________________
सुत्तागमे
[पण्णवणासुतं गुणा अणंतगुणा, घाणिदियस्स मउयलहुयगुणा अणंतगुणा, सोइंदियस्स मउयलहग्रगुणा अणंतगुणा, चक्खिदियस्स मउयलहुयगुणा अणंतगुणा ॥ ४३२ ॥ नेरइयाणं भंते ! कइ इंदिया पन्नत्ता ? गोयमा ! पंच, तंजहा-सोइन्दिए जाव फासिन्दिए। नेरइयाणं भंते ! सोइन्दिए किंसंठिए पन्नत्ते ? गोयमा ! कलंबुयासंठाणसंठिए पन्नत्ते। एवं जहा ओहियाणं वत्तव्वया भणिया तहेव नेरइयाणं पि जाव अप्पाबहयाणि दोण्णि । नवरं नेरइयाणं भंते ! फासिन्दिए किंसंठिए पन्नत्ते ? गोयमा ! दुविहे पन्नत्ते । तंजहा-भवधारणिजे य उत्तरवेउव्विए य । तत्थ णं जे से भवधारणिज्जे से णं हुंडसंठाणसंठिए पन्नत्ते, तत्थ णं जे से उत्तरवेउव्विए से वि तहेव, सेसं तं चेव ॥ ४३३ ॥ असुरकुमाराणं भंते ! कइ इन्दिया पन्नत्ता ? गोयमा ! पंच, एवं जहा ओहियाणि जाव अप्पाबहुगाणि दोण्णि वि । नवरं फासिन्दिए दुविहे पन्नत्ते । तंजहाभवधारणिज्जे य उत्तरवेउव्विए य । तत्थ णं जे से भवधारणिज्जे से णं समचउरंससंठाणसंठिए पन्नत्ते, तत्थ णं जे से उत्तरवेउब्विए से णं णाणासंठाणसंठिए, सेसं तं चेव । एवं जाव थणियकुमाराणं ॥ ४३४ ॥ पुढविकाइयाणं भंते ! कइ इन्दिया पन्नत्ता ? गोयमा ! एगे फासिन्दिए पन्नत्ते । पुढविकाइयाणं भंते ! फासिन्दिए किंसंठाणसंठिए पन्नत्ते ? गोयमा ! मसूरचंदसंठाणसंठिए पन्नत्ते । पुढविकाइयाणं भंते ! फासिन्दिए केवइयं बाहल्लेणं पन्नत्ते ? गोयमा ! अंगुलस्स असंखेजइभागं बाहल्लेणं पन्नत्ते । पुढविकाइयाणं भंते ! फासिन्दिए केवइयं पोहत्तेणं पन्नत्ते? गोयमा! सरीरप्पमाणमेत्ते पोहत्तेणं । पुढविकाइयाणं भंते ! फासिन्दिए कइपएसिए पन्नत्ते ? गोयमा ! अणंतपएसिए पन्नत्ते । पुढविकाइयाणं भंते ! फासिन्दिए कइपएसोगाढे पन्नत्ते ? गोयमा ! असंखेजपएसोगाढे पन्नत्ते । एएसि णं भंते ! पुढविकाइयाणं फासिन्दियस्स ओगाहणट्ठयाए पएसट्टयाए ओगाहणपएसट्टयाए कयरे कयरेहितो अप्पा वा ४ ? गोयमा ! सव्वत्थोवे पुढविकाइयाणं फासिन्दिए ओगाहणट्टयाए, से चेव पएसठ्ठयाए अणंतगुणे । पुढविकाइयाणं भंते ! फासिन्दियस्स केवइया कक्खडगरुयगुणा पन्नत्ता ? गोयमा ! अणंता, एवं मउयलहुयगुणा वि । एएसि णं भंते ! पुढविकाइयाणं फासिन्दियस्स कक्खडगरुयगुणाणं मउयलहुयगुणाण य कयरे कयरेहितो अप्पा वा ४ ? गोयमा ! सव्वत्थोवा पुढविकाइयाणं फासिंदियस्स कक्खडगख्यगुणा, तस्स चेव मउयलहुयगुणा अणंतगुणा । एवं आउकाइयाण वि जाव वणप्फइकाइयाणं, णवरं संठाणे इमो विसेसो दट्ठव्वो-आउकाइयाणं थिवुगबिंदुसंठाणसंठिए पन्नत्ते । तेउकाइयाणं सूइकलावसंठाणसंठिए पन्नत्ते । वाउकाइयाणं पडागासंठाणसंठिए पन्नत्ते । वणप्फइकाइयाणं णाणासंठाणसंठिए पन्नत्ते ॥ ४३५ ॥
