________________
सुत्तागमे
[पण्णवणासुतं काउलेसं तेउलेसं पम्हलेसं सुक्कलेसं पप्प तारूवत्ताए तावण्णत्ताए तागंधत्ताए तारसत्ताए ताफासत्ताए भुज्जो २ परिणमइ ? हंता गोयमा ! कण्हलेसा नीललेसं पप्प जाव सुक्कलेसं पप्प तारूवत्ताए तागंधत्ताए० ताफासत्ताए भुजो २ परिणमइ । से केणटेणं भंते ! एवं वुच्चइ-'कण्हलेसा नीललेसं जाव सुक्कलेसं पप्प तारूवत्ताए जाव भुजो २ परिणमइ' ? गोयमा ! से जहानामए वेरुलियमणी सिया कण्हसुत्तए वा नीलसुत्तए वा लोहियसुत्तए वा हालिद्दसुत्तए वा सुकिल्लसुत्तए वा आइए समाणे तारूवत्ताए जाव भुज्जो २ परिणमइ, से तेणटेणं गो० ! एवं वुच्चइ-'कण्हलेसा नीललेसं जाव सुक्कलेसं पप्प तारूवत्ताए जाव भुजो २ परिणमइ ॥ ५०६ ॥ से नूणं भंते ! नीललेसा किण्हलेसं जाव सुक्कलेसं पप्प तारूवत्ताए जाव भुजो २ परिणमइ ? हंता गोयमा ! एवं चेव, काउलेसा किण्हलेसं नीललेसं तेउलेसं पम्हलेसं सुक्कलेसं, एवं तेउलेसा किण्हलेसं नीललेसं काउलेसं पम्हलेसं सुक्कलेसं, एवं पम्हलेसा किण्हलेसं नीललेसं काउलेसं तेउलेसं सुक्कलेसं पप्प जाव भुजो २ परिणमइ ? हन्ता गोयमा ! तं चेव । से नूणं भंते ! सुक्कलेसा किण्हलेसं नीललेस काउलेसं तेउलेसं पम्हलेसं पप्प जाव भुजो २ परिणमइ ? हंता गोयमा ! तं चेव ॥ ५०७ ॥ कण्हलेस्सा णं भंते ! वन्नेणं केरिसिया पन्नत्ता ? गोयमा ! से जहानामए जीमूए इवा अंजणे इ वा खंजणे इ वा कज्जले इ वा गवले इ वा गवलवलए इ वा जंबूफले इ वा अद्दारिठ्ठपुप्फे इ वा परपुढे इ वा भमरे इ वा भमरावली इ वा गयकलमे इ वा किण्हकेसरे इ वा आगासथिग्गले इ वा किण्हासोए इ वा कण्हकणवीरए इ वा कण्हबंधुजीवए इवा, भवे एयारूवे ? गोयमा ! णो इणढे समढे, कण्हलेस्सा णं इत्तो अणिट्टतरिया चेव अकंततरिया चेव अप्पियतरिया चेव अमणुन्नतरिया चेव अमणामतरिया चेव वन्नेणं पन्नत्ता ॥ ५०८ ॥ नीललेस्सा णं भंते ! केरिसिया वन्नेणं पन्नत्ता ? गोयमा ! से जहानामए भिंगए इ वा भिंगपत्ते इ वा चासे इ वा चासपिच्छए इ वा सुए इ वा सुयपिच्छे इ वा सामा इ वा वणराई इ वा उच्चतए इ वा पारेवयगीवा इ वा मोरगीवा इ वा हलहरवसणे इ वा अयसिकुसुमे इ वा वणकुसुमे इ.वा अंजणकेसियाकुसुमे इ वा नीलुप्पले इ वा नीलासोए इ वा नीलकणवीरए इ वा नीलबंधुजीवे इ वा, भवेयारूवे ? गोयमा ! णो इणढे समढे० एत्तो जाव अमणामयरिया चेव वन्नेणं पन्नत्ता ॥ ५०९ ॥ काउलेस्सा णं भंते ! केरिसिया वन्नेणं. पन्नत्ता ? गोयमा ! से जहानामए खइरसारए इ वा कइरसारए इ वा धमाससारे इ वा तंबे इ वा तंबकरोडे इ वा तंबच्छिवाडियाए इ वा वाइंगणिकुसुमे इ वा कोइलच्छदकुसुमे इ वा जवासाकुसुमे इ वा, भवेयारूवे ? गोयमा ! णो इणढे समटे ।
