________________
४६२
सुता
[ पण्णवणासुतं
1
कुमारे णं भंते ! असुरकुमारेहिंतो अनंतरं उव्वट्टित्ता तेउवाउबेइंदियतेइंदियचउरिंदिए उववज्जेज्जा ? गोयमा ! नो इणट्ठे समट्ठे । अवसेसेसु पंचसु पचिंदियतिरिक्खजोणियाइसु असुरकुमारेसु जहा नेरइओ, एवं जाव थणियकुमारा ॥ ५६१ ॥ पुढवीकाइए णं भंते! पुढवीकाइएहिंतो अनंतरं उव्वट्टित्ता नेरइएसु उववज्जेजा ? गोयमा ! नो इणट्ठे समट्ठे । एवं असुरकुमारेसु वि जाव थणियकुमारेसु वि । पुढवीकाइए णं भंते! पुढवीकाइएहिंतो अनंतरं उव्वट्टित्ता पुढवीकाइएस उववज्जेज्जा ? गोयमा ! अत्थेiइए उववज्जेज्जा, अत्थेगइए णो उववज्जेज्जा । जे णं भंते! उववज्जेजा से णं केवलिपन्नत्तं धम्मं लभेजा सवणयाए ? गोयमा ! नो इणट्ठे समट्ठे । एवं आउक्काइयाइसु निरंतरं भाणियव्वं जाव चउरिदिए । पंचिंदियति रिक्खजोणियमणुस्सेसु जहा नेरइए । वाणमंतरजोइसियवेमाणिएसु पडिसेहो । एवं जहा पुढवीकाइओ भणिओ तव आउक्काइओ वि जाव वणस्सइकाइओ वि भाणियव्वो ।। ५६२ ॥ तेउकाइए णं भंते! ते काइएहिंतो अनंतरं उव्वट्टित्ता नेरइएस उववज्जेज्जा ? गोयमा ! नो इट्ठे समट्ठे । एवं असुरकुमारेसु वि जाव थणियकुमारेसु । पुढवीकाइयआउतेउवाउवणबेइंदियतेइंदियचउरिदिए अत्थेगइए उववज्जेज्जा, अत्थेगइए णो उववजेजा । जेणं भंते! उववज्जेजा से णं केवलिपन्नत्तं धम्मं लभेज्जा सवणयाए ? गोयमा ! नो इणट्ठे समट्ठे । तेडक्काइए णं भंते! तेउकाइएहिंतो अनंतरं उव्वट्टित्ता पंचिंदियतिरिक्खजोणिएसु उववजेज्जा ? गोयमा ! अत्थेगइए उववज्जेज्जा, अत्थेगइए जेजा। जेसे णं केवलिपन्नत्तं धम्मं लभेज्जा सवणयाए ? गोयमा ! अत्थेगइए लभेज्जा, अत्थेगइए णो लभेजा । जे णं भंते! केवलिपन्नत्तं धम्मं लभेजा सवणयाए से णं केवलिं बोहिं बुज्झेजा ? गोयमा ! णो इणट्ठे समट्ठे । मणुस्तवाणमंतरजोइसियवेमाणिएसु पुच्छा । गोयमा ! णो इणट्ठे समट्ठे । एवं जहेव तेउक्काइए निरंतरं एवं वाउकाइए वि ॥ ५६३ ॥ बेईदिए णं भंते ! बेईदिएहिंतो अनंतरं उव्वट्टित्ता नेरइएस उववज्जेज्जा ? गोयमा ! जहा पुढवीकाइया नवरं मणुस्सेसु जाव मणपज्जवनाणं उप्पाडेजा । एवं तेइंदिया चउरिंदिया वि जाव मणपज्जवनाणं उप्पाडेजा । जे णं मणपज्जवनाणं उप्पाडेजा से णं केवलनाणं उप्पाडेजा ? गोयमा ! नो इणट्टे समट्ठे | पंचिंदियतिरिक्खजोणिए णं भंते! पंचिंदियतिरिक्खजोणिए हिंतो अनंतरं उव्वट्टित्ता नेरइएसु उववज्जेज्जा ? गोयमा ! अत्थेगइए उववज्जेज्जा, अत्थेगइए णो उववज्जेज्जा । जे···से णं केवलिपन्नत्तं धम्मं लभेजा सवणयाए ? गोयमा ! अत्थेगइए लभेजा, अत्थेगइए णो लभेज्जा । जे णं केवलिपन्नत्तं धम्मं लभेजा सवणयाए से णं केवलिं बोहिं बुज्झेज्जा ? गोयमा ! अत्थेगइए बुज्झेज्जा, अत्थेगइए णो बुज्झेजा ।
