________________
सुत्तागमे
[पण्णवणासुतं जाव थणियकुमारा ॥ ४८१ ॥ पुढविकाइया आहारकम्मवन्नलेस्साहिं जहा नेरइया । पुढविकाइया णं भंते ! सव्वे समवेयणा पन्नत्ता ? हंता गोयमा ! सव्वे समवेयणा । से केणटेणं० ? गोयमा ! पुढविकाइया सव्वे असन्नी असन्निभूयं अणिययं वेयणं वेयन्ति, से तेणटेणं गोयमा ! पुढविकाइया सव्वे समवेयणा । पुढविकाइया णं भंते ! सव्वे समकिरिया ? हंता गोयमा ! पुढविकाइया सव्वे समकिरिया । से केणटेणं० ? गोयमा ! पुढविकाइया सव्वे माइमिच्छादिट्ठी, तेसिं णियइयाओ पंच किरियाओ कजन्ति, तंजहाआरंभिया, परिग्गहिया, मायावत्तिया, अप्पच्चक्खाणकिरिया, मिच्छादसणवत्तिया य, से तेणटेणं गोयमा !० । एवं जाव चउरिंदिया। पंचेंदियतिरिक्खजोणिया जहा नेरइया, नवरं किरियाहिं सम्मट्ठिी मिच्छट्ठिी सम्मामिच्छद्दिट्टी। तत्थ णं जे ते सम्मट्टिी ते दुविहा पन्नत्ता। तंजहा-असंजया य संजयासंजया य । तत्थ णं जे ते संजयासंजया तेसि णं तिन्नि किरियाओ कजन्ति, तंजहा-आरंभिया, परिग्गहिया, मायावत्तिया । तत्थ णं जे असंजया तेसि णं चत्तारि किरियाओ कन्जन्ति, तंजहाआरंभिया, परिग्गहिया, मायावत्तिया, अपच्चक्खाणकिरिया। तत्थ णं जे ते मिच्छादिट्ठी जे य सम्मामिच्छट्टिी तेसि णं णियइयाओ पंच किरियाओ कन्जन्ति, तंजहाआरंभिया, परिग्गहिया, मायावत्तिया, अपञ्चक्खाणकिरिया, मिच्छादसणवत्तिया, सेसं तं चेव ॥ ४८२ ॥ मणुस्सा णं भंते ! सव्वे समाहारा ? गोयमा ! णो इणढे समढे। से केणटेणं० ? गोयमा ! मणुस्सा दुविहा पन्नत्ता । तंजहा-महासरीरा य अप्पसरीरा य। तत्थ णं जे ते महासरीरा ते णं बहुतराए पोग्गले आहारेंति जाव बहुतराए पोग्गले नीससंति, आहच्च आहारेंति, आहच्च नीससंति । तत्थ णं जे ते अप्पसरीरा ते णं अप्पतराए पोग्गले आहारेंति जाव अप्पतराए पोग्गले नीससंति, अभिक्खणं आहारेंति जाव अभिक्खणं नीससंति, से तेणद्वेणं गोयमा ! एवं वुच्चइ-'मणुस्सा सव्वे णो समाहारा' । सेसं जहा नेरइयाणं, नवरं किरियाहिं मणूसा तिविहा पन्नत्ता। तंजहा-सम्मट्टिी, मिच्छादिट्ठी, सम्मामिच्छादिट्ठी । तत्थ णं जे ते सम्मट्ठिी ते तिविहा पन्नत्ता । तंजहा-संजया, असंजया, संजयासंजया । तत्थ णं जे ते संजया ते दुविहा पन्नत्ता। तंजहा-सरागसंजया य वीयरागसंजया य । तत्थ णं जे ते वीयरागसंजया ते णं अकिरिया, तत्थ णं जे ते सरागसंजया ते दुविहा पन्नत्ता । तंजहा-पमत्तसंजया य अपमत्तसंजया य । तत्थ णं जे ते अपमत्तसंजया तेसिं एगा मायावत्तिया किरिया कजइ । तत्थ णं जे ते पमत्तसंजया तेसिं दो किरियाओ कजंति-आरंभिया मायावत्तिया य । तत्थ णं जे ते संजयासंजया तेसिं तिन्नि किरियाओ कजंति, तंजहा-आरंभिया परिग्गहिया मायावत्तिया । तत्थ णं जे ते
