________________
य० १७ उ० ४]
सुत्तागमे सुब्मिगंधाओ पन्नत्ताओ ? गोयमा ! तओ लेस्साओ सुब्भिगंधाओ पन्नत्ताओ। तंजहातेउलेस्सा, पम्हलेस्सा, सुक्कलेस्सा, एवं तओ अविसुद्धाओ, तओ विसुद्धाओ, तओ अप्पसत्थाओ, तओ पसत्थाओ, तओ संकिलिट्ठाओ, तओ असंकिलिट्ठाओ, तओ सीयलुक्खाओ, तओ निद्भुण्हाओ, तओ दुग्गइगामियाओ, तओ सुगइगामियाओ ॥ ५२१ ॥ कण्हलेस्सा णं भंते ! कइविहं परिणामं परिणमइ ? गोयमा ! तिविहं वा नवविहं वा सत्तावीसविहं वा एक्कासीइविहं वा बेतेयालीसतविहं वा बहुयं वा बहुविहं या परिणामं परिणमइ, एवं जाव सुक्कलेस्सा ॥ ५२२ ॥ कण्हलेस्सा णं भंते ! कइपएसिया पन्नत्ता ? गोयमा ! अणंतपएसिया पन्नत्ता, एवं जाव सुक्कलेस्सा। कण्हलेस्सा णं भंते ! कइपएसोगाढा पन्नत्ता ? गोयमा ! असंखेजपएसोगाढा पन्नत्ता, एवं जाव सुक्कलेस्सा । कण्हलेस्साए णं भंते ! केवइयाओ वग्गणाओ पन्नत्ताओ ? गोयमा ! अणंताओ वग्गणाओ०, एवं जाव सुक्कलेस्साए ॥५२३॥ केवइया णं भंते ! कण्हलेस्साठाणा पन्नत्ता ? गोयमा! असंखेज्जा कण्हलेस्साठाणा पन्नत्ता । एवं जाव सुक्कलेस्सा ॥५२४॥ एएसि णं भंते ! कण्हलेस्साठाणाणं जाव सुक्कलेस्साठाणाण य जहन्नगाणं दवट्ठयाए पएसट्टयाए दवट्ठपएसठ्ठयाए कयरे कयरेहितो अप्पा वा ४ ? गोयमा ! सव्वत्थोवा जहन्नगा काउलेस्साठाणा दव्वट्ठयाए, जहन्नगा नीललेस्साठाणा दव्वट्ठयाए असंखेजगुणा, जहन्नगा कण्हलेस्साठाणा दव्वट्ठयाए असंखेजगुणा, जहन्नगा तेउलेस्साठाणा दव्वट्ठयाए असंखेजगुणा, जहन्नगा पम्हलेस्साठाणा दवट्ठयाए असंखेजगुणा, जहनगा सुक्कलेस्साठाणा दव्वट्ठयाए असंखेजगुणा, पएसट्टयाए-सव्वत्थोवा जहन्नगा काउलेस्साठाणा पएसट्ठयाए, जहन्नगा नीललेस्साठाणा पएसट्टयाए असंखेज्जगुणा, जहन्नगा कण्हलेस्साठाणा पएसट्ठयाए असंखेजगुणा, जहन्नगा तेउलेस्साए ठाणा पएसट्टयाए असंखेजगुणा, जहन्नगा पम्हलेस्साठाणा पएसट्टयाए असंखेजगुणा, जहनगा सुक्कलेसाठाणा पएसट्टयाए असंखेजगुणा, दव्वट्ठपएसट्ठयाए-सव्वत्थोवा जह'नगा काउलेस्साठाणा दव्वठ्ठयाए, जहन्नगा नीललेस्साठाणा दव्वट्ठयाए असंखेज्जगुणा, एवं कण्हलेस्सा, तेउलेस्सा, पम्हलेस्सा, जहन्नगा सुक्कलेस्साठाणा दवट्ठयाए असंखेज्जगुणा, जहन्नएहितो सुक्कलेस्साठाणेहिंतो दव्वट्ठयाए जहन्नकाउलेस्साठाणा पएसट्ठयाए असंखेजगुणा, जहन्नया नीललेस्साठाणा पएसठ्ठयाए असंखेजगुणा, एवं जाव सुक्कलेस्साठाणा ॥ ५२५ ॥ एएसि णं भंते ! कण्हलेस्साठाणाणं जाव सुक्कलेस्साठाणाण य उकोसगाणं दव्वट्ठयाए पएसट्ठयाए दव्वट्ठपएसट्टयाए कयरे कयरेहितो अप्पा वा ४ ? गोयमा ! सव्वत्थोवा उक्कोसगा काउलेस्साठाणा दव्वट्ठयाए, उक्कोसगा नीललेस्साठाणा दव्वठ्ठयाए असंखेजगुणा, एवं जहेव जहन्नगा तहेव उक्कोसगा वि, नवरं उकोसत्ति
२९ सुत्ता.
