________________
प० २० असुरकुमार० पु.] सुत्तागमे
४६१ गोयमा ! अत्थेगइए लभेजा, अत्थेगइए णो लभेजा । जे णं भंते ! केवलिपन्नत्तं धम्मं लभेजा सवणयाए से णं केवलिं बोहिं बुज्झेजा ? गोयमा ! अत्थेगइए बुज्झेजा, अत्थेगइए णो बुज्झेजा। जे णं भंते ! केवलिं बोहिं बुज्झेजा से णं सद्दहेजा यत्तिएजा रोएज्जा ? गोयमा ! सद्दहेजा, पत्तिएज्जा, रोएज्जा । जे णं भंते ! सद्दहेजा पत्तिएज्जा रोएज्जा से णं आभिणिबोहियनाणसुयनाणाइं उप्पाडेजा ? हंता गोयमा ! उप्पाडेजा । जे णं भंते ! आभिणिबोहियनाणसुयनाणाई उप्पाडेजा से णं संचाएजा सीलं वा वयं वा गुणं वा वेरमणं वा पचक्खाणं वा पोसहोववासं वा पडिवजित्तए ? गोयमा ! अत्थेगइए संचाएजा, अत्थेगइए णो संचाएजा । जे णं भंते ! संचाएजा सीलं वा जाव पोसहोववासं वा पडिवज्जित्तए से णं ओहिनाणं उप्पाडेजा? गोयमा ! अत्थेगइए उप्पाडेजा, अत्थेगइए णो उप्पाडेजा। जे णं भंते ! ओहिनाणं उप्पाडेजा से णं संचाएजा मुण्डे भवित्ता आगाराओ अणगारियं पव्वइत्तए ? गोयमा ! नो इणढे समढे ॥ ५५९ ॥ नेरइए णं भंते ! नेरइएहितो अणंतरं उब्वहित्ता मणुस्सेसु उववज्जेज्जा ? गोयमा ! अत्थेगइए उववजेजा, अत्थेगइए णो उववजेजा। जे णं भंते ! उववज्जेज्जा से णं केवलिपन्नत्तं धम्मं लभेजा सवणयाए ? गोयमा ! जहा पंचिंदियतिरिक्खजोणिएसु जाव जे णं भंते ! ओहिनाणं उप्पाडेजा से णं संचाएजा मुण्डे भवित्ता आगाराओ अणगारियं पव्वइत्तए ? गोयमा ! अत्थेगइए संचाएजा, अत्थेगइए णो संचाएजा । जे णं भंते ! संचाएजा मुंडे भवित्ता आगाराओ अणगारियं पव्वइत्तए से णं मणपजवनाणं उप्पाडेजा ? गोयमा अत्थेगइए उप्पाडेजा, अत्थेगइए णो उप्पाडेजा । जे णं भंते ! मणपज्जवनाणं उप्पाडेजा से णं केवलनाणं उप्पाडेजा? गोयमा ! अत्थेगइए उप्पाडेजा, अत्थेगइए णो उप्पाडेजा । जे णं भंते ! केवलनाणं उप्पाडेज्जा से णं सिज्झेजा बुज्झेजा मुच्चेज्जा सव्वदुक्खाणं अंतं करेजा ? गोयमा ! सिझेजा जाव सव्वदुक्खाणमंतं करेजा । नेरइए णं भंते ! नेरइएहिंतो अणंतरं उव्वट्टित्ता वाणमंतरजोइसियवेमाणिएसु उववजेजा ? गोयमा ! नो इणढे समढे ॥५६०॥ असुरकुमारे णं भंते ! असुरकुमारेहितो अणंतरं उव्वट्टित्ता नेरइएसु उववजेज्जा ? गोयमा ! नो इणढे समढे। असुरकुमारे णं भंते ! असुरकुमारेहितो अणंतरं उव्वट्टित्ता असुरकुमारेसु उववज्जेज्जा ? गोयमा ! नो इणढे समढे । एवं जाव थणियकुमारेसु । असुरकुमारे णं भंते ! असुरकुमारेहिंतो अणंतरं उव्वट्टित्ता पुढविकाइएसु उववज्जेज्जा ? हन्ता गोयमा ! अत्थेगइए उववज्जेज्जा, अत्थेगइए णो उववजेजा। जे णं भंते ! उववजेज्जा से णं केवलिपन्नत्तं धम्म लभेजा सवणयाए ? गोयमा ! नो इणढे समढे। एवं आउवणस्सइसु वि । असुर
