________________
सुत्तागमे
[ पण्णवणासुतं
३७८
उववज्जन्ति, मणुस्सेहिंतो उववज्जन्ति, नो देवेहिंतो उववज्जन्ति । एवं जेहिंतो नेरइयाणं उववाओ तेहिंतो असुरकुमाराण वि भाणियव्वो, नवरं असंखेज्जवासाउयअक्रम्मभूमगअंतरदीवगमणुस्स तिरिक्ख जोणिएहिन्तो वि उववज्जन्ति, सेसं तं चेव । एवं जाव थणियकुमारा भाणियव्वा ॥ ३१० ॥ पुढविकाइया णं भंते ! कओहिन्तो उववज्जन्ति किं नेरइएहिन्तो उ० जाव देवेहिन्तो उववज्जन्ति ? गोयमा ! नो नेरइएहिन्तो उववज्जन्ति, तिरिक्खजोणिएहिन्तो उववज्जन्ति, मणुस्सेहिन्तो उववज्जन्ति, देवेहिन्तो वि उववज्जन्ति । जर तिरिक्खजोणिएहिन्तो उववज्जन्ति किं एगिन्दियतिरिक्खजोणिएहिन्तो उववज्जन्ति जाव पंचिन्दियतिरिक्खजोणिए हिन्तो उववज्जन्ति ? गोमा ! एगिन्दियतिरिक्खजोणिएहिन्तो वि उ० जाव पंचिन्दियतिरिक्खजोणिएहिन्तो वि उववज्जन्ति । जइ एगिन्दियतिरिक्खजोणिएहिन्तो उववज्जन्ति किं पुढविकाइएहिन्तो उ० जाव वणस्स इकाइएहिन्तो उववज्जन्ति ? गोयमा ! पुढविकाइए हिन्तो वि उ० जाव ं वणस्सइकाइएहिन्तो वि उववज्जन्ति । जइ पुढविकाइएहिन्तो उववज्जन्ति किं सुहुमपुढविकाइएहिन्तो उववज्जन्ति, बायरपुढविकाइएहिन्तो उववज्जन्ति ? गोयमा! दोहिन्तो वि उववज्जन्ति । जइ सुहुमपुढविकाइए हिन्तो उववज्जन्ति किं पज्जत्तसुहुमपुढविकाइएहिन्तो उववज्जन्ति, अपज्जत्तसुहुमपुढविकाइएहिन्तो उववज्जन्ति ? गोयमा ! दोहिन्तो वि उववजन्ति । जइ बायरपुढविकाइएहिन्तो उववज्जन्ति किं पज्जत्तएहिन्तो उववज्जन्ति, अपज्जत्तएहिन्तो उववज्जन्ति ? गोयमा ! दोहिन्तो वि उववज्जन्ति, एवं जाव वणस्सइकाइया चउक्कएणं भेएणं उववाएयव्वा ॥ ३११ ॥ जइ बेइंदियतिरिक्खजोणिए हिन्तो उववज्जन्ति किं पज्जत्तबेइं दिए हिन्तो उववज्जन्ति, अपज्जत्तबेइं दिएहिन्तो उववज्जन्ति ? गोयमा ! दोहिन्तो वि उववज्जन्ति । एवं तेइं दियचउरिन्दिएहिन्तो वि उववज्जन्ति । जइ पंचिन्दियतिरिक्खजोणिए हिन्तो उववज्जन्ति किं जलयरपंचिंन्दियतिरिक्खजोणिए हिन्तो उववज्जन्ति, एवं जेहिन्तो नेरइयाणं उववाओ भणिओ तेहिन्तो एएसि पि भाणियव्त्रो, नवरं पज्जत्तगअपजत्तगेहिन्तो वि उववज्जन्ति, सेसं तं चैव ॥ ३१२ ॥ जइ मणुस्सेहिन्तो उववज्जंति किं संमुच्छिममणुस्सेहिन्तो उववज्जंति, गब्भवक्कंतियमणुस्से हिन्तो उववज्जंति ? गोयमा ! दोहिन्तो वि उववज्जंति । जइ गब्भवकंतियमणुस्सेहिन्तो उववज्जंति किं कम्मभूमगगब्भवक्कंतियमणुस्सेहिन्तो उववज्जंति, अकम्मभूमगगब्भवकं तियमणुस्सेहिन्तो उववजंति ? सेसं जहा नेरइयाणं नवरं अपजत्तएहिंतो वि उववज्जंति ॥ ३१३ ॥ जइ देवेहिन्तो उववजंति किं भवणवासि • वाणमंतर • जोइस • वेमाणिएहिन्तो उववजंति ? गोयमा ! भवणवासिदे वेहिन्तो वि उववज्जंति जाव वेमाणियदेवेहिन्तो वि
