________________
प० ११ उक्करियाभेयसरूवं] सुत्तागमे सविसए गेण्हइ, नो अविसए गेण्हइ। जाइं भंते ! सविसए गेण्हइ ताइं किं आणुपुचि गेण्हइ, अणाणुपुट्विं गेण्हइ ? गोयमा ! आणुपुर्दिव गेण्हइ, नो अणाणुपुर्दिवं गेहइ । जाइं भंते ! आणुपुट्विं गेण्हइ ताई किं तिदिसिं गेण्हइ जाव छद्दिसिं गेण्हइ ? गोयमा ! नियमा छद्दिसिं गेण्हइ । “पुट्ठोगाढअणंतर अणू य तह बायरे य उड्डमहे । आइविसयाणुपुट्विं णियमा तह छद्दिसिं चेव" ॥३९६॥ जीवे णं भंते ! जाइं दव्वाइं भासत्ताए गेण्हइ ताई किं संतरं गेण्हइ, निरंतरं गेण्हइ ? गोयमा ! संतरं पि गेण्हइ, निरंतरं पि गेण्हइ । संतरं गेण्हमाणे जहण्णेणं एगं समयं, उक्कोसेणं असंखेजसमए अंतरं कडे गेण्हइ, निरंतरं गेण्हमाणे जहण्णेणं दो समए, उक्कोसेणं असंखेजसमए अणुसमयं अविरहियं निरंतरं गेण्हइ । जीवे णं भंते ! जाइं दव्वाइं भासत्ताए गहियाई निसिरइ ताई किं संतरं निसिरइ, निरंतर निसिरइ ? गोयमा ! संतरं निसिरइ, नो निरंतरं निसिरइ। संतरं निस्सिरमाणे एगेणं समएणं गेण्हइ, एगेणं समएणं निसिरइ, एएणं गहणनिसिरणोवाएणं जहन्नेणं दुसमयं, उक्कोसेणं असंखेजसमयं अंतोमुहुत्तिगं गहणनिसिरणोवायं करेइ ॥ ३९७ ॥ जीवे णं भंते ! जाई दव्वाई भासत्ताए गहियाइं णिसिरइ ताइं किं भिण्णाइं णिसिरइ, अभिण्णाइं णिसिरइ ? गोयमा! भिन्नाइं पि णिस्सिरइ, अभिन्नाई पि णिस्सिरइ । जाइं भिन्नाई णिसिरइ ताई अणंतगुणपरिवुड्डीए णं परिवुड्डमाणाई लोयंतं फुसन्ति, जाइं अभिण्णाई णिसिरइ ताइं असंखेजाओ ओगाहणवग्गणाओ गंता भेयमावजंति, संखेजाई जोयणाई गंता विद्धंसमागच्छंति ॥ ३९८ ॥ तेसि णं भंते ! दव्वाणं कइविहे भेए पण्णत्ते ? गोयमा ! पञ्चविहे भेए पन्नत्ते । तंजहा-खंडाभेए, पयराभेए, चुण्णियाभेए, अणुतडियाभेए, उक्करियाभेए । से किं तं खंडाभेए ? २ जण्णं अयखंडाण वा तउयखंडाण वा तंबखंडाण वा सीसगखंडाण वा रययखंडाण वा जायस्वखंडाण वा खंडएणं भेए भवइ, से तं खंडाभेए १। से किं तं पयराभेए ? २ जण्णं वंसाण वा वेत्ताण वा नलाण वा कयलीथंभाण वा अब्भपडलाण वा पयरेणं भेए भवइ, से तं पयराभेए २ । से किं तं चुण्णियाभेए? २ जण्णं तिलचुण्णाण वा मुग्गचुण्णाण वा मासचुण्णाण वा पिप्पलीचुण्णाण वा मिरीयचुण्णाण वा सिंगबेरचुण्णाण वा चुण्णियाए भेए भवइ, से तं चुणियाभेए ३ । से किं तं अणुतडियाभेए ? २ जण्णं अगडाण वा तडागाण वा दहाण वा नईण वा वावीण वा पुक्खरिणीण वा दीहियाण वा गुंजालियाण वा सराण वा सरसराण वा सरपंतियाण वा सरसरपंतियाण वा अणुतडियाभेए भवइ, से तं अणुतडियाभेए ४ । से किं तं उक्करियाभेए ? २ जण्णं मूसाण वा मंडूसाण वा तिलसिंगाण वा मुग्गसिंगाण वा माससिंगाण वा एरंडबीयाण वा फुट्टिया
