________________
५० १७ उ० ६ पुक्खर०]
सुत्तागमे
४५१
वा. से तेणद्वेणं गोयमा ! एवं वुच्चइ-'कण्हलेसा नीललेसं पप्प णो तारूवत्ताए जाव भुज्जो २ परिणमइ' । से नूणं भंते ! नीललेसा काउलेसं पप्प णो तारूवत्ताए जाव भुज्जो २ परिणमइ ? हंता गोयमा ! नीललेसा काउलेसं पप्प णो तारूवत्ताए जाव भुज्जो २ परिमणइ । से केणढेणं भंते ! एवं वुच्चइ–'नीललेसा काउलेसं पप्प णो तारूवत्ताए जाव भुजो २ परिणमई' ? गोयमा ! आगारभावमायाए वा सिया, पलिभागभावमायाए वा सिया । नीललेसा णं सा, णो खलु सा काउलेसा, तत्थगया ओसक्कइ उस्सकइ वा, से एएणतुणं गोयमा ! एवं वुच्चइ-'नीललेसा काउलेसं पप्प णो तारूवत्ताए जाव भुजो २ परिणमइ' । एवं काउलेसा तेउलेसं पप्प, तेउलेसा पम्हलेसं पप्प, पम्हलेसा सुक्कलेसं पप्प । से नूणं भंते ! सुक्कलेसा पम्हलेसं पप्प णो तारूवत्ताए जाव परिणमइ ? हंता गोयमा ! सुक्कलेसा तं चेव । से केण?णं भंते ! एवं वुच्चइ–'सुक्कलेसा जाव णो परिणमइ' ? गोयमा ! आगारभावमायाए वा जाव सुक्कलेसा णं सा, णो खलु सा पम्हलेसा, तत्थ गया ओसक्कइ, से तेणटेणं गोयमा ! एवं वुच्चइ—'जाव णो परिणमइ' ॥ ५२९ ॥ पन्नवणाए भगवईए सत्तरसमे लेस्सापए पंचमो उद्देसओ समत्तो॥
कइ णं भंते ! लेसा पन्नत्ता ? गोयमा ! छ लेसा पन्नत्ता । तंजहा–कण्हलेसा जाव सुक्कलेसा। मणुस्साणं भंते ! कइ लेसाओ पन्नत्ताओ? गोयमा ! छ लेसाओ पन्नत्ताओ। तंजहा-कण्हलेसा जाव सुक्कलेसा। मणुस्सीणं भंते ! पुच्छा। गोयमा ! छल्लेस्साओ पन्नत्ताओ। तंजहा-कण्हा जाव सुक्का । कम्मभूमयमणुस्साणं भंते ! कइ लेसाओ पन्नत्ताओ ? गोयमा ! छ लेसाओ पन्नत्ताओ। तंजहा-कण्हा जाव सुक्का। एवं कम्मभूमयमणुस्सीण वि । भरहेरवयमणुस्साणं भंते ! कइ लेसाओ पन्नत्ताओ? गोयमा ! छल्लेसाओ पन्नत्ताओ। तंजहा-कण्हा जाव सुक्का। एवं मणुस्सीण वि। पुव्वविदेहे अवरविदेहे कम्मभूमयमणुस्साणं कइ लेस्साओ० ? गो० ! छल्लेस्साओ० । तंजहा-कण्हा जाव सुक्का । एवं मणुस्सीण वि । अकम्मभूमयमणुस्साणं पुच्छा । गोयमा ! चत्तारि लेसाओ पन्नत्ताओ । तंजहा-कण्ह० जाव तेउलेसा, एवं अकम्मभूमगमणुस्सीण वि, एवं अंतरदीवगमणुस्साणं, मणुस्सीण वि । एवं हेमवयएरन्नवयअकम्मभूमयमणुस्साणं मणुस्सीण य कइ लेसाओ पन्नत्ताओ ? गोयमा ! चत्तारि, तंजहा-कण्हलेसा जाव तेउलेसा । हरिवासरम्मयअकम्मभूमयमणुस्साणं मणुस्सीण य पुच्छा। गोयमा ! चत्तारि, तंजहा—कण्ह० जाव तेउलेसा । देवकुरुउत्तरकुरुअकम्मभूमयमणुस्सा एवं चेव, एएसिं चेव मणुस्सीणं एवं चेव, धायइसंडपुरिमद्धे वि एवं चेव, पच्छिमद्धे वि, एवं पुक्खरदीवे वि भाणियव्वं ॥ ५३० ॥
