________________
प० १२ पं० वेडव्वियसरीर० ]
सुत्तागमे
जहा एएसिं चेत्र वेउब्विया, एवं जाव थणियकुमारा ॥ ४०९ ॥ पुढविकाइयाणं ते ! केवइया ओरालि यसरीरगा पन्नत्ता ? गोयमा ! दुविहा पन्नत्ता । तंजहा - बद्धेलगा य मुक्केलगाय । तत्थ णं जे ते बद्धेलगा ते णं असंखेज्जा, असंखेज्जाहिं उस्सप्पिणिओसप्पिणीहिं अवहीरंति कालओ, खेत्तओ असंखेज्जा लोगा । तत्थ णं जे ते मुलगा ते णं अनंता, अणंताहिं उस्सप्पिणिओसप्पिणीहिं अवहीरंति कालओ, खेत्तओ अनंता लोगा, अभवसिद्धिएहिंतो अणंतगुणा सिद्धाणं अनंतभागो । पुढविकाइयाणं भंते! केवइया वेडव्वियसरीरगा पन्नत्ता ? गोयमा ! दुविहा पत्ता | तंजहा- बद्धेलगा य मुक्केलगा य । तत्थ णं जे ते बलगा ते णं णत्थि । तत्थ जे ते मुलगा ते णं जहा एएसिं चेव ओरालिया तहेव भाणियव्वा । एवं आहारगसरीरा वि। तेयाकम्मगा जहा एएसिं चेव ओर लिया । एवं आउकाइयते उकाइया वि ॥ ४१० ॥ वाउकाइयाणं भंते! केवइया ओरालियसरीरा पन्नत्ता ? गोयमा ! दुविहा पन्नत्ता । तंजहा- बद्धेलगा य मुक्केलगा य । दुविहा वि जहा पुढविकाइयाणं ओरालिया । वेउव्वियाणं पुच्छा । गोयमा ! दुविहा पन्नत्ता । तंजहा - बद्धेलगाय मुक्केलगाय । तत्थ णं जे ते बद्धेलगा ते णं असंखेज्जा, समए समए अवहीरमाणा २ पलिओवमस्स असंखेज्जइभागमेत्तेणं कालेणं अवहीरंति, नो चेव णं अवहिया सिया । मुक्केलगा जहा पुढविकाइयाणं । आहारयतेयाकम्मा जहा पुढविकाइयाणं, वणप्फइकाइयाणं जहा पुढविकाइयाणं, णवरं तेयाकम्मगा जहा ओहिया तेयाकम्मगा ॥४११॥ इंदियाणं भंते! केवइया ओरालिया सरीरगा पन्नत्ता ? गोयमा ! दुविहा पन्नत्ता | तंजहा-बद्धेलगा य मुक्केलगाय, तत्थ णं जे ते बद्धेलगा ते णं असंखेज्जा, असंखेजाहिं उस्सप्पिणिओसप्पिणीहिं अवहीरंति कालओ, खेत्तओ असंखेजाओ सेढीओ पयरस्स असंखेज्जइभागो, तासि णं सेढीणं विक्खंभसूई असंखेज्जाओ जोयणकोडाकोडीओ असंखेज्जाईं सेढिवग्गमूलाई । बेइंदियाणं ओरालियसरीरेहिं बद्धेल्लगेहिं पयरो अवहीरइ, असंखेज्जाहिं उस्सप्पिणीओसप्पिणीहिं कालओ, खेत्तओ अंगुलपयरस्स आवलियाए य असंखेज्जइभागपलिभागेणं । तत्थ णं जे ते मुक्केलगा ते जहा ओहिया ओरालियमुलगा | वेउव्विया आहारगा य बद्धेलगा णत्थि । मुक्केलगा जहा ओहिया ओरालियमुक्केलगा । तेयाकम्मगा जहा एएसिं चेव ओहिया ओरालिया, एवं जाव चउरिंदिया । पंचिंदियतिरिक्खजोणियाणं एवं चेव, नवरं वेडव्वियसरीरएसु इमो विसेसो- पंचिंदियतिरिक्खजोणियाणं भंते ! केवइया वेउव्त्रियसरीरया पन्नत्ता ? गोयमा ! दुविहा पन्नत्ता । तं ० - बद्धेलगा य मुक्केलगा य । तत्थ गंजे ते बद्धेलगा ते णं असंखेज्जा, जहा असुरकुमाराणं णवरं तासि णं सेढीणं
४०७
