________________
पं० १७ उ० ४ कण्हलेस्सापु० ]
सुत्तागमे
खेत्तं पासइ, से तेणट्ठेणं गोयमा ! एवं बुच्चइ – 'नीललेसे नेरइए कण्हलेसं जाव विसुद्धतरागं खेत्तं पासइ' । काउलेस्से णं भंते! नेरइए नीललेस्सं नेरइयं पणिहाय ओहिणा सव्वओ समंता समभिलोएमाणे २ केवइयं खेत्तं जाणइ० पासइ ? गोयमा ! बहुतरागं खेत्तं जाणइ० पासइ जाव विसुद्धतरागं खेत्तं पासइ । से केणट्टेणं भंते ! एवं वुच्चइ–‘काउलेस्से णं नेरइए जाव विसुद्धतरागं खेत्तं पासइ' ? गोयमा ! से जहानामए केइ पुरिसे बहुसमरमणिज्जाओ भूमिभागाओ पव्वयं दुरूहइ दुरूहित्ता दो वि पाए उच्चाविया (वइत्ता) सव्वओ समंता समभिलोएज्जा, तए णं से पुरिसे पव्वयगयं धरणितलगयं च पुरिसं पणिहाय सव्वओ समंता समभिलोएमाणे २ बहुतरागं खेत्तं जाणइ, बहुतरागं खेत्तं पासइ जाव वितिमिरतरागं खेत्तं पासइ, से ते गोयमा ! एवं बुचइ - ' काउलेस्से णं नेरइए नीललेस्सं नेरइयं पणिहाय तं चेव जाव वितिमिरतरागं खेत्तं पास ॥ ५०३ ॥ कण्हलेसे णं भंते ! जीवे कइसु नाणेसु होज्जा ? गोयमा ! दोसु वा तिसु वा चउसु वा नाणेसु होज्जा, दोसु होमाणे आभिणिबोहियसुयनाणे होजा, तिसु होमाणे आभिणिबोहियसुयनाणओहिनाणेसु होज्जा, अहवा तिसु होमाणे आभिणिबोहियसुयनाणमणपज्जवनाणेसु होजा, चउसु होमाणे आभिणिबोहियसुयओहि मणपज्जवनाणेसु होज्जा, एवं जाव पहले से । सुक्कलेसे णं भंते! जीवे कइसु नाणेसु होज्जा ? गोयमा ! एगंसि वा दोसु वा तिसु वा
वां होना, दो होमाणे आभिणिबोहियनाण एवं जहेव कण्हलेसाणं तहेव भाणि - यव्वं जाव चउहिं। एगंमि नाणे होमाणे एगंमि केवलनाणे होजा ॥ ५०४ ॥ पन्नवणाए भगवईए सत्तरसमे लेस्सापए तइओ उद्देसओ समत्तो ॥
४४५
परिणामवन्नरसगंधसुद्धअपसत्थसंकिलिड्डुण्हा । गइपरिणामपएसोगाढवग्गणठाणाणमप्पबहुं ॥ १ ॥ कइ णं भंते! लेसाओ पन्नत्ताओ ? गोयमा ! छल्लेसाओ पन्नत्ताओ । तंजा - कण्हलेसा जाव सुक्कलेसा । से नूणं भंते ! कण्हलेस्सा नीललेस्सं पप्प तारूवत्ताए तावण्णत्ताए तागंधत्ताए तारसत्ताए ताफासत्ताए भुज्जो २ परिणमइ ? हंता गोयमा ! कण्हलेस्सा नीललेस्सं पप्प तारूवत्ताए जाव भुज्जो २ परिणमइ । से केणट्टेणं भंते ! एवं वुच्चइ —‘कण्हलेस्सा नीललेस्सं पप्प तारूवत्ताए जाव भुज्जो २ परिणमइ' ? गोयमा ! से जहा नामए खीरे दूसिं पप्प सुद्धे वा वत्थे रागं पप्प तारूवत्ताए जाव ताफासत्ताए भुज्जो २ परिणमइ, से तेणद्वेणं गोयमा ! एवं बुच्चइ – ' कण्हलेस्सा नीललेस्सं पप्प तारूवत्ताए जाव भुज्जो २ परिणम । एवं एएणं अभिलावेणं नीललेसा काउलेसं पप्प, काउलेसा तेउलेसं पप्प, तेउलेसा पम्हलेसं पप्प, पम्हलेसा सुक्कलेसं पप्प जाव भुज्जो २ परिणमइ ॥ ५०५ ॥ से नृणं भंते ! कण्हलेसा नीलले सं
