________________
सुत्तागमे
[पण्णवणासुतं
गोयमा ! रयणप्पभापुढविनेरइएहितो वि उ० जाव तमापुढविनेरइएहिंतो वि उववजंति, नो अहेसत्तमापुढविनेरइएहिंतो उववज्जति । जइ तिरिक्खजोणिएहितो उववजति किं एगिदियतिरिक्खजोणिएहितो उववजंति-एवं जेहिंतो पंचिंदियतिरिक्खजोणियाणं उववाओ भणिओ तेहिंतो मणुस्साण वि निरवसेसो भाणियव्वो, णवरं अहेसत्तमापुढविनेरइएहितो तेउवाउकाइएहिंतो ण उववनंति । सव्वदेवेहितो य उववाओ कायव्वो जाव कप्पातीतवेमाणियसव्वट्ठसिद्धदेवेहितो वि उववजावेयव्वा ॥ ३१६ ॥ वाणमंतरदेवा णं भंते ! कओहिंतो उववजंति किं नेरइएहितो०, तिरिक्खजोणिएहितो०, मणुस्सेहिंतो०, देवेहिंतो उववजंति ? गोयमा ! जेहिन्तो असुरकुमारा उववजन्ति तेहिन्तो वाणमन्तरा उववज्जावेयव्वा ॥ ३१७ ॥ जोइसिया देवा णं भंते ! कओहिंतो उववजन्ति ? गोयमा ! एवं चेव, नवरं संमुच्छिमअसंखिजवासाउयखहयरपंचिंदियतिरिक्खजोणियवज्जेहिंतो अंतरदीवमणुस्सवजेहिंतो उववजावेयव्वा ॥ ३१८ ॥ वेमाणिया णं भंते ! कओहिंतो उववज्जति किं णेरइएहिंतो०, तिरिक्खजोणिएहितो०, मणुस्सेहिंतो०, देवेहिंतो उववजन्ति ? गोयमा ! णो णेरइएहितो उववजंति, पचिंदियतिरिक्खजोणिएहितो उववजंति, मणुस्सेहिंतो उववजंति, णो देवेहिंतो उववजंति । एवं सोहम्मीसाणगदेवा वि भाणियव्वा । एवं सणंकुमारदेवा वि भाणियव्वा, नवरं असंखेजवासाउयअकम्मभूमगवजेहिंतो उववजंति । एवं जाव सहस्सारकप्पोवगवेमाणियदेवा भाणियव्वा । आणयदेवा णं भंते ! कओहिंतो उववजंति किं णेरइएहिंतो०, पंचिंदियतिरिक्खजोणिएहितो०, मणुस्सेहिंतो०, देवेहितो उववजंति ? गोयमा ! णो णेरइएहिंतो उववजंति, णो तिरिक्खजोणिएहिंतो उववजंति, मणुस्सेहिंतो उववजंति, णो देवहिंतो उववजंति । जइ मणुस्सेहिंतो उववज्जति किं संमुच्छिममणुस्सहिंतो०, गन्भवकंतियमणुस्सेहिंतो उववजंति ? गोयमा ! गब्भवकंतियमणुस्सेहिंतो०, नो संमुच्छिममणुस्सेहिंतो उववज्जति । जइ गब्भवकंतियमणुस्सेहिंतो उववजंति किं कम्मभूमिगेहिंतो०, अकम्मभूमिगेहितो०, अंतरदीवगेहिंतो उववजंति ? गोयमा ! णो अकम्मभूमिगेहिंतो०, णो अंतरदीवगेहिंतो उववजंति, कम्मभूमिगगब्भवक्रतियमणुस्सेहितो उववजंति । जइ कम्मभूमगगब्भवक्कंतियमणूसेहिंतो उववजंति किं संखेजवासाउएहिंतो०, असंखेज्जवासाउएहितो उववजंति ? गोयमा ! संखेजवासाउएहिंतो०, नो असंखेजवासाउएहिंतो उववजंति। जइ संखेज्जवासाउयकम्मभूमगगब्भवक्कंतियमणूसेहिंतो उववजंति किं पजत्तएहितो उववजंति, अपज्जत्तएहितो उववजंति ? गोयमा ! पजत्तएहिंतो उववजन्ति, नो अपजत्तएहिन्तो उववति । जइ पज्जत्तसंखेजवासाउयकम्मभूमगगब्भवकंतिय
