवा णं भंते ! नेरइयाओ कइकिरिया ? गोयमा ! जहेव आइल्लदंडओ तहेव भाणियव्वो जाव वेमाणियत्ति । जीवा णं भंते ! जीवेहिंतो कइकिरिया ? गोयमा ! तिकिरिया वि, चउकिरिया वि, पंचकिरिया वि, अकिरिया वि । जीवा णं भंते ! नेरइएहितो कइकिरिया ? गोयमा ! तिकिरिया वि, चउकिरिया वि, अकिरिया वि । असुरकुमारेहिंतो वि एवं चेव जाव वेमाणिएहितो, ओरालियसरीरेहितो जहा जीवहितो । नेरइए णं भंते ! जीवाओ कइकिरिए ? गोयमा ! सिय तिकिरिए, सिय चउकिरिए, सिय पंचकिरिए । नेरइए णं भंते ! नेरइयाओ कइकिरिए ? गोयमा ! सिय तिकिरिए, सिय चउकिरिए । एवं जाव वेमाणिएहितो, नवरं नेरइयस्स नेरइएहिंतो देवेहिंतो य पंचमा किरिया नत्थि। नेरइया णं भंते ! जीवाओ कइकिरिया ? गोयमा ! सिय तिकिरिया, सिय चउकिरिया, सिय पंचकिरिया, एवं जाव वेमाणियाओ, नवरं नेरइयाओ देवाओ य पंचमा किरिया नत्थि । नेरइया णं भंते ! जीवहिंतो कइकिरिया ?
