________________
प० २० सोहम्मग० ति० पु.]
सुत्तागमे
४६३
जेणं भंते ! केवलिं बोहिं बुज्झेजा से णं सद्दहेजा पत्तिएज्जा रोएज्जा ? हंता गोयमा ! जाव रोएज्जा । जे णं भंते ! सद्दहेजा ३ से णं आभिणिबोहियनाणसुयनाणओहिनाणाई उप्पाडेजा? हंता गोयमा ! जाव उप्पाडेजा। जे णं भंते ! आभिणिबोहियनाणसुयनाणओहिनाणाई उप्पाडेजा से णं संचाएजा सीलं वा जाव पडिवज्जित्तए ? गोयमा ! नो इणढे समढे । एवं असुरकुमारेसु वि जाव थणियकुमारेसु । एगिदियविगलिंदिएसु जहा पुढवीकाइए । पंचिंदियतिरिक्खजोणिएसु मणुस्सेसु य जहा नेरइए । वाणमंतरजोइसियवेमाणिएसु जहा नेरइएसु उववजेज्जा पुच्छा भणिया एवं मणुस्से वि । वाणमंतरजोइसियवेमाणिए जहा असुरकुमारे ॥ ५६४ ॥ रयणप्पभापुढवीनेरइए णं भंते ! रयणप्पभापुढवीनेरइएहितो अणंतरं उव्वट्टित्ता तित्थगरत्तं लभेजा ? गोयमा ! अत्थेगइए लभेजा, अत्थेगइए णो लभेजा । से केणटेणं भंते ! एवं वुच्चइ–'अत्थेगइए लभेज्जा, अत्थेगइए णो लभेज्जा' ? गोयमा ! जस्स णं रयणप्पभापुढवीनेरइयस्स तित्थगरनामगोयाई कम्माइं बद्धाइं पुट्ठाइं निधत्ताई कडाई पट्टवियाई निविट्ठाइं अभिनिविट्ठाइं अभिसमन्नागयाइं उदिन्नाई, णो उवसंताई हवंति, से णं रयणप्पभापुढवीनेरइए रयणप्पभापुढवीनेरइएहितो अणंतरं उव्वट्टित्ता तित्थगरतं लभेजा, जस्स णं रयणप्पभापुढवीनेरइयस्स तित्थगरनामगोयाइं० णो बद्धाई जाव णो उदिन्नाइं, उवसंताई हवंति, से णं रयणप्पभापुढवीनेरइए रयणप्पभापुढवीनेरइएहिंतो अणंतरं उव्वट्टित्ता तित्थगरत्तं णो लभेजा, से तेणटेणं गोयमा ! एवं वुच्चइ-'अत्थेगइए लभेजा, अत्थेगइए णो लभेजा' । एवं सक्करप्पभा जाव वालुयप्पभापुढवीनेरइएहिंतो तित्थगरत्तं लभेजा। पंकप्पभापुढवीनेरइए णं भंते ! पंकप्पभा०नेरइएहिंतो अणंतरं उव्वटित्ता तित्थगरत्तं लभेजा ? गोयमा ! नो इणढे समढे, अंतकिरियं पुण करेजा। धूमप्पभापुढवीनेरइए पुच्छा । गोयमा ! नो इणढे समढे, सव्वविरई पुण लभेजा । तमप्पभापुढवी-पुच्छा । नो विरयाविरइं पुण लभेजा। अहेसत्तमपुढवी-पुच्छा । गोयमा ! नो इणढे समढे, सम्मत्तं पुण लभेजा। असुरकुमारस्स पुच्छा । गोयमा ! नो इणढे समटे, अंतकिरियं पुण करेजा । एवं निरंतरं जाव आउकाइए। तेउकाइए णं भंते ! तेउक्काइएहितो अणंतरं उव्वट्टित्ता तित्थगरत्तं लभेजा ? गोयमा ! नो इणढे समढे, केवलिपन्नत्तं धम्मं लभेज्जा सवणयाए । एवं वाउकाइए वि । वणस्सइकाइए णं पुच्छा । गोयमा ! नो इणढे समढे, अंतकिरियं पुण करेजा । बेइंदियतेइंदियचउरिदिए णं पुच्छा । गोयमा ! नो इणढे समढे, मणपजवनाणं उप्पाडेजा । पांचंदियतिरिक्खजोणियमणूसवाणमंतरजोइसिए णं पुच्छा । गोयमा ! नो इणढे समढे, अंतकिरियं पुण करेजा । सोहम्मगदेवे णं
