________________
५० १५ उ० २ णेरइय०]
सुत्तागमे दियदविदिए । एवं तेउकाइयवाउकाइयस्स वि, नवरं पुरेक्खडा नव वा दस वा। एवं बेइंदियाण वि, णवरं बद्धेल्लगपुच्छाए दोण्णि । एवं तेइंदियस्स वि, नवरं बद्धेलगा चत्तारि । एवं चउरिंदियस्स वि, नवरं बद्धेल्लगा छ । पचिंदियतिरिक्खजोणियमणूसवाणमंतरजोइसियसोहम्मीसाणगदेवस्स जहा असुरकुमारस्स, नवरं मणूसस्स पुरेक्खडा कस्सइ अस्थि कस्सइ णत्थि, जस्सत्थि अट्ठ वा नव वा संखेज्जा वा असंखेजा वा अणंता वा । सणंकुमारमाहिंदबंभलंतगसुक्कसहस्सारआणयपाणयआरणअचुयगेवेजगदेवस्स य जह! नेरइयस्स । एगमेगस्स णं भंते ! विजयवेजयंतजयंतअपराजियदेवस्स केवइया दबिंदिया अतीता ? गोयमा ! अणंता, केवइया बद्धेल्लगा ? गो० ! अट्ठ, केवइया पुरेक्खडा ? गो० ! अट्ठ वा सोलस वा चउवीसा वा संखेजा वा, सव्वट्ठसिद्धगदेवस्स अतीता अणंता, बल्लिगा अट्ठ, पुरेक्खडा अट्ठ। नेरइयाणं भंते ! केवइया दबिंदिया अतीता? गोयमा ! अणंता, केवइया बद्धेल्लगा ? गोयमा ! असंखेज्जा, केवइया पुरेक्खडा ? गोयमा ! अणंता । एवं जाव गेवेजगदेवाणं, नवरं मणसाणं बद्धलगा सिय संखेज्जा. सिय असंखेजा। विजयवेजयंतजयंतअपराजियदेवाणं पुच्छा। गोयमा ! अतीता अणंता, बद्धेल्लगा असंखेजा, पुरेक्खडा असंखेजा। सव्वट्ठसिद्धगदेवाणं पुच्छा । गोयमा ! अतीता अणंता, बद्धेल्लगा संखेजा, पुरेक्खडा संखेज्जा ॥ ४५३ ॥ एगमेगस्स णं भंते ! नेरइयस्स नेरइयत्ते केवइया दबिंदिया अतीता ? गोयमा ! अणंता, केवइया बद्धलगा ? गोयमा! अट्ठ, केवइया पुरेक्खडा? गोयमा ! कस्सइ अत्थि कस्सइ नत्थि, जस्सत्थि अट्ठ वा सोलस वा चउवीसा वा संखेजा वा असंखेजा वा अणंता वा। एगमेगस्स णं भंते ! नेरइयस्स असुरकुमारत्ते केवइया दबिंदिया अतीता ? गोयमा ! अणंता, केवइया बद्धेल्लगा ? गोयमा ! णत्थि, केवइया पुरेक्खडा ? गोयमा ! कस्सइ अत्थि कस्सइ नत्थि, जस्सत्थि अट्ठ वा सोलस वा चउवीसा वा संखेज्जा वा असंखेज्जा वा अणंता वा। एवं जाव थणियकुमारत्ति । एगमेगस्स णं भंते ! नेरइयस्स पुढविकाइयत्ते केवइया दबिंदिया अतीता ? गोयमा ! अणंता, केवइया बद्धेल्लगा ? गोयमा ! णत्थि, केवइया पुरेक्खडा ? गोयमा ! कस्सइ अत्थि कस्सइ नत्थि, जस्सत्थि एको वा दो वा तिण्णि वा संखेजा वा असंखेज्जा वा अणंता वा, एवं जाव वणस्सइकाइयत्ते । एगमेगस्स णं भंते ! नेरइयस्स बेइन्दियत्ते केवइया दविदिया अतीता ? गोयमा ! अणंता, केवइया बद्धेल्लगा ? गोयमा ! णत्थि, केवइया पुरेक्खडा? गोयमा ! कस्सइ अत्थि कस्सइ नत्थि, जस्सत्थि दो वा चत्तारि वा संखेज्जा वा असंखेजा वा अणंता वा । एवं तेइन्दियत्ते वि, नवरं पुरेक्खडा चत्तारि वा अट्ठ वा बारस वा
