Suttagame 02

SR No.: 010591
Original Sutra Author: N/A
Author: Fulchand Maharaj
Publisher: Sutragam Prakashan Samiti
Publication Year: 1954
Total Pages: 1300
Language: Prakrit
Classification: Book_Devnagari, Agam, Canon, agam_aupapatik, agam_rajprashniya, agam_jivajivabhigam, agam_pragyapana, agam_suryapragnapti, agam_chandrapragnapti, agam_jambudwipapragnapti, & agam_ni
File Size: 93 MB

Page 477

४०२
सुत्तागमे
[पण्णवणासुतं एगगुणकालाई पि गेण्हइ जाव अणंतगुणकालाई पि गेण्हइ । एवं जाव सुकिल्लाई पि । जाई भावओ गंधमंताई गिण्हइ ताई किं एगगंधाई गिण्हइ, दुगंधाइं गिण्हइ ? गोयमा ! गहणदव्वाइं पडुच्च एगगंधाइं पि० दुगंधाई पि गिण्हइ, सव्वग्गहणं पडुच्च नियमा दुगंधाइं गिण्हइ । जाइं गंधओ सुब्भिगंधाइं गिण्हइ ताई कि एगगुणसुब्भिगंधाइं गिण्हइ जाव अणंतगुणसुभिगंधाई गिण्हइ ? गोयमा! एगगुणसुब्भिगंधाई पि गि० जाव अणंतगुणसुब्भिगंधाई पि गिण्हइ । एवं दुब्भिगंधाई पि गेण्हइ । जाई भावओ रसमंताई गेण्हइ ताई किं एगरसाइं गेण्हइ जाव पंचरसाइं गेण्हइ ?? गोयमा ! गहणदव्वाइं पडुच्च एगरसाइं पि गेण्हइ जाव पंचरसाइं पि गिण्हइ, सव्वग्गहणं पडुच्च नियमा पंचरसाइं गेण्हइ । जाई रसओ तित्तरसाइं गेण्हइ ताई कि एगगुणतित्तरसाइं गिण्हइ जाव अणंतगुणतित्तरसाइं गिण्हइ ? गोयमा ! एगगुणतित्ताई पि गिण्हइ जाव अणंतगुणतित्ताई पि गिण्हइ, एवं जाव महुररसो। जाइं भावओ फासमंताई गेण्हइ ताइं किं एगफासाइं गेण्हइ जाव अट्ठफासाइं गेण्हइ ? गोयमा ! गहणदव्वाइं पडुच्च णो एगफासाइं गेण्हइ, दुफासाई गेण्हइ जाव चउफासाइं गेण्हइ, णो पंचफासाइं गेण्हइ जाव णो अट्ठफासाइं गेण्हइ, सव्वग्गहणं पडुच्च. नियमा चउफासाइं गेण्हइ, तंजहा-सीयफासाइं गेण्हइ, उसिणफासाइं०, निद्धफासाइं०, लुक्खफासाइं गेण्हइ । जाइं फासओ सीयाई गेण्हइ ताई कि एगगुणसीयाइं गेण्हइ जाव अणंतगुणसीयाइं गेण्हइ ? गोयमा! एगगुणसीयाई पि गेण्हइ जाव अणंतगुणसीयाई पि गेण्हइ, एवं उसिणणिद्धलुक्खाई जाव अणंतगुणाई पि गेहइ ॥ ३९५ ॥ जाइं भंते ! जाव अणंतगुणलुक्खाइं गेण्हइ ताई किं पुट्ठाइं गेण्हइ, अपुट्ठाइं गेण्हइ ? गोयमा ! पुट्ठाइं गेण्हइ, नो अपुट्ठाइं गेण्हइ । जाइं भंते ! पुट्ठाई गेण्हइ ताई किं ओगाढाइं गेण्हइ, अणोगाढाई गेण्हइ ? गोयमा ! ओगाढाइं गेण्हइ, नो अणोगाढाई गेण्हइ । जाई भंते ! ओगाढाई गेण्हइ ताई किं अणंतरोगाढाई गेण्हइ, परंपरोगाढाइं गेण्हइ ? गोयमा ! अणंतरोगाढाई गेण्हइ, नो परंपरोगाढाई गेण्हइ । जाइं भंते ! अणंतरोगाढाई गेण्हइ ताइं किं अणूइं गेण्हइ, बायराई गेण्हइ ? गोयमा ! अणूई पि गेण्हइ बायराइं पि गेण्हइ । जाइं भंते ! अणूइं गेण्हइ. ताई किं उडे गेण्हइ, अहे गेण्हइ, तिरियं गेण्हइ ? गोयमा ! उ8 पि गेण्हइ, अहे वि गेण्हइ, तिरियं पि गेण्हइ । जाइं भंते ! उर्ल्ड पि गेण्हइ अहे वि गेण्हइ तिरियं पि गेण्हइ ताइं किं आइं गेण्हइ, मज्झे गेण्हइ, पज्जवसाणे गेण्हइ ? गोयमा ! आई पि गेण्हइ, मज्झे वि गेण्हइ, पज्जवसाणे वि गेण्हइ । जाइं भंते ! आई पि गेण्हइ, मज्झे वि गेण्हइ, पजवसाणे वि गेण्हइ ताई किं सविसए गेण्हइ, अविसए गेण्हइ ? गोयमा !