________________
प० १६ पुढवि० पओगो ]
सुत्तागमे
अस्थि कस्सइ नत्थित्ति भाणियव्वं । सणकुमार जाव गेवेज्जगस्स जहा नेरइयस्स । विजयवेजयंतजयंतअपराजियदेवस्स अतीता अनंता, बद्धेलगा पंच, पुरेक्खडा पंच वा दस वा पण्णरस वा संखेज्जा वा । सव्वसिद्धगदेवस्स अतीता अणंता, बद्धेलगा पंच, केवइया पुरेक्खडा १० पंच | नेरइयाणं भंते! केवइया भाविंदिया अतीता ? गोयमा ! अनंता, केवइया बद्धेलगा ?० असंखेज्जा, केवइया पुरेक्खडा १० अनंता । एवं जहा दविदिए पोहत्तेणं दंडओ भणिओ तहा भाविंदिएसु वि पोहत्तेणं दंडओ भाणियव्वो, नवरं वणस्सइकाइयाणं बद्धेलगा अनंता ॥ ४५८ ॥ एगमेगस्स णं भंते! नेरइयस्स नेरइयत्ते केवइया भाविंदिया अतीता ? गोयमा ! अणंता, के० बद्धेलगा ?० पंच, पुरेक्खडा कस्सइ अत्थि कस्सइ नत्थि, जस्स अत्थि पंचवा द वा पण्णरस वा संखेज्जा वा असंखेज्जा वा अनंता वा । एवं असुरकुमाराणं जाव थणियकुमाराणं, नवरं बद्धेलगा नत्थि । पुढविकाइयत्ते जाव बेइंदियत्ते जहा दविदिया । तेइंदियत्ते तहेव, णवरं पुरेक्खडा तिंण्णि वा छ वा णव वा संखेज्जा वा असंखेजा वा अनंता वा । एवं चउरिंदियत्ते वि, नवरं पुरेक्खडा चत्तारि वा अट्ठ वा बारस वा संखेज्जा वा असंखेज्जा वा अनंता वा । एवं एए चेव गमा चत्तारि जाणेयव्वा जे चेव दव्वि दिएसु, णवरं तइयगमे जाणियव्वा जस्स जइ इंदिया ते पुरेक्खडेसु मुणेयव्वा । चउत्थगमे जहेव दव्विंदिया जाव सव्वसिद्धगदेवाणं सव्वसिद्धगदेवत्ते केवइया भाविंदिया अतीता १० नत्थि, के० बद्धेलगा ?० संखेज्जा, के० पुरेक्खडा ?० णत्थि ॥ ४५९ ॥ समतो बीओ उद्देसो || पन्नवणाए भगवईए पन्नरसमं इन्दियपयं समत्तं ॥
कवि णं भंते ! पओगे पन्नत्ते ? गोयमा ! पण्णरसविहे पओगे पन्नत्ते । तंजहा - सच्चमणप्पओगे १, असच्च मणप्पओगे २, सच्चामोसमणप्पओगे ३, असच्चामोसमणप्पओगे ४, एवं वइप्पओगे वि चउहा ८, ओरालियसरीर कायप्पओगे ९, ओरालि - यमीससरीरकायप्पओगे १०, वेडव्वियसरीरकायप्पओगे ११, वेडव्वियमीससरीरकायप्पओगे १२, आहारगसरीरकायप्पओगे १३, आहारगमीससरीरकायप्पओगे १४, कम्मासरीरकायप्पओगे १५ ॥ ४६० ॥ जीवाणं भंते! कइविहे पओगे पण्णत्ते ? गोयमा ! पण्णरसविहे प० पण्णत्ते । तंजहा — सन्चमणप्पओगे जाव कम्मासरीरकायप्पओगे । नेरइयाणं भंते ! कइविहे पओगे पण्णत्ते ! गोयमा ! एक्कारसविहे पओगे पण्णत्ते । तंजहा— सच्चमणप्पओगे जाव असच्चामोसवइप्पओगे, वेडव्वियसरी - रकायप्पओगे, वेडव्वियमीससरीरकायप्पओगे, कम्मासरीरकायप्पओगे । एवं असुरकुमाराण वि जाव थणियकुमाराणं । पुढविकाइयाणं पुच्छा । गोयमा ! तिविहे पओगे
1
1
४२५
