________________
४५४
सुत्तागमे
[पण्णवणासुतं गोयमा ! जहन्नेणं अंतोमुहुत्तं, उक्कोसेणं असंखेनं कालं, असंखेज्जाओ उस्सप्पिणिओसप्पिणीओ कालओ, खेत्तओ असंखेजा लोगा । एवं आउतेउवाउकाइया वि । वणस्सइकाइयाणं पुच्छा । गोयमा ! जहन्नणं अंतोमुहत्तं, उक्कोसेणं अणंत कालं, अणंताओ उस्सप्पिणिओसप्पिणीओ कालओ, खेत्तओ अणंता लोगा, असंखेज्जा पुग्गलपरियट्टा, ते णं पुग्गलपरियट्टा आवलियाए असंखेज्जइभागो। पुढविकाइए पजत्तए पुच्छा । गोयमा ! जहन्नेणं अंतोमुहुत्तं, उक्कोसेणं संखेज्जाइं वाससहस्साइं, एवं आऊ वि । तेउकाइए पजत्तए पुच्छा । गोयमा ! जहन्नेणं अंतोमुहुत्तं, उक्कोसेणं संखेजाई राइंदियाइं । वाउकाइयपजत्तए णं पुच्छा । गोयमा ! जहन्नेणं अंतोमुहत्तं, उक्कोसेणं संखेजाइं वाससहस्साइं । वणस्सइकाइयपजत्तए पुच्छा । गोयमा ! जहन्नेणं अंतोमुहुत्तं, उक्कोसेणं संखेज्जाइं वाससहस्साई । तसकाइयपज्जत्तए पुच्छा । गोयमा ! जहन्नेणं अंतोमुहुत्तं, उक्कोसेणं सागरोवमसयपुहुत्तं साइरेगं ॥५३५॥ सुहुमे णं भंते ! सुहुमेत्ति कालओ केवचिरं होइ ? गोयमा ! जहन्नेणं अंतोमुहुत्तं, उनोसेणं असंखेजं कालं, असंखेज्जाओ उस्सप्पिणिओसप्पिणीओ कालओ, खेत्तओ असंखेज्जा लोगा। सुहुमपुढविकाइए, सुहुमआउकाइए, सुहुमतेउकाइए, सुहुमवाउकाइए, सुहुमवणप्फइकाइए सुहुमनिगोदे वि जहन्नेणं अंतोमुहुत्तं, उक्कोसेणं असंखेजं कालं, असंखेजाओ उस्सप्पिणिओसप्पिणीओ कालओ, खेत्तओ असंखेज्जा लोगा। सुहुमे णं भंते ! अपज्जत्तएत्ति पुच्छा । गोयमा ! जहन्नेणं अंतोमुहुत्तं उक्कोसेण वि अंतोमुहुत्तं । पुढविकाइयआउकाइयतेउकाइयवाउकाइयवणप्फइकाइयाण य एवं चेव, पजत्तयाण वि एवं चेव। बायरे णं भंते ! बायरेत्ति कालओ केवञ्चिरं होइ ? गोयमा ! जहन्नेणं अंतोमुहुत्तं, उक्कोसेणं असंखेनं कालं, असंखेजाओ उस्सप्पिणिओसप्पिणीओ कालओ, खेत्तओ अंगुलस्स असंखेजइभागं । बायरपुढविकाइए णं भंते ! पुच्छा । गोयमा ! जहन्नेणं अंतोमुहुत्तं, उक्कोसेणं सत्तरि सागरोवमकोडाकोडीओ । एवं बायरआउक्काइए वि बायरतेउकाइए वि, बायरवाउकाइए वि । बायरवणप्फइकाइए णं० बायर० पुच्छा। गोयमा ! जहन्नेणं अंतोमुहुत्तं, उक्कोसेणं असंखेनं कालं जाव खेत्तओ अंगुलस्स असंखेज्जइभागं । पत्तेयसरीरबायरवणप्फइकाइए णं भंते ! पुच्छा । गोथमा ! जहनेणं अंतोमुहुत्तं, उक्कोसेणं सत्तरि सागरोवमकोडाकोडीओ। निगोए णं भंते ! निगोएत्ति कालओ केवच्चिरं होइ ? गोयमा ! जहन्नेणं अंतोमुहुत्तं, उक्कोसेणं अणंतं
कालं, अणंताओ उस्सप्पिणिओसप्पिणीओ कालओ, खेत्तओ अड्डाइजा पोग्गल। परियट्टा । बादरनिगोदे णं भंते ! बादरनिगोदेत्ति पुच्छा। गोयमा ! जहन्नेणं
अंतोमुहुत्तं, उक्कोसेणं सत्तरि सागरोवमकोडाकोडीओ। बायरतसकाइए णं भंते !
