________________
प० १५ उ० १ ६० क० अप्प०] सुत्तागमे गोयमा ! अणंतपएसिए पन्नत्ते । एवं जाव फासिदिए ४॥ ४२८ ॥ सोइंदिए णं भंते ! कइपएसोगाढे पन्नत्ते ? गोयमा ! असंखेजपएसोगाढे पन्नत्ते । एवं जाव फासिंदिए ५ ॥ ४२९ ॥ एएसि णं भंते ! सोइंदियचक्खिदियघाणिदियजिभिदियफासिंदियाणं ओगाहणट्ठयाए पएसट्टयाए ओगाहणपएसट्ठयाए कयरे कयरेहितो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवे चक्खिदिए ओगाहणट्ठयाए, सोइंदिए ओगाहणट्ठयाए संखेजगुणे, घाणिदिए ओगाहणठ्ठयाए संखेजगुणे, जिभिदिए ओगाहणठ्ठयाए असंखेजगुणे, फासिंदिए ओगाहणट्ठयाए संखेज्जगुणे, पएसठ्ठयाए-सव्वत्थोवे चक्खिदिए पएसट्टयाए, सोइंदिए पएसट्ठयाए संखेजगुणे, घाणिदिए पएसट्टयाए संखेज्जगुणे, जिभिदिए पएसट्ठयाए असंखेज्जगुणे, फासिंदिए पएसठ्ठयाए संखेजगुणे, ओगाहणपएसठ्ठयाए-सव्वत्थोवे चक्खिदिए ओगाहणट्ठयाए, सोइंदिए ओगाहणठ्ठयाए संखेजगुणे, घाणिदिए ओगाहणट्ठयाए संखेज्जगुणे, जिभिदिए ओगाहणट्ठयाए असंखेजगुणे, फासिंदिए ओगाहणट्ठयाए संखेजगुणे, फासिंदियस्स ओगाहणट्ठयाहिंतो चक्खिदिए पएसट्टयाए अणंतगुणे, सोइंदिए पएसट्टयाए संखेजगुणे, धाणिदिए पएसट्ठयाए संखेजगुणे, जिभिदिए पएसठ्ठयाए असंखेजगुणे, फासिदिए पएसट्टयाए संखेजगुणे ॥ ४३० ॥ सोइंदियस्स णं भंते ! केवइया कक्खडगुरुयगुणा पन्नत्ता ? गोयमा! अणंता कक्खडगुरुयगुणा पन्नत्ता, एवं जाव फासिंदियस्स । सोइंदियस्स णं भंते ! केवइया मउयलहुयगुणा पन्नत्ता ? गोयमा ! अणंता मउयलहुयगुणा पन्नत्ता, एवं जाव फासिंदियस्स ॥ ४३१ ॥ एएसि णं भंते ! सोइंदियचक्खिदियघाणिंदियजिभिदियफासिंदियाणं कक्खडगस्यगुणाणं मउयलहुयगुणाण य कयरे कयरेहिंतो अप्पा वा ४? गोयमा ! सव्वत्थोवा चक्खिदियस्स कक्खडगरुयगुणा, सोइंदियस्स कक्खडगरुयगुणा अणंतगुणा, घाणिदियस्स कक्खडगरुयगुणा अणंतगुणा, जिभिदियस्स कक्खडगरुयगुणा अणंतगुणा, फासिंदियस्स कक्खडगरुयगुणा अणंतगुणा । मउयलहुयगुणाणं-सव्वत्थोवा फासिंदियस्स मउयलहुयगुणा, जिभिदियस्स मउयलहुयगुणा अणंतगुणा, घाणिदियस्स मउयलहुयगुणा अणंतगुणा, सोइंदियस्स मउयलहुयगुणा अणंतगुणा, चक्खिदियस्स मउयलहुयगुणा अणंतगुणा । कक्खडगरुयगुणाणं मउयलहुयगुणाण य-सव्वत्थोवा चक्खिदियस्स कक्खडगरुयगुणा, सोइंदियस्स कक्खडगरुयगुणा अणंतगुणा, घाणिं दियस्स कक्खडगरुयगुणा अणंतगुणा, जिभिदियस्स कक्खडगरुयगुणा अणंतगुणा, फासिंदियस्स कक्खडगरुयगुणा अणंतगुणा, फासिंदियस्स कक्खडगरुयगुणेहिंतो तस्स चेव मउयलहुयगुणा अणंतगुणा, जिभिदियस्स मउयलहुय
