________________
४३८
सुत्तागमे
[पण्णवणासुतं नीललेसा, काउलेसा । तिरिक्खजोणियाणं भंते ! कइ लेस्साओ पन्नत्ताओ? गोयमा! छल्लेस्साओ पन्नत्ताओ । तंजहा-कण्हलेस्सा जाव सुक्कलेस्सा । एगिंदियाणं भंते ! कह लेसाओ पन्नत्ताओ ? गोयमा ! चत्तारि लेसाओ पन्नत्ताओ। तंजहा-कण्हलेसा जाव तेउलेसा । पुढविकाइयाणं भंते ! कइ लेसाओ पन्नत्ताओ ? गोयमा ! एवं चेव । आउवणस्सइकाइयाण वि एवं चेव । तेउवाउबेइंदियतेइंदियचउरिंदियाणं जहा नेरइयाणं । पंचेंदियतिरिक्खजोणियाणं पुच्छा । गोयमा ! छल्लेसा-कण्हलेसा जाव सुक्कलेसा । संमुच्छिमपंचेंदियतिरिक्खजोणियाणं पुच्छा । गोयमा ! जहा नेरइयाणं । गब्भवक्कंतियपंचेंदियतिरिक्खजोणियाणं पुच्छा । गोयमा ! छल्लेसा-कण्हलेसा जाव सुक्कलेसा । तिरिक्खजोणिणीणं पुच्छा । गोयमा ! छल्लेसा एयाओ चेव । मणूसाणं पुच्छा । गोयमा ! छल्लेसा एयाओ चेव । समुच्छिममणुस्साणं पुच्छा। गोयमा ! जहा नेरइयाणं । गब्भवकंतियमणुस्साणं पुच्छा । गोयमा ! छल्लेसाओ० तंजहा-कण्हलेसा जाव सुक्कलेसा । मणुस्सीणं पुच्छा । गोयमा ! एवं चेव । देवाणं पुच्छा । गोयमा ! छ एयाओ चेव । देवीणं पुच्छा । गोयमा ! चत्तारि-कण्हलेसा जाव तेउलेसा । भवणवासीणं भंते ! देवाणं पुच्छा । गोयमा ! एवं चेव, एवं भवणवासिणीण वि । वाणमंतरदेवाणं पुच्छा । गोयमा ! एवं चेव, एवं वाणमंतरीण वि । जोइसियाणं पुच्छा। गोयमा ! एगा तेउलेसा, एवं जोइसिणीण वि । वेमाणियाणं पुच्छा। गोयमा ! तिन्नि० तंजहा-तेउलेसा, पम्हलेसा, सुक्कलेसा । वेमाणिणीणं पुच्छा। गोयमा ! एगा तेउलेसा ॥ ४८७ ॥ एएसि णं भंते ! जीवाणं सलेस्साणं कण्हलेस्साणं जाव सुक्कलेस्साणं अलेस्साण य कयरे कयरेहितो अप्पा वा बहुया वा तुल्ला वा विसेसाहिया वा ? गोयमा! सव्वत्थोवा जीवा सुक्कलेस्सा, पम्हलेस्सा संखेज्जगुणा, तेउलेस्सा संखेजगुणा, अलेस्सा अणंतगुणा, काउलेस्सा अणंतगुणा, नीललेस्सा विसेसाहिया, कण्हलेस्सा विसेसाहिया, सलेस्सा विसेसाहिया ॥ ४८८ ॥ एएसि णं भंते ! नेरइयाणं कण्हलेसाणं नीललेसाणं काउलेसाण य कयरे कयरेहितो अप्पा वा ४ ? गोयमा ! सव्वत्थोवा नेरइया कण्हलेसा, नीललेसा असंखेजगुणा, काउलेसा असंखेजगुणा । एएसि णं भंते ! तिरिक्खजोणियाणं कण्हलेसाणं जाव सुक्कलेसाण य कयरे कयरेहितो अप्पा वा ४? गोयमा! सव्वत्थोवा तिरिक्खजोणिया सुक्कलेसा, एवं जहा ओहिया, नवरं अलेसवजा । एएसिं भंते ! एगिंदियाणं कण्हलेस्साणं नीललेस्साणं काउलेस्साणं तेउलेस्साण य कयरे कयरेहिंतो अप्पा वा ४ ? गोयमा ! सव्वत्थोवा एगिंदिया तेउलेस्सा, काउलेस्सा अणंतगुणा, नीललेस्सा विसेसाहिया, कण्हलेस्सा विसेसाहिया । एएसि णं भंते ! पुढविकाइयाणं कण्हलेस्साणं जाव तेउलेस्साण य
