________________
सुतागमे
[ पण्णवणासुतं
उक्करियाए भए भवइ, से तं उक्करियाभेए ५ ॥ ३९९ ॥ एएसि णं भंते! दव्वाणं खंडाभेएणं पयराभेएणं चुण्णियाभेएणं अणुतडियाभेएणं उक्करिया एण य भिज्जमाणाणं कयरे कयरेहिंतो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवाई दव्वाइं उक्करियामेएणं भिज्जमाणाई, अणुतडियाभेएणं भिजमाणाइं अनंतगुणाई, चुण्णियाभेएणं भिज्जमाणाइं अणंतगुणाई, पयराभेएणं भिज्जमाणाई अनंतगुणाई, खंडाभेएणं भिज्जमाणाइं अणंतगुणाईं ॥ ४०० ॥ नेरइए णं भंते ! जाई दव्वाई भासत्ताए गेण्हइ ताई किं ठियाई गेण्हर, अठियाई गेण्हइ ? गोयमा ! एवं चेव, जहा जीवे वत्तव्वया भणिया तहा नेरइयस्स वि जाव अप्पाबहुयं । एवं एगिंदियवज्जो दंडओ जाव वेमाणिया । जीवा णं भंते ! जाई दव्वाई भासत्ताए गेहंति ताइं किं ठियाई गेव्हंति, अठियाई गेण्हंति ? गोयमा ! एवं चेव, पुहुत्तेण वि णेयव्वं जाव वेमाणिया । जीवे णं भंते ! जाई दव्वाई सच्चभासत्ताए गेहइ ताई किं ठियाई गेण्हइ, अठियाई गेव्हइ ? गोयमा ! जहा ओहियदंडओ तहा एसोऽवि, णवरं विगलिंदिया ण पुच्छिज्जंति । एवं मोसाभासाए वि, सच्चामोसाभासाए वि, असच्चामोसाभासाए वि एवं चेव, नवरं असच्चामोसाभासाए विगलिंदिया पुच्छिज्जंति इमेणं अभिलावेणं - विगलिंदिए णं भंते ! जाईं दव्वाई असच्चामोसाभासत्ताए गेण्हइ ताई किं ठियाई गेण्हर, अठियाई गेण्हइ ? गोयमा ! जहा ओहियदंडओ, एवं एए एगत्तपुहुत्तेणं दस दंडगा भाणियव्वा ॥ ४०१ ॥ जीवे णं भंते ! जाई दव्वाई सच्चभासत्ताए गिण्हइ ताई किं सच्चभासत्ताए निसिरइ, मोसभासत्ताए निसिरइ, सच्चामोसभासत्ताए निसिरइ, असच्चामोसभासत्ताए निसिरइ ? गोयमा ! सच्चभासत्ताए निसिरइ, नो मोसभासत्ताए निसिरइ, नो सच्चामोसभासत्ताए निसिरइ, नो असच्चामोसभासत्ताए निसिरइ । एवं एर्गिदियविगलिंदियवज्जो दंडओ जाव वेमाणिया । एवं पुहुत्तेण वि । जीवे णं भंते ! जाईं दव्वाइं मोसभासत्ताए गिण्हइ ताई किं सच्चभासत्ताए निसिरइ, मोसभासत्ताए०, सच्चामोसभासत्ताए०, असच्चामोसभासत्ताए निसिरइ ? गोयमा ! णो सच्चभासत्ताए निसिरइ, मोसभासत्ताए निसिरइ, णो सच्चामोसभासत्ताए०, णो असच्चामोसभासत्ताए निसिरइ । एवं सचामोसभासत्ताए वि, असच्चामोसभासत्ताए वि एवं चेव, नवरं असच्चामोसभासत्ताए विगलिंदिया तव पुच्छिति, जाए चेव गिण्हइ ताए चेव निसिरइ । एवं एए एगत्तपुहुत्तिया अट्ठ दंडगा भाणियव्वा ॥ ४०२ ॥ कइविहे णं भंते ! वयणे पन्नत्ते ? गोयमा ! सोलसविहे वयणे पन्नत्ते । तंजहा – एगवयणे, दुवयणे, बहुवयणे, इत्थिवयणे, पुमवयणे, णपुंसगवयणे, अज्झत्थवयणे, उवणीयवयणे, अवणीयवयणे, उवणीया
४०४
