________________
प० २२ ]
सुत्तागमे
गोयमा ! तिकिरिया वि, चउकिरिया वि, पंचकिरिया वि । नेरइया णं भंते ! नेरइएहिंतो कइकिरिया ? गोयमा ! तिकिरिया वि चउकिरिया वि । एवं जाव वेमाणिएहिंतो, नवरं ओरालियसरीरेहिंतो जहा जीवेहिंतो । असुरकुमारे णं भंते ! जीवाओ कइकिरिए ? गोयमा ! जहेव नेरइए चत्तारि दंडगा तहेव असुरकुमारेवि चत्तारि दंडगा भाणियव्वा, एवं च उवउजिऊणं भावेयव्वं ति । जीवे मणूसे य अकिरिए बुच्चइ, सेसा अकिरिया न बुचंति । सव्वजीवा ओरालियसरीरेहिंतो पंचकिरिया । नेरइयदेवेहिंतो पंचकिरिया ण वुञ्चति । एवं एक्केकजीवपए चत्तारि चत्तारि दंडगा भाणियव्वा एवं एयं दंडगसयं सव्वे वि य जीवाइया दंडगा ॥ ५८७ ॥ कइ णं भंते! किरियाओ पण्णत्ताओ ? गोयमा ! पंच किरियाओ पण्णत्ताओ । तंजहाकाइया जाव पाणाइवायकिरिया | नेरइयाणं भंते ! कइ किरियाओ पण्णत्ताओ ? गोयमा ! पंच किरियाओ पण्णत्ताओ । तंजहा - काइया जाव पाणाइवायकिरिया, एवं जाव वैमाणियाणं । जस्स णं भंते! जीवस्स काइया किरिया कज्जइ तस्स अहिगरणिया किरिया कज्जइ, जस्स अहिगरणिया किरिया कज्जइ तस्स काइया किरिया कइ ? गोयमा ! जस्स णं जीवस्स काइया किरिया कज्जइ तस्स अहिगरणिया किरिया नियमा कज्जइ, जस्स अहिगरणिया किरिया कज्जइ तस्स वि काइया किरिया नियमा कज्जइ । जस्स णं भंते ! जीवस्स काइया किरिया कज्जइ तस्स पाओसिया किरिया कज्जइ, जस्स पाओसिया किरिया कज्जइ तस्स काइया किरिया कज्जइ ? गोयमा ! एवं चेव । जस्स णं भंते ! जीवस्स काइया किरिया कज्जइ तस्स पारियावणिया किरिया कज्जइ, जस्स पारियावणिया किरिया कज्जइ तस्स काइया किरिया कज्जइ ? गोयमा ! जस्स णं जीवस्स काइया किरिया कज्जइ तस्स पारियावणिया ० सिय कज्जइ, सिय नो कज्जइ, जस्स पुण पारियावणिया किरिया कज्जइ तस्स काइया ० नियमा कज्जइ, एवं पाणाइवाय किरिया वि । एवं आइल्लाओ परोप्परं नियमा तिण्णि कज्जति । जस्स आइल्लाओ तिणि कज्जंति तस्स उवरिल्लाओ दोन्नि सिय कज्जंति, सिय नो कज्जंति, जस्स उवरिल्लाओ दोण्णि कज्जंति तस्स आइल्लाओ नियमा तिण्णि कज्जति । जस्स गं भंते ! जीवस्स पारियावणिया किरिया कजइ तस्स पाणाइवायकिरिया कज्जइ, जस्स पाणाइवाय किरिया कज्जइ तस्स पारियावणिया किरिया कज्जइ ? गोयमा ! जस्स णं जीवस्स पारियावणिया किरिया कज्जइ तस्स पाणाइवायकिरिया सिय कज्जइ, सिय नो, जस्स पुण पाणाइवायकिरिया कज्जइ तस्स पारियावणिया किरिया नियमा कज्जइ । जस्स णं भंते! नेरइयस्स काइया किरिया कज्जइ तस्स अहिगरणिया किरिया कजइ ? गोयमा ! जहेव जीवस्स तहेव नेरइयस्स वि, एवं निरंतरं जाव ३१ सुत्ता०
४८१
