________________
प० १५ उ० १ सोइंदियविसय०] सुत्तागमे
४१५ बेइंदियाणं भंते ! कइ इंदिया पन्नत्ता ? गोयमा ! दो इंदिया पन्नत्ता । तंजहाजिभिदिए य फासिंदिए य । दोण्हं पि इंदियाणं संठाणं बाहल्लं पोहत्तं पएसा ओगाहणा य जहा ओहियाणं भणिया तहा भाणियव्वा, णवरं फासिंदिए हुंडसंठाणसंठिए पण्णत्तेत्ति इमो विसेसो । एएसि णं भंते ! बेइंदियाणं जिभिदियफासिंदियाणं
ओगाहणठ्ठयाए पएसट्टयाए ओगाहणपएसट्टयाए कयरे कयरेहिंतो अप्पा वा ४१ गोयमा ! सव्वत्थोवे बेइंदियाणं जिभिदिए ओगाहणट्ठयाए, फासिंदिए ओगाहणट्ठयाए संखेजगुणे । पएसट्ठयाए-सव्वत्थोवे बेइंदियाणं जिब्भिदिए पएसट्ठयाए, फासिन्दिए संखेजगुणे । ओगाहणपएसठ्ठयाए-सव्वत्थोवे बेइंदियस्स जिभिदिए ओगाहणट्ठयाए, फासिन्दिए ओगाहणट्ठयाए संखेजगुणे, फासिंदियस्स ओगाहणट्ठयाएहिंतो जिभिदिए पएसट्ठयाए अणंतगुणे, फासिन्दिए पएसट्टयाए संखेजगुणे । बेइन्दियाणं भंते ! जिब्भिन्दियस्स केवइया कक्खडगरुयगुणा पन्नत्ता ? गोयमा ! अणंता । एवं फासिन्दियस्स वि, एवं मउयलहुयगुणा वि । एएसि णं भंते ! बेइन्दियाणं जिभिदियफासिन्दियाणं कक्खडगरुयगुणाणं, मउयलहुयगुणाणं, कक्खडगरुयगुणाणं, मउयलहुयगुणाण य कयरे कयरेहिंतो अप्पा वा ४ ? गोयमा ! सव्वत्थोवा बेइन्दियाणं जिभिदियस्स कक्खडगरुयगुणा, फासिंदियस्स कक्खडगरुयगुणा अणंतगुणा, फासिंदियस्स कक्खडगरुयगुणेहिंतो तस्स चेव मउयलहुयगुणा अणंतगुणा, जिभिदियस्स मउयलहुयगुणा अणंतगुणा । एवं जाव चउरिन्दियत्ति, नवरं इंदियपरिवुड्डी कायव्वा । तेइंदियाणं घाणिन्दिए थोवे, चउरिन्दियाणं चक्खिदिए थोवे, सेसं तं चेव । पंचिन्दियतिरिक्खजोणियाणं मणूसाण य जहा नेरइयाणं, नवरं फासिन्दिए छव्विहसंठाणसंठिए पन्नत्ते । तंजहा-समचउरंसे निग्गोहपरिमंडले साई खुजे वामणे हुंडे । वाणमंतरजोइसियवेमाणियाणं जहा असुरकुमाराणं ॥ ४३६ ॥ पुट्ठाई भंते ! सद्दाई सुणेइ, अपुट्ठाई सद्दाइं सुणेइ ? गोयमा ! पुट्ठाइं सद्दाइं सुणेइ, नो अपुट्ठाई सद्दाइं सुणेइ । पुट्ठाई भंते ! रूवाइं पासइ, अपुट्ठाइं० पासइ ? गोयमा ! नो पुट्ठाई ख्वाइं पासइ, अपुट्ठाई रूवाई पासइ । पुट्ठाइं भंते ! गंधाइं अग्घाइ, अपुट्ठाई गंधाई अग्घाइ ? गोयमा ! पुट्ठाई गंधाइं अग्घाइ, नो अपुट्ठाइं० अग्घाइ। एवं रसाण वि फासाण वि, नवरं रसाई अस्साएइ, फासाई पडिसंवेदेइ त्ति अभिलावो कायव्वो । पविठ्ठाइं भंते ! सद्दाइं सुणेइ, अपविट्ठाई सद्दाइं सुणेइ ? गोयमा ! पविट्ठाई सद्दाइं सुणेइ, नो अपविट्ठाई सद्दाइं सुणेइ, एवं जहा पुढाणि तहा पविठ्ठाणि वि ॥ ४३७ ॥ सोइन्दियस्स णं भंते ! केवइए विसए पन्नत्ते ? गोयमा ! जहण्णेणं अंगुलस्स असंखेजइभागो, उक्कोसेणं बारसहिं जोयणेहिन्तो अच्छिण्णे पोग्गले पुढे पविट्ठाई
