________________
४२०
सुत्तागमे
[पण्णवणासुतं सोइंदियवंजणोग्गहे, घाणिंदियवंजणोग्गहे, जिभिदियवंजणोग्गहे, फासिंदियवंजणोग्गहे । अत्थोग्गहे णं भंते ! कइविहे पन्नत्ते ? गोयमा ! छव्विहे पन्नत्ते । तंजहासोइंदियअत्थोग्गहे, चक्खिदियअत्थोग्गहे, घाणिं दियअत्थोग्गहे, जिभिदियअत्योग्गहे, फासिंदियअत्थोग्गहे, नोइंदियअत्थोग्गहे ॥ ४५० ॥ नेरइयाणं भंते ! कइविहे उग्गहे पन्नत्ते ? गोयमा ! दुविहे उग्गहे पन्नत्ते । तंजहा-अत्थोग्गहे य वंजणोग्गहे य। एवं असुरकुमाराणं जाव थणियकुमाराणं । पुढविकाइयाणं भंते ! कइविहे उग्गहे पन्नत्ते ? गोयमा ! दुविहे उग्गहे पन्नत्ते । तं०-अत्थोग्गहे य वंजणोग्गहे य । पुढविकाइयाणं भंते ! वंजणोग्गहे कइविहे पन्नत्ते ? गोयमा ! एगे फासिंदियवंजणोग्गहे पन्नत्ते । पुढविकाइयाणं भंते! कइविहे अत्थोग्गहे पन्नत्ते? गोयमा ! एगे फासिंदियअत्थोग्गहे पन्नत्ते । एवं जाव वणस्सइकाइयाणं । एवं बेइंदियाण वि, नवरं बेइंदियाणं वंजणोग्गहे दुविहे पन्नत्ते, अत्थोग्गहे दुविहे पन्नत्ते, एवं तेइंदियचउरिंदियाण वि, नवरं इंदियपरिवुड्डी कायव्वा। चउरिंदियाणं वंजणोग्गहे तिविहे पन्नत्ते, अत्थोग्गहे चउव्विहे पन्नत्ते, सेसाणं जहा नेरइयाणं जाव वेमाणियाणं ९-१० ॥ ४५१ ॥ कइविहा णं भंते ! इंदिया पन्नत्ता ? गोयमा ! दुविहा पन्नत्ता। तंजहा-दबिंदिया य भाविंदिया य । कइ णं भंते ! दल्विंदिया पन्नत्ता ? गोयमा ! अट्ठ दबिंदिया पन्नत्ता । तंजहा-दो सोत्ता, दो णेत्ता, दो घाणा, जीहा, फासे । नेरइयाणं भंते ! कइ दबिंदिया पन्नत्ता ? गोयमा ! अट्ठ एए चेव, एवं असुरकुमाराणं जाव थणियकुमाराण वि । पुढविकाइयाणं भंते ! कइ दविंदिया पन्नत्ता ? गोयमा! एगे फासिंदिए पन्नत्ते । एवं जाव वणस्सइकाइयाणं । बेइंदियाणं भंते ! कइ दट्विदिया पन्नत्ता ? गोयमा ! दो ददिवदिया पन्नत्ता । तंजहा-फासिदिए य जिभिदिए य। तेइंदियाणं पुच्छा । गोयमा ! चत्तारि दबिंदिया पन्नत्ता । तंजहा-दो घाणा, जीहा, फासे । चउरिंदियाणं पुच्छा। गोयमा ! छ दबिदिया पन्नत्ता । तंजहा-दो णेत्ता, दो घाणा, जीहा, फासे । सेसाणं जहा नेरइयाणं जाव वेमाणियाणं ॥ ४५२ ॥ एगमेगस्स णं भंते ! नेरइयस्स केवइया दबिंदिया अतीता ? गोयमा ! अणंता । केवइया बद्धेल्लगा ? गोयमा ! अट्ठ । केवइया पुरेक्खडा ? गोयमा ! अट्ठ वा सोलस वा सत्तरस वा संखेजा वा असंखेजा वा अणंता वा । एगमेगस्स णं भंते ! असुरकुमारस्स केवइया दबिंदिया अतीता? गोयमा ! अणंता । केवइया बद्धलगा? गो० ! अट्ठ । केवइया पुरेक्खडा? गो० ! अट्ठ वा नव वा सत्तरस वा संखेज्जा वा असंखेजा वा अणंता वा। एवं जाव थणियकुमाराणं ताव भाणियव्वं । एवं पुढविकाइया आउकाइया वणस्सइकाइया वि, नवरं केवइया बद्धेल्लगत्ति पुच्छाए उत्तरं एक्के फासिं
