________________
५० ६ दा० ५ मणुस्स० पुच्छा] सुत्तागमे
३७९ उववज्जति । जइ भवणवासिदेवेहिन्तो उववजति किं असुरकुमार देवेहिंतो उ० जाव थणियकुमारदेवेहिंतो उववजंति ? गोयमा ! असुरकुमारदेवेहितो वि उववजति जाव थणियकुमारदेवेहितो वि उववजंति । जइ वाणमंतरदेवेहिन्तो उववजंति किं पिसाएहिंतो उ० जाव गंधव्वेहिंतो उववजति ? गोयमा ! पिसाएहितो वि उ० जाव गंधव्वेहितो वि उववजंति । जइ जोइसियदेवेहिंतो उववज्जति किं चंदविमाणेहितो उववजंति जाव ताराविमाणेहिंतो उववजंति ? गोयमा ! चंदविमाणजोइसियदेवेहितो वि उ० जाव ताराविमाणजोइसियदेवहितो वि उववजति । जइ वेमाणियदेवेहितो उववजंति किं कप्पोवगवेमाणियदेवहितो उववजंति, कप्पातीतवेमाणियदेवेहिन्तो उववजंति ? गोयमा ! कप्पोवगवेमाणियदेवेहिंतो उववजंति, नो कप्पातीतवेमाणियदेवेहिंतो उववज्जति । जइ कप्पोवगवेमाणियदेवेहिंतो उववजंति किं सोहम्महिंतो उ० जाव अच्चुएहिन्तो उववजंति ? गोयमा! सोहम्मीसाणेहिंतो उववजंति, नो सणंकुमार जाव अच्चुएहिंतो उववजंति । एवं आउकाइया वि । एवं तेउवाउकाइया वि, नवरं देववजेहिंतो उववजंति । वणस्सइकाइया जहा पुढविकाइया । बेइंदिया तेइंदिया चउरिंदिया एए जहा तेउवाऊ देववजेहिंतो भाणियव्वा ॥३१४॥ पांचंदियतिरिक्खजोणिया णं भंते ! कओहिंतो उववजंति किं नेरइएहिंतो उववजंति जाव देवेहिंतो उववजन्ति ? गोयमा ! नेरइएहितो वि०, तिरिक्खजोणिएहितो वि०, मणुस्सेहितो वि०, देवेहितो वि उववजन्ति । जइ नेरइएहिंतो उववजंति किं रयणप्पभापुढविनेरइएहिंतो उ० जाव अहेसत्तमापुढविनेरइएहिंतो उववजति ? गोयमा ! रयणप्पभापुढविनेरएहिंतो वि उववज्जति जाव अहेसत्तमापुढविनेरइएहितो वि उववजति । जइ तिरिक्खजोणिएहिन्तो उववजति किं एगिदिएहिंतो उववजंति जाव पंचिंदिएहिंतो उववजंति ? गोयमा! एगिदिएहितो वि उववज्जति जाव पंचिंदिएहितो वि उववति । जइ एगिदिएहिंतो उववजति किं पुढविकाइएहिंतो उववजन्तिएवं जहा पुढविकाइयाणं उववाओ भणिओ तहेव एएसि पि भाणियेवो, नवरं देवेहितो जाव सहस्सारकप्पोवगवेमाणियदेवेहितो वि उववज्जति, नो आणयकम्पोवगवेमाणियदेवेहिंतो जाव अञ्चुएहिंतो उववज्जति ॥ ३१५ ॥ मणुस्सा णं भंते ! कओहिंतो उववजंति किं नेरइएहिंतो उववजंति जाव देवेहिंतो उववजंति ? गोयमा ! नेरइएहितो वि उववजंति जाव देवेहितो वि उववज्जति । जइ नेरइएहितो उववजंति किं रयणप्पभापुढविनेरइएहिंतो उववजंति, सक्करप्पभापुढविनेरइएहितो उववजति, वालुयप्पभापुढविनेरइएहिंतो०, पंकप्पभा० नेरइएहिंतो०, धूमप्पभा०नेरइएहितो०, तमप्पभा नेरइएहितो०, अहेसत्तमापुढविनेरइएहिंतो उववजंति ?
