________________
४५२
सुत्तागमे
[पण्णवणासुतं कण्हलेसे णं भंते ! मणुस्से कण्हलेसं गभं जणेजा ? हंता गोयमा ! जणेजा। कण्हलेसे० मणुस्से नीललेसं गब्भं जणेजा ? हंता गोयमा ! जणेजा जाव सुक्कलेसं गन्मं जणेजा । नीललेसे० मणुस्से कण्हलेसं गन्भं जणेज्जा ? हंता गोयमा! जणेज्जा. एवं नीललेसे मणुस्से जाव सुकलेसं गब्भं जणेजा, एवं काउलेसेणं छप्पि आलावगा भाणियव्वा । तेउलेसाण वि पम्हलेसाण वि सुक्कलेसाण वि, एवं छत्तीसं आलावगा भाणियव्वा । कण्हलेसा० इत्थिया कण्हलेसं गभं जणेज्जा ? हंता गोयमा ! जणेजा। एवं एए वि छत्तीसं आलावगा भाणियव्वा । कण्हलेसे णं भंते ! मणुस्से कण्हलेसाए इत्थियाए कण्हलेसं गब्भं जणेजा ? हंता गोयमा ! जणेजा, एवं एए छत्तीसं आलावगा । कम्मभूमगकण्हलेसे णं भंते ! मणुस्से कण्हलेसाए इत्थियाए कण्हलेसं गभं जणेजा ? हंता गोयमा ! जणेज्जा, एवं एए छत्तीसं आलावगा । अकम्मभूमयकण्हलेसे. मणुस्से अकम्मभूमयकण्हलेसाए इत्थियाए अकम्मभूमयकण्हलेसं गम्भं जणेजा ? हंता गोयमा! जणेजा, नवरं चउसु लेसासु सोलस आलावगा, एवं अंतरदीवगाण वि ॥ ५३१ ॥ छट्टो उद्देसओ समत्तो ॥ पन्नवणाए भगवईए सत्तरसमं लेस्सापयं समत्तं ॥
जीव गइंदिय काए जोए वेए कसायलेसा य । सम्मत्तणाणदंसण संजय उवओग आहारे ॥ १॥ भासगपरित्त पज्जत्त सुहुम सन्नी भवऽत्थि चरिमे य । एएसिं तु पयाणं कायठिई होइ णायव्वा ॥ २ ॥ जीवे णं भंते ! जीवेत्ति कालओ केवच्चिरं होइ ? गोयमा ! सव्वद्धं ॥ दारं १ ॥ ५३२ ॥ नेरइए णं भंते ! नेरइएत्ति कालओ केवच्चिरं होइ ? गोयमा ! जहन्नेणं दस वाससहस्साई, उक्कोसेणं तेत्तीसं सागरोवमाइं । तिरिक्खजोणिए णं भंते ! तिरिक्खजोणिएत्ति कालओ केवच्चिरं होइ ? गोयमा! जहन्नेणं अंतोमुहुत्तं, उक्कोसेणं अणंतं कालं, अणंताओ उस्सप्पिणिओस प्पिणीओ कालओ, खेत्तओ अणंता लोगा, असंखेजा पोग्गलपरियट्टा, ते णं पुग्गलपरियट्टा आवलियाए असंखेजइभागे। तिरिक्खजोणिणी णं भंते ! तिरिक्खजोणिणित्ति कालओ केवच्चिरं होइ ? गोयमा ! जहन्नेणं अंतोमुहुत्तं, उक्कोसेणं तिन्नि पलिओवमाई पुत्वकोडिपुहुत्तमन्महियाइं । एवं मणुस्से वि, मणुस्सी वि एवं चेव । देवे णं भंते ! देवेत्ति कालओ केवञ्चिरं होइ ? गोयमा ! जहेव नेरइए । देवी णं भंते! देवित्ति कालओ केवच्चिरं होइ ? गोयमा ! जहन्नेणं दस वाससहस्साइं, उक्कोसेणं पणपन्नं पलिओवमाइं । सिद्धे णं भंते ! सिद्धेत्ति कालओ केवच्चिरं होइ ? गोयमा ! साइए अपज्जवसिए । नेरइयअपजत्तए णं भंते ! नेरइयअपजत्तएत्ति कालओ केवच्चिर होइ ? गोयमा ! जहन्नेण वि उक्कोसेण वि अंतोमुहुत्तं, एवं जाव देवी अपजत्तिया । नेरइयपज्जत्तए णं
