________________
सुत्तागमे
[पण्णवणासुतं
४०६
केवइया णं भंते ! आहारगसरीरया पन्नत्ता ? गोयमा ! दुविहा पन्नत्ता। तंजहाबद्धेल्लया य मुक्केल्लया य । तत्थ णं जे ते बद्धलया ते णं सिय अत्थि, सिय नत्थि। जइ अत्थि जहण्णेणं एको वा दो वा तिण्णि वा, उक्कोसेणं सहस्सपुहुत्तं । तत्थ णं जे ते मुक्केल्लया ते णं अणंता, जहा ओरालियस्स मुक्केल्लया तहेव भाणियव्वा । केवइया णं भंते ! तेयगसरीरया पण्णत्ता ? गोयमा ! दुविहा पण्णत्ता । तंजहा-बद्धेलगा य मुक्केलगा य । तत्थ णं जे ते बद्धेल्लगा ते णं अणंता, अणंताहिं उस्सप्पिणिओसप्पिणीहिं अवहीरंति कालओ, खेत्तओ अणंता लोगा, दव्वओ सिद्धेहितो अणंतगुणा सव्वजीवाणंतभागूणा । तत्थ णं जे ते मुक्केल्लगा ते णं अणंता, अणंताहिं उस्सप्पिणिओसप्पिणीहिं अवहीरंति कालओ, खेत्तओ अणंता लोगा, दव्वओ सव्वजीवेहितो अणंतगुणा जीववग्गस्साणंतभागो । एवं कम्मगसरीराणि वि भाणियव्वाणि ॥ ४०७ ॥ नेरइयाणं भंते ! केवइया ओरालियसरीरा पन्नत्ता ? गोयमा ! दुविहा पन्नत्ता । तंजहा-बद्धेल्लगा य मुक्केलगा य । तत्थ णं जे ते बद्धेल्लगा ते णं णत्थि । तत्थ णं जे ते मुक्केल्लगा ते णं अणंता जहा ओरालियमुक्केलगा तहा भाणियव्वा । नेरइयाणं भंते ! केवइया वेउव्वियसरीरा पन्नत्ता ? गोयमा ! दुविहा पन्नत्ता। तंजहाबद्धलगा य मुकेल्लगा य। तत्थ णं जे ते बद्धलगा ते णं असंखेज्जा, असंखेजाहिं उस्सप्पिणिओसप्पिणीहिं अवहीरंति कालओ, खेत्तओ असंखेज्जाओ सेढीओ पयरस्स असंखेजइभागो, तासि णं सेढीणं विक्खंभसूई अंगुलपढमवग्गमूलं बिइयवग्गमूलपडुप्पण्णं, अहव णं अंगुलबिइयवग्गमूलघणप्पमाणमेत्ताओ सेढीओ। तत्थ णं जे ते मुक्केलगा ते णं जहा ओरालियरस मुक्केल्लगा तहा भाणियव्वा । नेरइयाणं भंते ! केवइया आहारगसरीरा पन्नत्ता ? गोयमा ! दुविहा पन्नत्ता । तंजहा-बद्धेल्लगा य मुक्केल्लगा य, एवं जहा ओरालिए बद्धलगा मुक्केल्लगा य भणिया तहेव आहारगा वि भाणियव्वा । तेयाकम्मगाइं जहा एएसिं चेव वेउव्वियाइं ॥ ४०८ ॥ असुरकुमाराणं भंते ! केवइया ओरालियसरीरा पन्नत्ता ? गोयमा ! जहा नेरइयाणं ओरालियसरीरा भणिया तहेव एएसिं भाणियव्वा । असुरकुमाराणं भंते ! केवइया वेउव्वियसरीरा पन्नत्ता ? गोयमा ! दुविहा पन्नत्ता । तंजहा-बद्धलगा य मुक्केलगा य। तत्थ णं जे ते बद्धलगा ते णं असंखेजा, असंखेजाहिं उस्सप्पिणीओसप्पिणीहिं अवहीरंति कालओ, खेत्तओ असंखेजाओ सेढीओ पयरस्स असंखेजइभागो, तासि णं सेढीणं विक्खंभसूई अंगुलपढमवग्गमूलस्स संखेज्जइभागो । तत्थ णं जे ते मुक्केलगा ते णं जंहा ओरालियस्स मुक्केलगा तहा भाणियव्वा । आहारगसरीरगा जहा एएसिं चेव ओरालिया तहेव दुविहा भाणियव्वा, तेयाकम्मगसरीरा दुविहा वि
