________________
प० १५ उ० १ जंबुद्दीव० ]
तागमे
गोयमा ! एवं वुच्चइ - 'अत्थेगइया न जाणंति न पासंति आहारेंति, अत्थेगइया जाणंति पासंति आहारेंति' । वाणमंतर जोइसिया जहा नेरइया ॥ ४४१ ॥ वेमाणिया णं भंते! ते णिज्जरापोग्गले किं जाणंति पासंति आहारेंति ? जहा मणूसा । नवरं वेमाणिया दुविहा पन्नत्ता । तंजहा - माइमिच्छद्द्द्दिट्ठीउववण्णगा य अमाइसम्म - हिडीववण्णगा य । तत्थ णं जे ते माइमिच्छद्द्द्दिट्ठीउववण्णगा ते णं न जाणंति न पासंति आहारेंति, तत्थ णं जे ते अमाइसम्मद्द्द्दिट्ठीउववण्णगा ते दुविहा पन्नत्ता । तं जहा - अणंतरोववण्णगा य परंपरोववण्णगा य । तत्थ णं जे ते अणंतरोववण्णगा ते णं न जाणंति न पासंति आहारेंति । तत्थ णं जे ते परंपरोववण्णगा ते दुविहा पन्नत्ता । तंजहा - पज्जत्तगा य अपज्जत्तगा य । तत्थ णं जे ते अपजत्तगा ते णं न जाणंति न पासंति आहारेंति । तत्थ णं जे ते पज्जत्तगा ते दुविहा पन्नत्ता । तंजहाउवउत्ता य अणुवउत्ता य । तत्थ णं जे ते अणुवउत्ता ते णं न जाणंति न पासंति आहारेंति, तत्थ णं जे ते उवउत्ता ते णं जाणंति पासंति आहारेंति, से एएणट्टेणं गोयमा ! एवं बुच्चइ - 'अत्थेगइया जाणंति जाव अत्थेगइया आहारेंति ॥ ४४२ ॥ अद्दायं भंते! पेहमाणे मणूसे अद्दायं पेहइ, अत्ताणं पेहइ, पलिभागं पेहइ ? गोयमा ! अद्दायं पेहइ, नो अप्पाणं पेहइ, पलिभागं पेहइ । एवं एएणं अभिलावेणं असिं मणिं दुद्धं पाणियं तेल्लं फाणियं ॥ ४४३ ॥ कंबलसाडए णं भंते ! आवेढियपरिवेढिए समाणे जावइयं उवासंतरं फुसित्ता णं चिट्ठा विरल्लिए वि समाणे तावइयं चेव उवासंतरं फुसित्ताणं चिट्ठर ? हंता गोयमा ! कंबलसाडए णं आवेढियपरिवेढिए समाणे जावइयं तं चेव । थूणा णं भंते! उड्ड ऊसिया समाणी जावइयं खेत्तं ओगाहइत्ता णं चिट्ठ, तिरियं पि य णं आयया समाणी तावइयं चेव खेत्तं ओगाहइत्ता चिgs ? हंता गोयमा ! थूणा णं उड्डुं ऊसिया तं चेव जाव चिट्ठइ ॥ ४४४ ॥ आगासथिग्गले णं भंते ! किंणा फुडे, करहिं वा काएहिं फुडे ? किं धम्मत्थिकाएणं फुडे, धम्मत्थिकायस्स देसेणं फुडे, धम्मत्थिकायस्स पएसेहिं फुडे ? एवं अधम्मत्थिकाएणं, आगासत्थिकाएणं एएणं भेएणं जाव पुढविकाएणं फुडे जाव तसकाएणं, अद्धासमएणं फुडे ?, गोयमा ! धम्मत्थिकाएणं फुडे, नो धम्मत्थिकायस्स देसेणं फुडे, धम्मत्थिकायस्स पएसेहिं फुडे, एवं अधम्मत्थिकाएण वि, नो आगासत्थिकाए ं फुडे, आगासत्थिकायस्स देसेणं फुडे, आगासत्थिकायस्स पएसेहिं जाव वणस्सइकाणं फुडे, तसकाएणं सिय फुडे, सिय नो फुडे, अद्धा समएणं देसे फुडे, देसे नो फुडे। जंबुद्दीवे णं भंते! दीवे किंणा फुडे ? कइहिं वा काएहिं फुडे ? किं धम्मत्थिकाएणं जाव आगासत्थिकाएणं फुडे ० ?, गोयमा ! णो धम्मत्थिकाएणं फुडे, धम्मत्थि - २७ सुत्ता०
४१७
