________________
प०२० जे० मणू०]
सुत्तागमे
४५९
पच्छा । गोयमा ! साइए अपज्जवसिए ॥ दारं १७ ॥५४९ ॥ सुहुमे णं भंते ! सुहुमेत्ति पुच्छा । गोयमा ! जहन्नेणं अंतोमुहुत्तं, उक्कोसेणं पुढविकालो। बायरे णं पुच्छा। गोयमा ! जहन्नेणं अंतोमुहुत्तं, उक्कोसेणं असंखेनं कालं जाव खेत्तओ अंगुलस्स असंखेजइभागं । नोसुहुमनोबायरे णं पुच्छा। गोयमा ! साइए अपजवसिए ॥ दारं १८ ॥ ५५० ॥ सण्णी णं भंते ! पुच्छा । गोयमा ! जहन्नेणं अंतोमुहत्तं, 'उक्लोसेणं सागरोवमसयपुहुत्तं साइरेगं । असण्णी णं पुच्छा। गोयमा ! जहन्नेणं . अंतोमुहत्तं, उक्कोसेणं वणस्सइकालो। नोसण्णीनोअसण्णी णं पुच्छा। गोयमा ! साइए अपज्जवसिए ॥ दारं १९ ॥ ५५१ ॥ भवसिद्धिए णं पुच्छा। गोयमा ! अणाइए सपजवसिए । अभवसिद्धिए णं पुच्छा । गोयमा ! अणाइए अपजवसिए। नोभवसिद्धिए-नोअभवसिद्धिए णं पुच्छा । गोयमा ! साइए अपजवसिए॥ दारं २०॥ ॥ ५५२ ॥ धम्मत्थिकाए णं पुच्छा । गोयमा ! सव्वद्धं, एवं जाव अद्धासमए ॥ दारं २१ ॥ ५५३ ॥ चरिमे णं पुच्छा। गोयमा ! अणाइए सपज्जवसिए । अचरिमे णं पुच्छा। गोयमा ! अचरिमे दुविहे पन्नत्ते, तंजहा-अणाइए वा अपज्जवसिए, साइए वा अपज्जवसिए ॥ दारं २२ ॥ ५५४ ॥ पन्नवणाए भगवईए अट्ठारसमं कायटिइनामपयं समत्तं ॥
जीवा णं भंते ! किं सम्मदिट्ठी, मिच्छादिट्ठी, सम्मामिच्छादिट्ठी ? गोयमा ! जीवा सम्मदिट्ठी वि, मिच्छादिट्ठी वि, सम्मामिच्छादिट्ठी वि । एवं नेरइया वि । असुरकुमारा वि एवं चेव जाव थणियकुमारा। पुढवीकाइया णं पुच्छा। गोयमा ! पुढवीकाइया णो सम्मदिट्ठी, मिच्छादिट्ठी, णो सम्मामिच्छादिट्ठी, एवं जाव वणस्सइकाइया। बेइंदिया णं पुच्छा । गोयमा ! बेइंदिया सम्मदिट्ठी, मिच्छादिट्ठी, णो सम्मामिच्छादिट्ठी । एवं जाव चउरिंदिया । पंचिंदियतिरिक्खजोणिया मणुस्सा वाणमंतरजोइसियवेमाणिया य सम्मदिट्ठी वि मिच्छादिट्ठी वि सम्मामिच्छादिट्ठी वि । सिद्धा णं पुच्छा। गोयमा ! सिद्धा सम्मदिट्ठी, णो मिच्छादिट्ठी, णो सम्मामिच्छादिट्ठी॥५५५॥ पन्नवणाए भगवईए एगूणवीसइमं सम्मत्तपयं समत्तं ॥
नेरइय अंतकिरिया अणन्तरं एगसमय उव्वट्टा । तित्थगरचक्किबलवासुदेवमंडलियरयणा य ॥ दारगाहा ॥ जीवे णं भंते ! अंतकिरियं करेजा ? गोयमा ! अत्थेगइए करेज्जा, अत्थेगइए णो करेजा । एवं नेरइए जाव वेमाणिए । नेरइए णं भंते ! नेरइएसु अंतकिरियं करेजा ? गोयमा ! णो इणढे समठे। नेरइया णं भंते ! असुरकुमारेसु अंतकिरियं करेजा ? गोयमा ! णो इणढे समढे । एवं जाव वेमाणिएसु । नवरं मणूसेसु अंतकिरियं करेजत्ति पुच्छा । गोयमा ! अत्थेगइए
