________________
सुत्तागमे
[पण्णवणासुतं जोणिया संखेजगुणा, पम्हलेसाओ तिरिक्खजोणिणीओ संखेज्जगुणाओ, तेउलेसा गब्भवकंतिया तिरिक्खजोणिया संखेजगुणा, तेउलेसाओ तिरिक्खजोणिणीओ संखेज्जगुणाओ, काउलेसाओ संखेजगुणाओ, नीललेसा विसेसाहिया, कण्हलेसा विसेसाहिया, काउलेसा संखेजगुणा, नीललेसा विसेसाहिया, कण्हलेसाओ विसेसाहियाओ, काउलेसा संमुच्छिमपंचेंदियतिरिक्खजोणिया असंखेजगुणा, नीललेसा विसेसाहिया, कण्हलेसा विसेसाहिया । एएसि णं भंते ! पंचेंदियतिरिक्खजोणियाणं तिरिक्खजोणिणीण य कण्हलेसाणं जाव सुक्कलेसाणं कयरे कयरेहिंतो अप्पा वा ४? गोयमा ! सव्वत्थोवा पंचेंदियतिरिक्खजोणिया सुक्कलेसा, सुक्कलेसाओ संखेज्जगुणाओ, पम्हलेसा संखेज्जगुणा, पम्हलेसाओ संखेजगुणाओ, तेउलेसा संखेजगुणा, तेउलेसाओ संखेजगुणाओ, काउलेसा संखेजगुणा, नीललेसाओ विसेसाहियाओ, कण्हलेसा विसेसाहिया, काउलेसा असंखेजगुणा, नीललेसा विसेसाहिया, कण्हलेसाओ विसेसाहियाओ। एएसि णं भंते ! तिरिक्खजोणियाणं तिरिक्खजोणिणीण य कण्हलेसाणं जाव सुक्कलेसाण य कयरे कयरेहितो अप्पा वा ४ ? गोयमा ! जहेव नवमं अप्पाबहुगं तहा इमं पि, नवरं काउलेसा तिरिक्खजोणिया अणंतगुणा । एवं एए दस अप्पाबहुगा तिरिक्खजोणियाणं ॥ ४९० ॥ एएसि णं भंते ! देवाणं कण्हलेसाणं जाव सुक्कलेसाण य कयरे कयरेहिंतो अप्पा वा ४ ? गोयमा ! सव्वत्थोवा देवा मुक्कलेसा, पम्हलेसा असंखेजगुणा, काउलेसा असंखेजगुणा, नीललेसा विसेसाहिया, कण्हलेसा विसेसाहिया, तेउलेसा संखेजगुणा । एएसि णं भंते ! देवीणं कण्हलेसाणं जाव तेउलेसाण य कयरे कयरेहितो अप्पा वा ४? गोयमा! सव्वत्थोवाओ देवीओ काउलेसाओ, नीललेसाओ विसेसाहियाओ, कण्हलेसाओ विसेसाहियाओ, तेउलेसाओ संखेजगुणाओ । एएसि णं भंते ! देवाणं देवीण य कण्हलेसाणं जाव सुक्कलेसाण य कयरे कयरेहिंतो अप्पा वा ४ ? गोयमा ! सव्वत्थोवा देवा सुक्कलेसा, पम्हलेसा असंखेजगुणा, काउलेसा असंखेजगुणा, नीललेसा विसेसाहिया, कण्हलेसा विसेसाहिया, काउलेसाओ देवीओ संखेजगुणाओ, नीललेसाओ विसेसाहियाओ, कण्हलेसाओ विसेसाहियाओ, तेउलेसा देवा संखेनगुणा, तेउलेसाओ देवीओ संखेजगुणाओ ॥ ४९१ ॥ एएसि णं भंते ! भवणवासीणं देवाणं कण्हलेसाणं जाव तेउलेसाण य कयरे कयरेहिंतो अप्पा वा ४? गोयमा ! सव्वत्थोवा भवणवासी देवा तेउलेसा, काउलेसा असंखेजगुणा, नीललेसा विसेसाहिया, कण्हलेसा विसेसाहिया। एएसि णं भंते ! भवणवासिणीणं देवीणं कण्हलेसाणं जाव तेउलेसाण य कयरे कयरेहितो अप्पा वा ४ ? गोयमा !
