________________
१० १७ उ० २ सं० अप्प० सुत्तागमे
४३९ कयरे कयरेहितो अप्पा वा ४ ? गोयमा ! जहा ओहिया एगिदिया, नवरं काउलेस्सा असंखेजगुणा । एवं आउकाइयाण वि । एएसि णं भंते ! तेउकाइयाणं कण्हलेस्साणं नीललेस्साणं काउलेस्साण य कयरे कयरेहितो अप्पा वा ४ ? गोयमा ! सव्वत्थोवा तेउकाइया काउलेस्सा, नीललेस्सा विसेसाहिया, कण्हलेस्सा विसेसाहिया, एवं वाउकाइयाण वि । एएसि णं भंते ! वणस्सइकाइयाणं कण्हलेस्साणं जाव तेउलेस्साण य जहा एगिदियओहियाणं । बेइंदियाणं तेइंदियाणं चउरिंदियाणं जहा तेउकाइयाणं ॥४८९ ॥ एएसि णं भंते! पंचिंदियतिरिक्खजोणियाणं कण्हलेसाणं एवं जाव सुक्कलेसाण य कयरे कयरेहितो अप्पा वा ४ ? गोयमा ! जहा ओहियाणं तिरिक्खजोणियाणं, नवरं काउलेसा असंखेज्जगुणा । संमुच्छिमपंचेंदियतिरिक्खजोणियाणं जहा तेउकाइयाणं । गब्भवतियपंचेंदियतिरिक्खजोणियाणं जहा ओहियाणं तिरिक्खजोणियाणं, नवरं काउलेसा संखेजगुणा, एवं तिरिक्खजोणिणीण वि । एएसिणं भंते ! संमुच्छिमपंचेंदियतिरिक्खजोणियाणं गब्भववंतियपंचेंदियतिरिक्खजोणियाण य कण्हलेस्साणं जाव सुक्कलेस्साण य कयरे कयरेहितो अप्पा वा ४ ? गोयमा ! सव्वत्थोवा गब्भवक्त्रंतियपंचेंदियतिरिक्खजोणिया सुकलेस्सा, पम्हलेस्सा संखेजगुणा, तेउलेस्सा संखेजगुणा, काउलेस्सा संखेजगुणा, नीललेस्सा विसेसाहिया, कण्हलेस्सा विसेसाहिया, काउलेस्सा संमुच्छिमपंचेंदियतिरिक्खजोणिया असंखेजगुणा, नीललेस्सा विसेसाहिया, कण्हलेस्सा विसेसाहिया। एएसि णं भंते ! संमुच्छिमपंचेंदियतिरिक्खजोणियाणं तिरिक्खजोणिणीण य कण्हलेसाणं जाव सुक्कलेसाण य कयरे कयरेहितो अप्पा वा ४ ? गोयमा ! जहेव पंचमं तहा इमं छठे भाणियव्यं । एएसि णं भंते ! गब्भवक्कंतियपंचेंदियतिरिक्खजोणियाणं तिरिक्खजोणिणीण य कण्हलेसाणं जाव सुक्कलेसाण य कयरे कयरेहितो अप्पा वा ४ ? गोयमा ! सव्वत्थोवा गब्भवतियपंचेंदियतिरिक्खजोणिया सुक्कलेसा, सुक्कलेसाओ तिरिक्खजोणिणीओ संखेजगुणाओ, पम्हलेसा गब्भवकंतियपंचेंदियतिरिक्खजोणिया संखेजगुणा, पम्हलेसाओ तिरिक्खजोणिणीओ संखेजगुणाओ, तेउलेसा तिरिक्खजोणिया संखेजगुणा, तेउलेसाओ तिरिक्खजोणिणीओ संखेज्जगुणाओ, काउलेसा संखेजगुणा, नीललेसा विसेसाहिया, कण्हलेसा विसेसाहिया, काउलेसाओ संखेज्जगुणाओ, नीललेसाओ विसेसाहियाओ, कण्हलेसाओ विसेसाहियाओ। एएसि णं भंते ! संमुच्छिमपंचेंदियतिरिक्खजोणियाणं गब्भवकंतियपंचेंदियतिरिक्खजोणिणीण य कण्हलेसाणं जाव सुक्कलेसाण य कयरे कपरेहिंतो अप्पा वा ४ ? गोयमा ! सव्वत्थोवा गन्भवतिया तिरिक्खजोणिया सुक्कलेसा, सुक्कलेसाओ तिरि० संखेजगुणाओ, पम्हलेसा गब्भवकंतिया तिरिक्ख
