________________
सुत्तागमे
[पण्णवणासुतं कायस्स देसेणं फुडे, धम्मत्थिकायस्स पएसेहिं फुडे, एवं अवम्मत्थिकायस्स वि आगासत्थिकायस्स वि, पुढविकाएणं फुडे जाव वणस्सइकाएणं फुडे, तसकाएणं सिय फुडे सिय णो फुडे, अद्धासमएणं फुडे । एवं लवणसमुद्दे, धायइसंडे दीवे, कालोए समुद्दे, अभितरपुक्खरद्धे । बाहिरपुक्खर एवं चेव, नवरं अद्धासमएणं णो फुडे । एवं जाव सयंभूरमणसमुद्दे । एसा परिवाडी इमाहिं गाहाहि अणुगंतव्वा, तंजहा-"जंबुद्दीवे लवणे धायइ कालोय पुक्खरे वरुणे । खीरघयखोयणंदि य अरुणवरे कुण्डले रुयए ॥ १ ॥ आभरणवत्थगंधे उप्पलतिलए य पउमनिहिरयणे। वासहरदहनईओ विजया वक्खारकप्पिदा ॥ २॥ कुरु मंदर आवासा कूडा नक्खत्तचंदसूरा य । देवे णागे जक्खे भूए य सयंभुरमणे य ॥ ३ ॥ एवं जहा बाहिरपुक्खरद्धे भणिए तहा जाव सयंभूरमणसमुद्दे जाव अद्धासमएणं नो फुडे ॥ ४४५ ॥ लोगे णं भंते ! किंणा फुडे ? कइहिं वा काएहिं० ? जहा आगासथिग्गले । अलोए णं भंते ! किंणा फुडे, कइहिं वा काएहिं पुच्छा । गोयमा! नो धम्मत्थिकारणं फुडे जाव नो आगासत्थिकारणं फुडे, आगासत्थिकायस्स देसेणं फुडे, नो पुढविकाएणं फुडे जाव नो अद्धासमएणं फुडे । एगे अजीवदव्वदेसे अगुरुलहुए अणंतेहिं अगुरुलहुयगुणेहिं संजुत्ते सव्वागासअणंतभागूणे ॥ ४४६ ॥ पन्नवणाए भगवईए पन्नरसमस्स इंदियपयस्स पढमो उद्देसो समत्तो ॥
इंदियउवचय १ णिव्वत्तणा २ य समया भवे असंखेज्जा ३ । लद्धी ४ उवओगद्धं ५ अप्पाबहुए विसेसॉहिया ६ ॥ ओगाहणा ७ अवाए ८ ईहा ९ तह वंजणोगगहे १० चेव । दबिंदिय ११ भाविंदिय १२ तीया बद्धा पुरक्खडिया ॥ कइविहे णं भंते ! इंदियउवचए पन्नत्ते ? गोयमा ! पंचविहे इंदियउवचए पन्नत्ते । तंजहासोइंदियउवचए, चक्खिदियउवचए, घाणिंदियउवचए, जिब्भिन्दियउवचए, फासिन्दियउवचए । नेरइयाणं भंते ! कइविहे इन्दिओवचए पन्नत्ते ? गोयमा ! पंचविहे इन्दिओवचए पन्नत्ते । तंजहा-सोइंदियउवचए जाव फासिन्दियउवचए, एवं जाव वेमाणियाणं । जस्स जइ इन्दिया तस्स तइविहो चेव इन्दियउवचओ भाणियव्वो १। कइविहा णं भंते ! इन्दियनिव्वत्तणा पन्नत्ता ? गोयमा ! पंचविहा इन्दियनिव्वत्तणा पन्नत्ता । तंजहा-सोइन्दियनिव्वत्तणा जाव फासिन्दियनिव्वत्तणा । एवं नेरइयाणं जाव वेमाणियाणं, नवरं जस्स जइ इन्दिया अत्थि. २ । सोइन्दियनिव्वत्तणा णं भंते कइसमइया पन्नत्ता ? गोयमा ! असंखिज्जइसमइया अंतोमुहुत्तिया पन्नत्ता, एवं जाव फासिन्दियनिव्वत्तणा । एवं नेरइयाणं जाव वेमाणियाणं ३ । कइविहा णं भते ! इन्दियलद्धी पन्नत्ता ? गोयमा ! पंचविहा इन्दियलद्धी पन्नत्ता। तंजहा-सोइ
