________________
४५०
सुत्तागमे
[पण्णवणासुतं अभिलावो ॥ ५२६ ॥ एएसि णं भंते ! कण्हलेसठाणाणं जाव सुक्कलेसठाणाण य जहन्नउक्कोसगाणं दव्वट्ठयाए पएसट्टयाए दव्वट्ठपएसट्टयाए कयरे कयरेहितो अप्पा वा ४? गोयमा ! सव्वत्थोवा जहन्नगा काउलेसठाणा दव्वट्ठयाए, जहन्नगा नीललेसठाणा दव्वट्ठयाए असंखेजगुणा, एवं कण्हतेउपम्हलेसठाणा, जहन्नगा सुक्कलेसठाणा दव्वट्ठयाए असंखेजगुणा, जहन्नएहिंतो सुक्कलेसठाणेहिंतो दव्वयाए उक्कोसा काउलेसठाणा दव्वट्ठयाए असंखेजगुणा, उक्कोसा नीललेसठाणा दव्वठ्ठयाए असंखेजगुणा, एवं कण्हतेउपम्हलेसट्ठाणा, उक्कोसा सुक्कलेसठाणा दव्वट्ठयाए असंखेजगुणा । पएसट्टयाए-सव्वत्थोवा जहन्नगा काउलेसठाणा पएसठ्ठयाए, जहन्नगा नीललेसठाणा पएसट्ठयाए असंखेजगुणा, एवं जहेव दव्वट्ठयाए तहेव पएसट्टयाए वि भाणियव्वं, नवरं पएसट्ठयाएत्ति अभिलावविसेसो । दव्वट्ठपएसट्ठयाए-सव्वत्थोवा जहन्नगा काउलेसठाणा दव्वठ्याए, जहन्नगा नीललेसठाणा दव्वट्ठयाए असंखेज-- गुणा, एवं कण्हतेउपम्हलेसट्ठाणा, जहन्नया सुक्कलेसठाणा दव्वठ्ठयाए असंखेजगुणा, जहन्नएहिंतो सुक्कलेसठाणेहिंतो दव्वट्ठयाए उक्कोसा काउलेसठाणा दव्वट्ठयाए असंखेजगुणा, उक्कोसा नीललेसठाणा दवट्ठयाए असंखेजगुणा, एवं कण्हतेउपम्हलेसट्ठाणा, उक्कोसगा सुक्कलेसठाणा दव्वठ्ठयाए असंखेज्जगुणा, उक्कोसएहिंतो सुकलेसठाणेहितो दव्वट्ठयाए जहन्नगा काउलेसठाणा पएसट्टयाए अणंतगुणा, जहन्नगा नीललेसठाणा पएसठ्ठयाए असंखेजगुणा,एवं कण्हतेउपम्हलेसट्टाणा, जहन्नगा सुक्कलेसठाणा पएसट्टयाए असंखेजगुणा, जहन्नएहितो सुक्कलेसठाणेहिंतो पएसठ्ठयाए उक्कोसा काउलेसठाणा पएसट्टयाए असंखेजगुणा,उक्कोसया नीललेसठाणा पएसट्ठयाए असंखेजगुणा,एवं कण्हतेउ-- पम्हलेसट्टाणा,उक्कोसया सुक्कलेसठाणा पएसट्टयाए असंखेजगुणा ॥५२७॥ पन्नवणाए भगवईए सत्तरसमस्स लेस्सापयस्स चउत्थो उद्देसओ समत्तो॥
कइ णं भंते ! लेसाओ पन्नत्ताओ ? गोयमा ! छल्लेसाओ पन्नत्ताओ। तंजहाकण्हलेसा जाव सुक्कलेसा । से नूणं भंते ! कण्हलेसा नीललेसं पप्प तारूवत्ताए तावन्नत्ताए तागंधत्ताए तारसत्ताए ताफासत्ताए भुजो भुजो परिणमइ ? इत्तो आढत्तं जहा चउत्थओ उद्देसओ तहा भाणियव्वं जाव वेरुलियमणिदिलुतोत्ति ॥५२८॥ से नूणं भंते ! कण्हलेसा नीललेसं पप्प णो तारूवत्ताए जाव णो ताफासत्ताए भुजो भुजो परिणमइ ? हंता गोयमा ! कण्हलेसा नीललेसं पप्प णो तारूवत्ताए, णो तावन्नत्ताए, णो तागंधत्ताए, णो तारसत्ताए, णो ताफासत्ताए भुज्जो २ परिणमइ । से केणटेणं भंते ! एवं बुच्चइ० ? गोयमा ! आगारभावमायाए वा से सिया, पलिभागभावमायाए वा से सिया। कण्हलेसा णं सा, णो खलु नीललेसा, तत्थ गया ओसक्कइ उस्सक्का
